炮台山站

炮台山站（粵拼：paau3 toi4 saan1 zaam6；英文：Fortress Hill Station）係香港港鐵港島綫，個站喺英皇道同油街交界地底，因為近以前北角炮台(而家係皇都戲院)而命名。喺個站起咗之後，呢個銅鑼灣同北角交界嘅地方，亦都畀人誤叫「炮台山」。個站上蓋發展咗康澤花園。特別嘅喺呢個站冇升降機來往大堂同地面，係全港鐵網路唯一出現呢個情況嘅車站。

炮台山
Fortress Hill

炮台山站1號月台
站名
中文名	炮台山站
英文名	Fortress Hill Station
站代碼	FOH
基本資訊
座標	22.288143°N 114.193637°E / 22.288143; 114.193637
車站色	綠色
途經路線	港島綫
站服務時間	0558-0117 尾班車時間
接駁交通	巴士、小巴、電車
車站結構
站類	地底
月台類	島式月台 （分離式月台）
月台數	2
出口數	2
其它設施	其它無障礙設施
地圖

車站結構

車站樓層

G	地面	出口
L1 大堂	大堂	客務中心、車站商店
		自動售賣機、自動照相機、自動櫃員機
L3 月台		路軌
		往柴灣
	島式月台，右邊嘅車門將會打開
		往堅尼地城
		路軌

呢個站嘅扶手電梯係全個港鐵系統最長嘅。

車站大堂

車站商店及自助服務

車站商店 7-Eleven 美心西餅 Lady Story

自助服務 恒生銀行自動櫃員機 中銀香港自動櫃員機 自動售賣機 自動照相機

車站月台

炮台山站設有一個島式月台，並裝有月台幕門。位於英皇道地底，上蓋發展咗康澤花園。炮台山站同附近天后站嘅距離只有大約480米，係香港相距第2短嘅兩個重鐵站，約1分鐘車程（相距最短嘅係太子站同旺角站，只有大約400米）。

炮台山站嘅設計入面，只有4條扶手電梯連接車站大堂同月台，喺港島綫通車嗰時，嗰4條扶手電梯係全港鐵路系統最長嘅扶手電梯，喺月台東面，同1部升降機（東面的樓梯旁）。此外，炮台山站月台東面有一條非常隱蔽嘅樓梯（升降機旁）通往大堂，因為位置偏遠而且大堂同月台之間距離比較長，好少乘客用。曾經有青年喺嗰條樓梯與未成年少女發生性行為被捕。

車站出口

• A - 油街
  • 友邦廣場、電氣道、海峰園、宏利保險中心、港島海逸君綽酒店、Shama Fortress Hill、香港麗東酒店、油街、艇街、七海商業大廈、富澤花園
• B - 康澤花園
  • 城市花園、城市花園酒店、電氣道市政大廈、炮台山道、康澤花園、北角城中心、怡安中心、國都廣場
    • 設有輪椅輔助車服務及失明人士引導徑往返地面

鄰接車站

	港島綫
堅尼地城 - 香港大學 - 西營盤 - 上環 - 中環 - 金鐘 - 灣仔 - 銅鑼灣 - 天后 - 炮台山 - 北角 - 鰂魚涌 - 太古 - 西灣河 - 筲箕灣 - 杏花邨 - 柴灣

接駁交通

• 電車
• 城巴：
  • 8S、8X、10、19P、85（往寶馬山）、77、77A、99、A11、R11、N8X、N72、NA11
• 新世界第一巴士：
  • 2、2A、8H、18、18P、23、25、27、38、42、42C、63、65、81、N8
• 過海隧道巴士：
  • 102、106、110、112、116、307P、601、603A、619、619X、671、678、679、680、680B、680P、690、962E、N118、N122、N619、N680、N691
• 小巴
• 港島專線小巴：
  • 49M、56、69

利用狀況

炮台山站近住多間中學，例如金文泰中學、張祝珊英文中學、顯理中學等等，區內亦有多個大型屋苑、甲級商廈、酒店同埋服務式住宅（例如 Shama Fortress Hill），故此呢個站喺平日返工放工同返學放學嘅繁忙時間人流比較多。而星期六、日同公眾假期嘅人流比平日繁忙時間少。

港鐵喺呢個站亦提供來往寶馬山專線小巴49M嘅轉乘優惠，乘客喺炮台山站轉專線小巴49M可以慳$0.5，因此唔少寶馬山上嘅乘客喺炮台山站轉港島綫。

和富家居庭設有適用於該站嘅港鐵特惠站，為用成人八達通卡嘅乘客提供港幣2元車費回贈。

車站歷史

車站計劃至落成（1967-1985）

1967年，喺地鐵規劃港島綫初稿中，呢個車站叫「銅鑼灣站」，大約位置喺油街一段英皇道，同埋七海商業中心嘅地底，同而家炮台山站位置相約。1980年，地鐵更改對港島綫嘅規劃，將原有嘅銅鑼灣站一分為二，叫域多利同埋炮台兩站。其中新增嘅域多利站喺銅鑼灣裁判署地底。兩站其後再分別改名做「天后站」同「炮台山站」，並於1985年5月31號同港島綫一齊啟用。

另外，喺早期炮台站計劃中，蜆殼街近七海商業中心一帶原本係南面大堂所在地，以便乘客由天后北一帶行去炮台站。但因為該區最終嘅可發展密度同埋規模因應東區發展而放緩，令人口比預期低，故此南面大堂喺較後期嘅港島綫規劃中被擱置。

根據《明報》報導，香港政府早喺1980年代初，已經喺英皇道嘉信大廈地下同地庫（七海商業中心）留定位畀日後起車站出入口。東區區議會轄下嘅交通同運輸事務委員會喺2008年12月18號討論喺炮台山站起新出入口嘅事，多名區議員都要求港鐵公司利用個預留區。港鐵公司就話，炮台山站嘅人流雖然有輕微增長，但原有兩個出入口仍足夠應付，冇需要起新出入口；而現時炮台山站嘅位置同當初預留位置時規劃嘅有所差異，由車站連接至七海商業中心亦會比較遠。

車站啟用後至今（1985-）

炮台山站自啟用以來，除咗作出小規模翻新同裝月台幕門外，並無重大改變。直至2006年，地鐵公司喺車站加設更多車站商店，方便乘客。

上一站‧下一站

上一站		港鐵		下一站
天后 往堅尼地城		港島綫		北角 往柴灣

列車班次

月台	方向	列車班次（分鐘）						頭班車	尾班車
		平日上晝 繁忙時段	平日下晝 繁忙時段	星期六上晝 繁忙時段	星期六下晝 繁忙時段	星期六 非繁忙時段	平日非繁忙時段/ 星期日及公眾假期
	往柴灣	1.9	2.1	3	2.8	4-5	3.6-6	0616	0107
	往堅尼地城							0608	0048

出面網頁

• 港鐵公司－炮台山站街道圖
• 港鐵公司－炮台山站位置圖
• 港鐵公司－炮台山站列車服務時間