呢篇文講狗。想搵墨西哥同名地方嘅話,請睇芝華華州同埋芝華華市

芝娃娃粵拼zi6 waa1 waa4,西班牙語「chihuahua」)係純種之中最細嗰種,個名來自墨西哥同名地方(芝華華)。

外形 編輯

芝娃娃嘅特點係細隻,眼大、耳仔大、條尾豎起。美國犬業俱樂部(AKC)只承認一種芝娃娃,但其實呢隻犬種有好多型態、花色同埋長短毛之分。分為短毛種同長毛種,短毛多啲見,而長毛芝娃娃身上嘅毛質會比較光澤且柔軟,後肢肌肉較發達。性情勇敢不過好怕凍,鍾意熱同曬太陽。長毛種嘅耳仔、腳同尾巴都有裝飾毛,但係毛未長到拖地。花紋顏色方面,墨西哥地區以前以黑色品種居多,不過而家毛色有好多隻,抱括奶油色、紅色、啡色、黑色中夾雜有黃啡色、朱古力色、灰色、各種混色。佢哋嘅重量介乎一至五公斤之間(但 AKC 唔認可超過3公斤嘅芝娃娃),高大概十五至廿五厘米。

性格 編輯

芝娃娃嘅性格同埋佢哋嘅忠誠,令佢哋經常俾人讚。但係由於佢哋體型細,所以好易受到傷害。所以芝娃娃並唔適合做細路嘅寵物。反而,芝娃娃最啱陪老人家,或未婚女性[未記出處或冇根據]。佢哋細小嘅體型亦為佢哋帶嚟好處:細隻,令佢哋可以輕易適應現代嘅生活環境,包括市區同細大廈單位。再加上芝娃娃機警、聰明,令一啲城市人鍾意養佢哋做寵物。一般嚟講,芝娃娃犬可以有十五年或以上嘅命。

歷史 編輯

目前人類掌握有關芝娃娃起源資料重係好少。現時有一個講法,認為芝娃娃嘅祖先,可能同九世紀時支配今日墨西哥周圍嘅阿茲提克文明有關。佢哋嘅皇室養咗一種叫 Techichi 嘅狗。呢種犬種同芝娃娃好似,但係大隻啲。現時芝娃娃係寵物,但喺當時,佢哋有宗教意義,攞嚟陪葬。由於咁耐,佢哋係北美最古老嘅狗種。

今時今日嘅芝娃娃,係喺十九世紀由美國引入墨西哥當地嘅原種狗,再同其他犬種雜交而成。

相關電影 編輯

出面網頁 編輯