神秘夫人

《神秘夫人》係香港光藝製片公司喺1966年嘅一部粵語片，由李應源執導，朱江、丁瑩領銜主演。

情節編輯

美國讀書嘅周長青（朱江飾），喺化妝舞會遇見神秘夫人沈潔冰（丁瑩飾），一見傾心，可惜潔冰已有婚約，所以拒絕表露真正身份。潔冰返香港探望患病嘅未婚夫，點知過咗身，潔冰於是留喺香港，喺周家做私家看護。

長青舅父馮仁（鄭君綿飾）謀住周家產業，安排情婦蓮娜（羅蘭飾）假扮神秘夫人迷惑返港嘅長青，而蓮娜嘅情人劉健（李克飾）為咗呃錢又安排另一情婦假扮神秘夫人，好彩俾長青睇穿。

長青掛住神秘夫人掛到病咗，周母（譚蘭卿飾）於是要求潔冰扮神秘夫人，長青怒罵潔冰貪錢，後來先知誤會咗潔冰，認錯之後兩人終成眷屬。