貓頭鷹,係鴞形目(學名 Strigiformes),係鳥綱中嘅一個目。有超過130種。響所有大洲(南極洲除外)都有。大部分種係夜行食肉動物,而其身體特徵同生態配合得好啱。

How to read a taxoboxWikipedia:點樣睇生物分類框
How to read a taxobox
鴞形目
Strix occidentalis caurina
Strix occidentalis caurina
物種分類
動物界 Animalia
脊索動物門 Chordata
鳥綱 Aves
鴞形目 Strigiformes
Wagler1830

鴞形目特徵 編輯

 
雕鴞嘅頭骨標本

本目鳥類嘅大細差好遠,大隻例如鵰鴞體長去到 90 cm,細嘅例如東方角鴞體長唔到 20 厘米。

本目鳥類頭大,嘴短而粗,嘴尖成鉤狀。兩隻眼向前,眼同個頭嘅比例相對大,係本目鳥類共有,同其他鳥類嘅區,頭部正面嘅羽毛排列成面盤,部分種類具有耳仔壯羽毛。對眼,面盤同耳仔嘅分佈同貓好相似,本目鳥類俗稱貓頭鷹。

本目鳥類嘅耳窿喺頭嘅兩側,分佈同形狀都唔對稱,有利佢哋係黑麻麻嘅還景準確確定聲音嘅來源。

本目鳥類瞳孔大,多啲光入眼,視網膜中視桿細胞(只有一種視覺色素,即視紫紅質可以分辨明暗,唔識分辨細節同顏色)非常之多,冇視錐細胞(喺強光刺激下,有三種視覺色素,能分辨細節同顏色),以至眼內成圓柱狀(而唔係球狀),對弱光亦好敏感,適合夜間活動。

長耳鴞嘅耳孔由於柱狀嘅眼球有堅硬鞏膜環支撐住,所以眼睛並唔可以向唔同方向轉動,要望唔同方向嗰陣,需要轉動整個頭部。亦因此本目嘅鳥有著靈活嘅頸骨,頸部可旋轉270度。另外,眼中有3張眼瞼,上眼瞼會響眨眼時放下,下眼瞼會響睡覺時蓋上,而中眼瞼係一線狀組織,會響眼面上下移動清潔眼面。同其他雀鳥唔同嘅另一地方,係佢哋雙眼向前,視區重疊,可因此分辨到距離。本目雀鳥翼嘅形狀不一,一般較短圓,初級飛羽11枚,次級飛羽缺第五枚,尾短圓,尾羽12枚,部分種類10枚。

領角鴞快要蓋上嘅上下眼瞼。本目鳥類腿強健有力,爪強銳內彎,部分種類例如鵰鴞,成隻腳部均被羽,外觀極其強悍。本目鳥類趾形均為轉趾足,即第四趾可以前後轉動。

長耳鴞嘅全身羽毛柔軟輕鬆,羽色大多數為啞暗嘅棕褐灰色,柔軟嘅羽毛有消音嘅作用,令本目鳥類飛行起來迅速而安靜,加上啞暗的羽色,非常適合夜間活動。

鴞形目鳥類嘅進化 編輯

呢個目嘅化石資料始終有限,可能源自始新世嘅原鴞科鳥類,現已絕種;響法國中新世地層,就曾發現過草鴞屬鳥類嘅化石;德國嘅中新世地層,就發現到角鴞屬嘅化石;法國嘅下漸新世地層發現鵰鴞屬同耳鴞屬嘅化石;德國北美洲嘅中新世地層發現林鴞屬化石;而中國無鴞形目鳥類化石出土。

鴞形目習性 編輯

 
領角鴞快要合埋嘅上下眼瞼

貓頭鷹晚上大多數喺樹上休息,部分種類住喺岩石間同草地上。

本目鳥類絕大多數係夜行性動物,晝伏夜出,白天隱匿響樹叢岩穴或者屋檐中唔易見到,但也有部分種類例如斑頭鵂鶹縱紋腹小鴞鵰鴞等白天亦不甘寂寞,常外出活動;一貫夜行嘅種類,一旦嘅白天活動,常飛行顛簸不定好似啲人喝醉酒咁。

