螢石

螢石又叫氟石（英文：Fluorite或者fluorspar）喺一種普通嘅礦石，主要成分係二氟化鈣（CaF₂）。晶體係典型立方體或者八面體，螢石色水好多變化，咩顏色都有。螢石可藏響唔同嘅岩石裏面，靚嘅螢石標本重會畀礦物收藏家爭住來收。

螢石

嗰粒唔喺紫水晶，嗰粒喺紫顏色嘅螢石, 叫做紫水晶螢石,

綠顏色嘅螢石球

名

螢石之所以叫螢石 ，係因為佢識發螢光，好似螢火蟲發光咁。另一個原因係，螢石英文fluorite，係來自拉丁文fluere，即係流動咁解，反映到螢石好易熔。因為佢含氟，亦都氟石。

用處

螢石嘅用途有好多種，可以 拎來當作裝飾品，英國人就用紫色嘅螢石來做花樽等器皿。工業上面，煉鋼廠煉鋼嘅時候，會添加螢石作為助熔劑。

螢石可以用整氫氟酸，可以畀餐具上釉，同埋整玻璃嗰陣，都會加啲螢石。

螢光

螢石發光嘅原理，喺因為螢石嘅原子結構，有電子響軌道上面圍住原子核轉，而人眼睇唔到嘅紫外光，佢嘅能量會刺激呢啲電子改變軌道。之後，嗰啲電子又歸返去原本軌道，呢個時候，吸咗嘅紫外線能量，就會放返出來，變成可見光畀人眼睇到，即係光嘅波長長咗。而種呢啲光就叫螢光。

分佈

中國大陸產量都幾多，大陸就喺螢石外銷大國。