《烈火雄心3》（英語：Burning Flame III）係香港電視廣播有限公司嘅時裝紀律部隊電視劇，以高清技術拍攝，由王喜、鄭嘉穎、黃宗澤同胡杏兒領銜主演，監製王心慰。呢部劇係2008無綫節目巡禮同埋2009無綫節目巡禮嘅劇集之一，亦都係2009無綫節目精選第二季劇集之一，係《烈火雄心》系列作嘅一部分，但係劇情上同前兩輯完全冇關連。劇集獲香港消防處協助拍攝，而實地取景包括喺九龍塘消防局（劇中虛構為九龍城消防局）同埋寶馬山消防局（劇中虛構為斧山消防局）。
