運輸聯線TransLink),簡稱運聯,係加拿大卑詩省大溫哥華地區嘅公共運輸服務機構。運輸聯線喺1998年成立,1999年4月正式開始運作,取代卑詩公車局(BC Transit)喺大溫地區嘅業務。運輸聯線負責管理同埋協調大溫地區嘅公共交通服務同埋主要路橋嘅維修保養,其中嘅西海岸快線更加延伸到東邊嘅菲沙河谷地區。

運輸聯線標誌

運輸聯線嘅正式名稱係卑詩省南海岸運輸管理局(South Coast British Columbia Transportation Authority),1998年到2007年之間嘅正式名稱就係大溫哥華運輸管理局(Greater Vancouver Transportation Authority)。

服務 編輯

公交車/巴士 編輯

 
運輸聯線嘅無軌電車

溫哥華地區絕大部份公交車都係由運輸聯線屬下嘅海岸山脈公車公司(Coast Mountain Bus Company)營運嘅[1],但係服務西溫哥華同埋獅子灣嘅公交車就係由西溫藍公車公司(West Van Blue Bus)營運嘅[2]。海岸山脈公車公司同時負責營運幾條高載客量快速幹線「B線」(B-Line),分別係:

架空列車 編輯

 
到達商業道-百老匯道站嘅Mk II列車

架空列車[3](SkyTrain;另譯「天車」、「天鐵」等)係運輸聯線屬下嘅鐵道運輸系統,喺1986年溫哥華世博會期間通車。目前已經發展出三條線路:

西海岸快線 編輯

 
停泊喺溫哥華濱海車站嘅西海岸快線

西海岸快線West Coast Express[4]係運輸聯線運營嘅一條通勤線路,來往溫哥華濱海車站(Waterfront Station)同菲沙河谷米遜市。 西海岸快線機車嘅維修服務由維亞鐵路(VIA Rail)負責。

渡輪服務 編輯

 
海上公車「布勒內灣河狸號」(Burrard Beaver
 
阿比安渡輪

運輸聯線屬下嘅渡輪服務包括:

  • 海上公車(SeaBus):穿過布勒灣,連接北溫哥華同埋溫哥華市中心;
  • 阿比安渡輪(Albion Ferry):穿過菲沙河,連接蘭里鎮同埋楓樹嶺;2009年金穗大橋通車之後停航。

車費 編輯

 
運輸聯線服務範圍

收費區 編輯

除咗西海岸快線之外,運輸聯線屬下全部公共交通服務都分為4個收費區:

  • 第一收費區:溫哥華、卑詩大學保留地
  • 第二收費區:北溫哥華(市/區)、西溫哥華、本拿比、列治文、新西敏、獅子灣、寶雲島;
  • 第三收費區:大溫哥華地區其他市鎮;
  • 機場特別收費區[5]:加拿大線喺機場島上面有三個架空列車站。喺伊三個車站買離開機場島嘅單程架空列車票要畀5文附加費,但係用預付車票,或者搭公交車就唔使畀附加費。另外,喺機場島範圍內上落加拿大線唔使畀錢。

單程飛 編輯

2023年7月1號起票價[6]
類型 一個收費區 兩個收費區 三個收費區
成人(現金/免觸式) $3.15 $4.55 $6.20
成人(儲值) $2.55 $3.75 $4.80
特惠 $2.10 $3.10 $4.25

憑車票可以喺90分鐘之內,喺車票許可嘅收費區之內無限次搭車同轉車。另外,如果淨係搭公交車嘅話,就可以以一個收費區嘅價錢搭跨越所有收費區嘅車,但係轉搭其他交通工具就唔得[7]

14到18歲持有年齡證明嘅青年同埋65歲或以上嘅長者可以買特惠票。13歲或以下小童可以免費搭車。

康百世卡 編輯

 
康百世卡(藍卡)。
内文:康百世卡

康百世卡(英文Compass Card)係運輸聯線嘅智能(預)付費卡,類似於廣東嶺南通香港八達通

預付車票 編輯

喺康百世卡公開發售之前,運輸聯線發行過3種預付車票:預付單程票、日票同埋月票,全部都可以喺指定嘅商場同埋便利店買到。喺康百世卡公開發售之後,日票同月票全部電子化澌。

