豬八戒,又名豬剛鬣豬悟能天蓬元帥,係中國古典小說《西遊記》入面唐僧嘅三個徒弟之一,排行第二,法號「悟能」,臉人身,九齒釘耙係佢嘅武器。齊天大聖孫悟空成日叫佢做「獃子」。

故仔 編輯

豬八戒原本係天庭入面統領十萬天河水兵嘅天蓬元帥,由於喺蟠桃會上飲醉酒後調戲月宮仙女嫦娥,打咗兩千錘後被人打落凡間,又投錯胎變成個豬樣,喺高老莊搶佔民女。後經觀音菩薩指點,拜唐僧為師父,一齊去西天取經。取回真經後,豬八戒由於「又有頑心,色情未泯」被封為淨壇使者。喺小說當中,由於佢大隻、貪食又好色,成日令唐僧師徒陷入困境。

原型 編輯

魯迅認為豬八戒嘅形象係從中國古代神話傳說中發展演變嘅來,比如講干寶搜神記》「豬臂金鈴」故事,曠源《閒話豬八戒》一文補充咗魯迅嘅論點,佢認為《搜神記》「安陽亭書生」裏面母豬精重接近豬八戒。龔維英喺《豬八戒藝術形象的淵源》裏面認定豬八戒嘅最原始依據係河伯馮夷。吳自牧《夢梁錄》曾經提到「天蓬」本來係道教仙官門。

陳寅恪《西遊記玄奘弟子故事之演變》一文推考豬八戒係從唐義淨譯《根本說一切有部毗奈耶雜事》卷三《佛制苾芻發不應長因緣》裏面中變大豬救沙門之大神衍化成嘅。陳寅恪又話:「豬八戒高家莊招親故事,必非全出中國人臆撰,而印度又無豬豕招親之事……此故事復經後來之講說,閃毗國之,以音相同之故,變為高家莊之高。驚犯宮女,以事相類似之故,變為招親」。