空襲
空襲係使用天空上面嘅武裝力量對敵人地面、地底、水面、水底目標實施嘅轟炸同射擊，既可以針對大規模嘅區域，又可以針對特定嘅建築物。
簡史 編輯
人類史上第一次空襲發生喺19世紀嘅奧意戰爭（1848-1849年），當時奧地利軍隊想用自由氣球裝住30磅炸彈送去威尼斯上空爆炸，不過因為控制唔好風向而唔成功。
發明咗飛機之後，人類就開始研究用飛機做空襲。第一次用飛機進行嘅空襲發生喺1911年，由意大利嘅機師向土耳其軍隊投放咗4粒榴彈，但無造成好嚴重嘅死傷。
空襲喺第一次世界大戰嗰時被廣泛使用，德國空軍喺1914年期間之後空襲咗巴黎、杜夫爾同埋倫敦。
有咗空襲之後，大家亦開始發展防空技術。自從德國空襲倫敦之後，英國就好重視空襲警報機制、防空洞同埋疏散居民等嘅防空措施。
其中一次最出名嘅空襲就係發生喺1941年嘅珍珠港事件，當時嘅大日本帝國軍隊偷襲珍珠港，空襲持續咗110分鐘，造成美軍有2403人死，1178人傷。而日本就損失咗29架軍機同埋55名飛行人員。