燙斗
燙斗（粵拼：tong³ dau²），或者寫做熨斗，英文叫佢做「iron」，係一種用來整平啲布料或者衫褲（即係燙衫）嘅電器。
名字 編輯
熨斗有好多個名。佢嘅古代英文名係「Sad irons」，Sad嘅意思係「固體」，源自當時嘅熨斗主要係可以放到5至9英磅（2.3至4.1公斤）咁多嘅金屬塊。
不過個名依家聽上去就好似好慘，因為 中文譯返過嚟係 悲慘的鐵。
[1]中文個名嘅「熨」字就係嚟自火斗，因為需要用炭火嚟整啲熱出嚟。[2]而個「斗」字就係嚟自佢以前煮嘢食嘅用具嘅外形。[3]《說文解字注》到嘅「上象鬥形，下象其柄也，鬥有柄者，蓋北斗」就有咗「北斗」呢一個名。[3]
歷史 編輯
中國 編輯
最初熨斗係喺商朝由商紂王發明出嚟，不過係用嚟辣人，係一種極度之恐怖嘅酷刑。
去到西漢東漢，熨斗終於用嚟燙衫，不過係貴族用品。用法係喺盆腹到加入炭火，跟住揸住支手柄，用盆底燙衫。
去到魏晉嗰陣燙斗就開始 普及化同平民化 ，全部人都用得喇！由唐朝詩人王建嘅 《㨶衣曲》就可以睇到佢嘅普遍性。
去到宋朝嗰陣嘅燙斗就更加似我哋依家個船樣喇，而且用途仲越嚟越多。宋朝嘅燙斗唔單止可以用嚟燙衫，仲可以用嚟燙紙、護書、熏香甚至乎酒杯咁用。將啲香料或者係點燃咗嘅沉香放落去熨斗到可以同時增加啲衫褲嘅香氣，仲成為咗嗰陣消耗香料嘅主要來源。
《隋書．李渾傳》有講過原北周將領 李穆 擁護 楊堅 用兵嗰陣，為咗表示自己嘅效忠之心，佢叫咗佢個仔拎住個燙斗見 楊堅 ，表達楊堅可以平定天下同自己嘅忠心耿耿。
《驂鸞錄》寫到：“路旁有鈷鉧潭。鈷鉧，熨斗也。潭狀似之。」，並因為咁而延伸咗一啲相關地名，就好似熨斗鎮。[3]
其實我哋都可以搵返以前嘅熨斗睇吓嘅。
最早嘅熨斗係喺戰國時期，即係大約公元前400年至前250年嗰陣搵到嘅。
而喺西漢時期嘅貴族墳墓—茂陵一號無名塚到亦都搵到個叫「陽信家熨銚」嘅燙斗。至於西漢晚期，即漢宣帝、漢元帝時期，長沙湯家嶺1號墓都發現咗一個銅熨斗。佢係最早比人雕刻咗「熨斗」二個字嘅器物。[4]
外國 編輯
熨燙衣物嘅紀錄最早出現喺公元前400年左右。古希臘人會用一隻叫做「Goffering iron」嘅燒鑄圓形鐵棒喺長袍上面整啲摺皺嘅效果。[5]古羅馬人就會用扁pet6pet6嘅金屬板去整走啲褶皺。[5]
同我哋依家差唔多樣嘅熨斗就喺大約公元1300年左近出現嘅，佢個名係「平熨斗」（Flat Iron）。呢一種熨斗係要經過火烤熱之後，隔著另一層布（唔好俾加熱咗嘅碳粉等等整污糟）嚟將啲衣物燙平，[5]並且喺唔用嗰陣要定期清潔。為咗唔好生鏽，啲人會用砂紙打磨同搽啲油上去，順便確保佢可以喺乾淨嘅衣服上面喐得平穩啲同暢順啲。[1]
因為喺呢個時候嘅熨斗都仲係控制唔到溫度，所以發展咗一種叫做熨斗架嘅嘢，幫助熨斗喺冷卻咗之後可以即刻換返另一個熨斗嚟用。[6]
到咗17世紀，除咗啲義大利人仲係用緊另類嘅皂石嚟燙衫之外，多數嘅歐洲人已經用緊加熱嘅D字型鐵板嚟達至同樣嘅目的。呢一個就係西方熨斗嘅最初形態。[7]
「盒熨斗」呢一種熨斗就係將啲內部嘅鐵塊、煤炭或者係其他加咗熱嘅元件喺燒熱咗之後放喺下方嘅盒到用。由於呢一個設可以有效咁避免比碳粉整污糟嘅問題，所以佢比人連續用咗幾百年。[5]但係佢都仲有一個缺點，就係要喺啲衫褲到灑水之後先用得。[8]
至於加條木柄嚟防止辣親嘅設計就喺大約1870年代左近出現。
.jpg)
1870年代，「燃氣熨斗」（Gas iron）比人發明咗。[5]佢用咗乙醇、天然氣或者係鯨油等等一系列嘅燃料嚟加熱。佢比啲燃料由佢後面塞入去佢裡面到燒嚟保持熱量，嚟令到佢可以有效咁減低重量。[6]
