護法之役孫中山1917年以維護約法為號召北伐段祺瑞嘅一場仗。

段祺瑞掌握咗實權之後,應日本同英、美要求,對德國宣戰。日本就應承借錢畀中國,同埋幫中國訓練軍隊。另外,段祺瑞聲稱自己已「再造共和」,喺拒絕恢復臨時約法同國會之際,又另組由自己控制嘅參議會。當時孫中山反對中國向德國宣戰,德國大使下旗回國之前,就經過仲响上海做緊股票嘅蔣介石(蔣介石日記有寫呢單野),暗中畀咗二百萬銀圓孫中山。孫中山以維護約法為號召,賄賂响北京冇得撈嘅國會議員、同埋北洋政府唔出糧嘅海軍,聯合西南軍閥陸榮廷唐繼堯等人,响廣州另外組織中華民國軍政府,對抗北京段祺瑞。孫中山自任為海陸軍大元帥,出師北伐,就係護法之役。後來孫中山啲錢用完,佢堅持用兵,搞到廣東民窮財盡。西南軍閥同廣東軍頭陳炯明都唔妥,先後同佢反面,將佢趕出廣州。孫中山去咗上海租界。冇耐之後,另一外國勢力蘇聯越飛上門搵孫文合作。畀大筆錢佢重返廣州;又送軍火,派軍官幫佢建立軍校;派政治顧問教佢學列寧主義嗰一套,成立獨裁嘅黨政軍組織。