秋田犬

秋田犬係日本嘅國狗。秋田犬嘅體態均勻，背脊挺直，心口同腰部肌肉結實，粗大厚實嘅尾巴會喺背脊上便捲一兩圈。佢尐腳趾之間有蹼，所以幾叻游水。因為佢尐皮毛有天然嘅防水能力，所以如果沖太多涼會影響防水能力。

秋田犬嘅個性好勇敢、深情、忠心同聰明。但係要注意因為佢哋地域意識極強，會同其他狗仔打交。養秋田犬要好大地方，而且佢哋運動量都好高。