呢篇文講嘅唔係盧布

盧比印度文:Rupiya;梵文:Rupyakam)係貨幣單位,普遍喺印度斯里蘭卡尼泊爾巴基斯坦毛厘士同埋塞舌爾群島流通。印尼嘅貨幣單位Rupiah同馬爾代夫嘅Rufiyah都屬於印度語Rupiya嘅派生詞。

印度盧比細分為100 paise或者pice(單數形式係paisa),斯里蘭卡盧比則細分為100分。尼泊爾盧比嘅細分方式比較複雜:1盧比可以分為100 paisa或者pice(兩者係復數形式,又係單數形式),又可以分為4 Sukas(單數形式係Suka)或者2 Mohors(單數形式係Mohor)。

名來源 編輯

盧比(rupee)一詞源自梵文詞「rūp」或者「rūpyāh」,意思係經過精煉嘅。梵文詞「Rūpyakam」意思係銀幣。「Rupiya」呢個詞由1540年1545年間統治印度嘅國王舍爾沙創出嚟,佢又引入Dam同Mohur兩個詞作為銅幣金幣嘅名。後嚟,莫臥兒王朝為咗鞏固貨幣系統,將呢個貨幣製度標準化。

價值 編輯

舍爾沙在位期間,Rūpaya呢個詞表示銀仔,1個Rūpaya相當於1個重178格令(11.534克)嘅銀幣。從嗰時開始,印度就一直用呢種硬幣,甚至乎印度成為英國殖民地之後都繼續用。到咗19世紀末期,1盧比一般嚟講可以兌換1先令又4便士,15盧比大概等於1英鎊

盧比嘅價值係用銀含量嘅多少嚟衡量。不過到咗19世紀,大部分強大嘅經濟實體陸續採用金本位嘅貨幣體制,令到盧比貶值。當時,有人喺美國發現大量嘅銀,所以喺好多歐洲殖民地,銀兌嘅比率大幅度下降。面對突如其來嘅變化,印度嘅標準貨幣迅速貶值

而家用緊盧比做單位嘅貨幣 編輯