艾未未

艾未未（Ai Weiwei，1957年 8月28號—）係中國藝術家，建築設計師，又係社會評論員、文化評論員。因為佢係出名詩人艾青個仔，亦都為人所知。佢喺實驗藝術呢方便，係中國頭頭^[1]。

2011年4月3號北京當局扣留佢^[2]，不過冇正式逮捕或落案起訴^[3]，個幾月後，公安機構話艾未未涉嫌「經濟犯罪」。有國家要求放佢，亦有人聲援。2011年6月2號，艾未未可以「取保候審」^[4]。

家庭編輯

艾未未係艾青同高瑛兩位詩人生嘅仔，1957年喺北京出世^[1]。無耐文化大革命，佢成家都放逐去新疆勞改。嗰度艾未未就住咗五年。

1981年到1993年，佢喺美國住，主要留喺紐約。

艾未未老婆叫路青。

1978年，北京電影學院開辦，佢入咗學院，同期有陳凱歌同張藝謀等。1981年到1993年喺美國，佢主要搞表演藝術，而佢亦都做改現成嘅嘢而成嘅概念藝術。紐約時，佢讀過Parsons School of Design。

1998年，佢去美國搞個叫《舊鞋、性安全》概念藝術展，係第一次有大陸人去國外搞呢類展^[1]。返國之後，就搞咗中國第一套前衞藝術刊物，《黑皮書》、《白皮書》同埋《灰皮書》^[1]。

2000年，佢同馮博一喺中國上海搞展。

2006年，佢喺紐約Hudson Valley區度設計咗一個私人住宅，間屋含有好多當代中國藝術元素。

2007年，佢參加文獻十二，帶埋一大班唐人同行來做展品。而佢嘅作品《模》，畀大雨壓爛。之不過艾未未無重新整返，因為佢見到自然力量做到畀佢更正嘅作品。

佢亦同夾埋瑞士行Herzog & de Meuron，設計咗北京國家體育場，即係2008年夏季世運會場地鳥巢。之不過佢係對呢次中國搞世運會好失望。因為佢唔係推動中國改革，而係將世運會淪為一種宣傳。佢2007年8月話史匹堡同張藝謀搞世運開幕典禮，以藝術家來講，係失責。佢亦都話唔會出現喺開幕典禮。