糯米雞

糯米雞係源自廣東嘅一種點心。製法係用荷葉包住糯米，入面放雞肉、叉燒肉、鹹蛋黃、冬菇、臘腸或者用紅腸等，會落埋蠔油同其他調味做餡料。

傳統嘅糯米雞嘅份量唔細，食一個糯米雞已經差唔多係半餐飯量。所以大概1980年代起嘅廣東酒樓推出材料相同，而體積細一半嘅珍珠雞。

另一種同糯米雞相似嘅點心係荷葉飯。兩者外形相似，但荷葉飯係以粘米而唔係糯米製成。

相傳糯米雞起源於廣州嘅夜市，最初係以碗冚住蒸熟而成，後來為小販為方便擔挑出售，改用荷葉包住。

同糭嘅分別編輯

糯米雞除咗用荷葉，糭葉包外，重有唔同，糯米雞用荷葉包住，方塊形狀，糭係用繩紮實，用箬葉包住，方塊形狀係長條或菱形狀。更主要分別，糯米雞用蒸具蒸熟，糭係用水煮熟嘅。食起來糯米雞嘅米飯較軟綿，糭嘅米飯加埋去皮綠豆就硬一啲。另外，糭同糯米雞嘅材料亦有唔同，廣東嘅糭主要用豆、肥豬肉、咸蛋做餡。