預付單程票 編輯

預付單程票(FareSaver)有成人車票同特惠車票兩種。乘客需要喺上公交車嘅時候將車票放入車頭嘅打票機裡面驗票,或者喺搭架空列車之前喺車站嘅驗票機道驗票。驗票之後,乘客憑車票可以喺90分鐘之內,喺車票許可嘅收費區之內無限次搭車同轉車。2016年2月,為徂推廣康百世卡,運輸聯線宣佈停止發售預付單程票,但係未用嘅預付單程票將可以繼續用於搭公交車[8]

日票 編輯

日票(DayPass)有成人同優惠兩種。憑日票可以喺打票當日,喺全部收費區裡面無限次搭車同轉車。

日票[9] 全部收費區
成人 $11
特惠 $8.65

月票 編輯

月票(Monthly Pass)有成人同優惠兩種。成人月票有收費區限制,但係特惠月票就無收費區限制。憑月票可以喺打票當月,喺指定收費區裡面無限次搭車同轉車。

月票[10] 一個收費區 跨越兩個收費區 跨越三個收費區
成人 $91 $124 $170
特惠 -- -- $52

補票 編輯

當手頭上嘅車票唔夠跨區嘅時候,乘客可以用現金或銀行卡補票(AddFare)[10]

U-Pass 編輯

大學生搭車優惠證(U-Pass)係專門畀讀緊公立大學嘅大學生搭車用嘅優惠。憑U-Pass可以喺通行證上面寫著嗰個月裡面,喺所有收費區裡面無限次搭車同轉車,同埋買特惠票搭西海岸快線[11]

喺康百世卡發行之前,曾經有過兩個版本嘅紙質大學生搭車優惠證。第一個版本係四個月有效嘅,上面有學生嘅姓名同頭像;第二個版本祇有一個月有效期,而為咗避免有人轉賣優惠證牟利,學生收到優惠證之後要馬上喺背面寫上自己嘅姓名同埋學生證號碼。康百世卡發行之後,大學生搭車優惠證亦隨之電子化,每個月輸入學生本人嘅康百世卡[11]

目前大溫哥華地區參加優惠證計劃嘅專上學院包括[11]

卑詩司法學院(JIBC)雖然符合資格,但係目前未加入優惠證計劃。

西海岸快線 編輯

由於營運成本巨大,所以西海岸快線有自己嘅收費系統。西海岸快線車票有效期係3個鐘頭,而乘客喺車票有效期內,唔使另外畀錢就可以轉搭運輸聯線其他線路。

以下係2010年生效至今嘅西海岸快線車費,以濱海車站作為起點:

目的地 滿地寶/高貴林/高貴林港 匹特草原/楓樹嶺/希尼港 米遜
成人單程 $6.75 $8.25 $11.25
成人周票 $58.00 $70.50 $97.50
成人月票 $178.75 $217.00 $298.50
特惠單程 $4.00 $5.00 $7.00
特惠周票 $38.25 $47.25 $65.75
特惠月票 $110.75 $137.00 $193.50

參考 編輯

  1. . 原著喺2013年1月5號歸檔. 喺2013年1月6號搵到.
  2. . 原著喺2013年4月29號歸檔. 喺2013年1月6號搵到.
  3. . 原著喺2013年1月12號歸檔. 喺2013年1月6號搵到.
  4. . 原著喺2013年1月7號歸檔. 喺2013年1月6號搵到.
  5. . 原著喺2015年6月3號歸檔. 喺2014年9月23號搵到.
  6. "Pricing and Fare Zones | TransLink". . 喺2023年6月24號搵到.
  7. "TransLink announces all bus routes to be one-zone fares starting Oct. 5". 《溫哥華太陽報. 喺2016-11-10搵到.{{cite web}}: CS1 maint: url-status (link)
  8. "FareSaver paper tickets no longer for sale ahead of Compass faregate closure". 加拿大廣播公司. 2016-02-01. 喺2016-11-10搵到.
  9. "DayPass". . 原著喺2016-11-05歸檔. 喺2016-11-10搵到.
  10. 10.0 10.1 "Monthly Pass". 運輸聯線. 原著喺2016-11-15歸檔. 喺2016-11-10搵到.
  11. 11.0 11.1 11.2 "U-Pass BC". . 喺2023年6月24號搵到.