花生漫畫》(英文Peanuts)係一本以搞笑嚟做題材嘅美國漫畫,由美國當代著名漫畫家查爾斯·舒爾茨英文Charles M. Schulz(舒爾茲)所畫,曾經翻譯成21種唔同嘅語言,喺超過2600份報紙中刊登,喺75個唔同國家當中有3億5000萬個讀者。

《花生漫畫》主要角色

呢部長篇漫畫喺1950年10月2號開始發行,連載咗50幾年,17,897幅漫畫。「黃金時代」只有短短15到20年(50年代中至70年代初),而且即使喺70年代,《花生漫畫》嘅質量都有明顯下降嘅跡象。80年代,《花生漫畫》故事情節已經好少再有亮點,漫畫十足雞肋一樣。去到90年代就更加唔使講。

1999年11月左右,77歲嘅舒爾茨因病入院,佢嘅身體狀況已經唔再容許佢繼續畫漫畫。佢喺出院之後仍然努力嘗試去完成佢最後一輯漫畫嚟到向讀者告別。呢篇告別作最終喺2000年2月13號(亦即係作者死嗰日)面世,而內容僅僅只有三格。

呢部漫畫作品嘅電視動畫版曾經攞過艾美獎英文Emmy Awards),而佢嘅假日特輯等等嘅動畫版喺美國廣播公司播出嗰時非常之受歡迎,甚至重流行到全世界。

《花生漫畫》令舒爾茨名成利就,喺佢死後,佢嘅後人仍然繼續享受緊由《花生漫畫》版權所帶嚟嘅各種收入。就喺2006年,《福布斯》雜誌(英文Forbes)將舒爾兹評為已逝世嘅名人當中,收入最高嘅第三位。

角色 編輯