金條
想搵美國華盛頓州嘅城市,請睇「金條 (華盛頓州)」。
金條(粵拼:gam1 tiu2;英文:gold bar)係指整成一條嘅金,可以作爲銀行儲備,佢嘅價值取決於黃金純度同埋質量。同金幣或者金飾比起嚟,金條通常冇乜點經過加工,所以佢哋嘅買賣價會最接近實質啲金嘅價值。
買法 編輯
金條同金幣唔一定好貴。例如睇吓 2020 年代初香港恆生銀行嘅金產品嘅話,有恆生個撈稿喺上邊嘅 1 金衡制安士(1 金衡制安士等如 31.10 g 左右)金條值成萬幾文港紙一條,但比較平嗰啲產品(例如係得 1 到 5 g 咁重嘅金條)只係花費 500 至 3,000 文港紙就可以買得到[1]—平均嚟講,同期香港打工仔嘅月入大約係三萬零港紙左右[2]。
投資 編輯
喺 2020 年代初,金條(同金幣並列)係最受歡迎嘅黃金投資方法。投資者可以去銀行或者金舖等嘅地方買金條或者金幣。揸金條同金幣等嘅實體黃金有好多好處:唔少人都覺得持有啲金令佢哋有一股安心感。不過持有實體黃金都有弊處,最主要嘅問題在於要擔心保安,因而要同啲金買保險,呢啲嘢可以幾撈絞。
睇埋 編輯
引咗 編輯
- ↑ 金價,香港恆生銀行
- ↑ 2024 Hong Kong SAR Salary Guide. Morgan McKinley.