蘇聯解體
蘇聯解體（俄文：распад СССР）以發生喺1991年12月25日嘅蘇聯總統戈巴卓夫宣佈唔撈為標誌，蘇聯最高蘇維埃第二日通過決議宣佈蘇聯停止存在，立國69年[1]嘅蘇聯從此正式解體。
蘇聯解體嘅原因 編輯
喺蘇聯時期，發達嘅重工業同長期嘅軍備競賽雖然拉動咗國內生產總值，掩蓋咗人民生活水準一直毋好嘅現象，但係爾個唔符合人民嘅利益，亦都搞到蘇聯人民唔滿意。第二，高度集中嘅政治體制缺乏民主，幹部階層唔能夠避免日益官僚主義化，號稱代表人民利益嘅黨嘅幹部群體逐漸蛻變成同人民對立嘅特權階層。群眾越來越感受到特權階層同自身利益嘅根本背道而馳，爾種政治體制嘅衰敗同瓦解亦都毋可能避免。
除咗爾尐原因之外，蘇聯從1922年起手實行新經濟政策，列寧對戰時共產主義政策進行改革，並強調更加發揚黨內民主。然而自從1926年史太林當權之後，形成咗高度集中化嘅政治經濟體制。雖然喺呢種體制下蘇聯實現咗工業化，但到咗1950年代，弊端日益暴露，礙住咗蘇聯嘅發展。跟住，赫魯曉夫同勃列日涅夫先後進行咗改革，但佢哋凈系對原有體制進行好細忌修補，冇從根本上徹底改變高度集中嘅政治經濟體制。最明顯嘅就係蘇聯內部嘅特供商店，特供商店入邊充滿著外國名貴同埋蘇聯國內非常之缺嘅商品，專門畀蘇聯嘅特權階級享用。相較之下，大部分蘇聯人民必須忍受劣質、陳舊而且無人想買嘅嘢[2]。呢種體制傾向於犧牲下層人民嘅利益來解決上層權貴嘅問題，從1989年開始，蘇聯由於改革失利同嚴重嘅通貨膨脹，加上切爾諾貝爾核災，開始對下層人民實行進一步嘅緊縮政策，搞到煤礦礦區嚴重消費品短缺，導致長期受壓迫嘅煤礦工人大罷工[3]。
參考 編輯
- ↑ 蘇聯正式嘅歷史應該從1922年蘇維埃俄國等國家組成聯盟起手計起，唔係從十月革命起手。十月革命之後產生嘅俄羅斯蘇維埃聯邦社會主義共和國並唔等同於打後嘅蘇聯。
- ↑ 〈蘇聯特供商店，造就特權生活〉 (簡體中文). 莫斯科華人報. 2011-07-04. 原著喺2014-07-16歸檔. 喺2013-07-13搵到.
- ↑ 〈嚟自上層嘅革命：蘇聯體制嘅終結 礦工罷工〉 (簡體中文). 2008-11-29. 原著喺2014-04-26歸檔. 喺2013-07-13搵到.
出面網頁 編輯
- 〈蘇聯解體〉. YouTube.com.