祖斯瑪利亞·蘇沙康德·高士德(葡文:José Maria de Sousa Horta e Costa,1858年10月20號—1927年9月21號),葡萄牙軍人、政治人、外交官,第98任澳門總督。
高士德曾經效力軍隊,做過工程師。後尾逐漸被提升至上校,並喺科英布拉大學攞到數學學士學位。
1894年至1897年期間,被葡萄牙任命為澳門總督。後尾曾被多次任命為特命全權公使出使大清、日本、暹羅,同慈禧太后、光緒帝、明治天皇同埋朱拉隆功會過面。1900年至1904年期間,再次被任命為澳門總督。
澳門嘅高士德大馬路係以佢個名命名。