玉女神偷

《玉女神偷》係喺1967年嘅一部粵語片，由楚原執導，蕭芳芳、呂奇、梁醒波同李香琴領銜主演。

情節編輯

過氣大盜王財發因為輸俾錢亦通嘅一件古董「貴妃鏡」被人偷咗，聽咗個女家玉嘅計，用假鏡頂替，點知亦通帶埋警察同保險員李梅來攞鏡，重準備將貴妃鏡展覽。財發好擔心會穿煲，家玉於是提議將假鏡偷走，財發因為身手大不如前，就搵神偷李傑幫忙同家玉去錢家偷鏡，李傑、家玉發現塊鏡畀人早一步偷走咗。

展覽會如期舉行，而且重展出真鏡，財發幾個人諗唔明點解咁奇怪，於是又聯手偷鏡，點知發覺偷到嘅又係假嘢。呢個時候李梅帶埋真鏡出現，原來一切都係佢為咗同細佬李傑相認；警察追捕來到，李梅將警察戲弄一番，又將假鏡留給亦通，真鏡還翻畀財發。