本目鳥類鳴聲多變,嘶啞刺耳者有,悅耳如樂音者亦有。

本目鳥類均以動物為食,食物包括昆蟲蚯蚓青蛙蜥蜴雀鳥同細隻嘅哺乳動物等。體形較大隻嘅鴞類例如鵰鴞雪鴞多以中小型哺乳動物如鼠類兔類為食,體形較小嘅鴞類如紅角鴞則以昆蟲為食;亦有部分種類如漁鴞屬嘅雀鳥,以魚類等水生動物為食。本目鳥類常將獵物成隻吞落肚,等消化後再將唔能夠吸收嘅皮毛骨頭幾丁質等雜物混成團狀吐出嚟,稱為唾餘,通常通過分析唾餘中嘅殘骸可以準確地瞭解一種鴞類嘅食性。中國古人好早就觀察到呢這一個現象,但錯誤咁認為唾餘係鴞類吞噬父母後吐出嘅骸骨,因而認為鴞係一種不孝之鳥。大隻嘅貓頭鷹有時重會捕食其他細隻屬嘅貓頭鷹。特別係對於雕鴞,灰林鴞長耳鴞係不可忽視嘅食物來源。

鴞形目繁殖 編輯

 
長耳鴞嘅羽毛

本目鳥類通常一雄一雌配對,但個別種類(如鬼鴞)嘅配對係一雄多雌或一雌多雄。本目鳥類嘅繁殖一般從3月至5~6月,有啲種類較早,1月就已經開始繁殖。除咗個別種類之外,本目鳥類喺繁殖過程中唔會築巢,而係利用樹洞、岩穴或其他雀鳥合適嘅棄巢孵卵育雛。

本目鳥類一窩產卵數量不定,體形較大者產卵較少,而體形較小嘅種類產卵通常較多。孵化期約一月左右。孵卵一般僅由雌鳥完成,育雛則雄雌共同承擔。本目鳥類均為完成雛,孵化後體被絨羽,耳目緊閉。鴞類產卵孵卵周期較長,喺同一個巢內由於產卵時間和孵化時間嘅差異,雛鳥體形大小常有巨大嘅差異,個別種類如雪鴞喺食物蕭條的年景會出現較大雛鳥殘食幼小雛鳥嘅現象,但呢種現象並唔普遍。

本目鳥類壽命較短,例如倉鴞壽命僅16個月,只有少數鳥類能夠達到9年壽命。

歐洲貓頭鷹種 編輯

 
貓頭鷹夜晚住喺樹上

歐洲大陸有13種貓頭鷹,但係大多數住喺亞洲同北美洲。因此佢哋有唔同嘅活動空間,並且同棲息環境相適應。

喺北歐生存嘅雪鴞,同其他貓頭鷹種相比,和猛鴞,鬼梟同烏林梟一樣,雪鴞係被迫往得最北遷移嘅貓頭鷹種。雕鴞係歐洲最大嘅貓頭鷹種,數量喺長達百年嘅人類獵殺後逐步回升。長耳鴞,短耳鴞同灰林鴞呢啲常見嘅貓頭鷹都屬於佢嘅獵物。

最為人所識嘅可能就係倉鴞,因為佢非常鍾意喺人類墾殖(或居住)嘅地方活動。歐洲最細嘅貓頭鷹當屬花頭鵂鶹。大啲啲嘅係紅角梟同縱紋腹小鴞。


繁殖動向 編輯

香港海洋公園有養貓頭鷹,而香港濕地公園裏面亦有一啲人工鳥巢,有貓頭鷹繁殖嘅記錄。

睇埋 編輯