道教係一個中國傳統宗教,意思即係話「道」嘅教化同說教,通過信奉「道」嘅精神修煉成仙得道嘅宗教。道教根據早期道家哲學思想中關於道生萬物氣化宇宙天人合一嘅世界觀做基礎,發展咗一套關於陰陽互相轉化嘅思想出嚟,成為道教最基礎信仰。

多數認為道教成個體系,由先秦道家開始發展,之後受傳統鬼神崇拜同民間巫術影響,大約喺東漢嗰陣形成基本形態,跟住又吸收咗儒家嘅道德倫理觀、墨家嘅均平思想、陰陽家占卜術數,再經歷唔同朝代思想演變,最後變成一套成熟同完整嘅宗教體系。

道教崇尚自然無為同佢嘅神仙信仰,對中國文化影響深遠,好多道教嘅崇拜活動,都同傳統中國人生活、文化活動有關連。另外,道教服藥煉丹方術同埋養生術,亦演變出中醫中藥嘅學問出嚟。

簡史 編輯

内文:道教史

多數認為道教有三個源頭,第一係民間原始宗教崇拜,即係遠古時代一啲自然崇拜、巫術等。到春秋戰國嗰陣,興起方仙信仰,認為有啲仙藥或者秘術可以令人長生不死。方仙信仰亦係對道教影響最深遠一樣嘢。到咗西漢,受道家學說影響,興起咗黃老道,亦都係道教點解叫道教嘅原因,同時開始有組織起上嚟,道教亦正式成形。

唐代可以話係道教最興盛嘅時候,唐代皇室甚至將太上老君當做祖先唐玄宗甚至將道士當做皇族一樣,佢又將道家學派始創者老子封為道教教主,即太上老君,其他道家代表人物好似莊子就封為南華真人列子封為沖虛真人文子封為通玄真人亢倉子封為洞靈真人。之後重發生唐武宗滅佛事件,唐武宗為咗扶持道教,下令拆佛寺同逼僧人還俗,可見道教當時幾巴閉。

到咗宋代、道多咗交流,《周易》成為列入道家經典,新興宗派都主張儒、釋、道三教結合。

一路到清朝,道教開始衰落,加上清朝統治者都係滿族人,佢哋本身信開藏傳佛教,同時又主張以儒學治國,令道教更加衰落。

到咗康熙嗰陣,全真龍門派王常月推行一啲教法改革,之後全真龍門派火速發展,令道教又振興返。但到咗文革,所有宗教都受到打擊,道教亦唔例外,於是道教去晒香港台灣發展,直到1978年十一屆三中全會落實宗教自由政策,道教先又再喺中國大陸開始返。

基本教義 編輯

派系 編輯

經典 編輯

内文:道藏道教經典

道教經典,多數係指收入《道藏》嘅經典,不過亦有一啲唔係《道藏》嘅經典列入道教。根據《漢書》藝文志講,先秦道家同神仙著作至少47種,夾埋1198卷,重有其他涉及道教嘅計埋成四千卷,不過都失傳晒,而家剩返只有《老子》、《莊子》、《淮南子》、《墨子》、《孫子兵法》、《黃帝內經》,呢啲都列入《道藏》,成為道教經典。

除咗《道藏》之外,南北朝唐亦有好多書畀道教列為經典,好似《老子化胡經》、《太平經》、《無上秘要》、《大道通玄要》、《葉淨能詩》等等。

修煉 編輯

方術 編輯

參考 編輯

出面網頁 編輯