話本小說

「話本」既意思係「說話」既底本，係宋朝流行既娛樂模式，用依家既話講，就係「說書」。演繹「話本」既時候，說書人用講同埋唱既方法，將故事呈現喺觀眾面前。而講唱內容既底本，就係「話本」。

話本亦都可以好似書咁俾人睇，就好似依家既小說咁。魯迅亦曾經講過：宋人說話既影響好大，宋朝之後既小說，好多都係基於話本小說寫既。明朝之後，文人學宋朝同埋元朝既話本，寫成專門俾讀者睇，而唔係聽既閱讀版既「話本」，呢啲話本叫做「擬話本」。魯迅喺《 中國小說史略中國小說史略 》裏面，用咗「擬話本小說」呢個名，後來「擬話本小說」、「話本小說」呢個叫法就俾後人普遍咁用。

呢啲「擬話本」多數係反映一般居民既生活，表現普羅大眾既價值觀、審美標準同埋生活情趣。擬話本既體裁同話本相似，都係頭尾都有一首詩，中間亦都會用詩詞去點綴，而用字會用好多俚語同埋俗語。

宋元期間「擬話本」既代表作有《大唐三藏取經詩話》同埋《大宋宣和遺事》。

去到明朝，馮夢龍既《喻世明言》、《警世通言》同埋《醒世恆言》（呢三套書又叫做《三言》，每本40篇，總共120篇），同埋凌濛初既《初刻拍案驚奇》同埋《二刻拍案驚奇》（呢兩套書又叫做《二拍》）都好有代表性。