而1882年就出現咗第一個去申請電熨斗專利嘅人——Henry W. Seeley。[5]1920年代嗰陣終於出現咗一種可以持續保持往一定溫度嘅熨斗同埋另一種可以帶有蒸氣功能嘅熨斗。[5]最後喺1953年嗰陣就發明咗噴霧蒸汽式電熨斗。[3]
美國紐約市嘅熨斗大廈，就因為佢個樣似熨斗而得名。[9][10]
邊到有得睇 編輯
依家成個世界都有幾笪地方有收藏往大量嘅熨斗，就好似深圳觀瀾鰲湖老村古代熨斗博物館，烏克蘭嘅Radomysl Castle,都收藏咗成150個古代熨斗。[11][12]
依家嘅熨斗 編輯
依家嘅熨斗會用恆溫器嚟保持溫度穩定。當加熱元件變得太涷或者係太熱嗰陣，恆溫器會打開或者閂埋嚟控制溫度。[6]而恆溫器嘅運作原理就係有兩塊比人固定咗喺埋一齊，但係有往唔同嘅熱膨脹系數金屬片。佢哋比人加熱嗰陣會彎去系數比較細嗰邊並且斷開。[13]
熨斗嘅底板多以鋁或不銹鋼製成，當使用時，儲存喺熨斗入面嘅水會流去因電流而發熱嘅金屬版到，變做蒸氣嘅形式噴去衣物到嚟達到熨平嘅目的。[6][3]
依家熨斗有另一種手提蒸氣熨斗嘅形式，並可以將啲衫晾高嚟燙。[14]
風險 編輯
因為熨斗要用到加熱同加水（要知道蒸氣變返做水嗰陣會釋放大量嘅潛熱（latent heat），數值係2.26*10^6 J/kg），所以好危險。產品一有問題或者係使用不當嘅時候就會有可能造成火災、燙傷等等嘅危險。[13][15]
參考 編輯
- ↑ 1.0 1.1 引用錯誤 無效嘅
<ref>標籤；無文字提供畀叫做mocanyc嘅參照 - ↑ 引用錯誤 無效嘅
<ref>標籤；無文字提供畀叫做dict嘅參照 - ↑ 3.0 3.1 3.2 3.3 3.4 引用錯誤 無效嘅
<ref>標籤；無文字提供畀叫做art嘅參照 - ↑ https://www.hk01.com/%E5%A4%A7%E5%9C%8B%E5%B0%8F%E4%BA%8B/961979/%E5%95%86%E7%B4%82%E7%8E%8B%E7%99%BC%E6%98%8E%E7%9A%84-%E8%B6%85%E6%AE%98%E5%BF%8D%E5%88%91%E5%85%B7-%E5%9B%9A%E7%8A%AF%E4%B8%80%E8%A6%8B%E9%AD%82%E9%A3%9B%E9%AD%84%E6%95%A3-%E4%BD%86%E4%BD%A0%E4%B9%9F%E4%B8%80%E5%AE%9A%E7%94%A8%E9%81%8E#media_id=10553151
- ↑ 5.0 5.1 5.2 5.3 5.4 5.5 5.6 引用錯誤 無效嘅
<ref>標籤；無文字提供畀叫做MA嘅參照 - ↑ 6.0 6.1 6.2 6.3 引用錯誤 無效嘅
<ref>標籤；無文字提供畀叫做sc嘅參照 - ↑ 引用錯誤 無效嘅
<ref>標籤；無文字提供畀叫做Craughwell嘅參照 - ↑ 引用錯誤 無效嘅
<ref>標籤；無文字提供畀叫做catalog嘅參照 - ↑ 引用錯誤 無效嘅
<ref>標籤；無文字提供畀叫做Alexiou嘅參照 - ↑ 引用錯誤 無效嘅
<ref>標籤；無文字提供畀叫做Roberts嘅參照 - ↑ 引用錯誤 無效嘅
<ref>標籤；無文字提供畀叫做people嘅參照 - ↑ 引用錯誤 無效嘅
<ref>標籤；無文字提供畀叫做ukr嘅參照 - ↑ 13.0 13.1 引用錯誤 無效嘅
<ref>標籤；無文字提供畀叫做bsmi嘅參照 - ↑ 引用錯誤 無效嘅
<ref>標籤；無文字提供畀叫做hk01嘅參照 - ↑ 〈【消防知識培訓】電氣火災不可小覷〉. 喺2023-10-19搵到.
{{cite web}}: CS1 maint: url-status (link)
如果發現啲參考係壞嘅，請返返去正中文嘅維基到check