陳仲偉
陳仲偉（粵拼：can4 zung6 wai5；1956年1月5號—2016年5月7號[1]）係原廣東省人民醫院嘅主任醫師、原口腔科行政主任，廣東廣州人[2]。1982年開始從事工作到2012年退休，期間做過廣東省口腔醫學會常務理事及屬下嘅外科分會副主任委員、廣東省醫學會頜面外科分會副主任委員、廣東省醫學會頜面-頭面外科學分會副主任委員、廣東省醫院協會口腔醫療管理分會副主任委員、廣東省抗癌協會頭頸腫瘤外科專業委員會委員、中國國家科學技術獎評審專家、汕頭大學醫學院碩士研究生導師、南方醫科大學兼職教授、中華口腔醫學雜誌（電子版）編委、廣東牙病防治雜誌編委、中國顱頜面外科雜誌編委。
| 陳仲偉 | |
|---|---|
| 出世 | 1956年1月5號 中國廣東廣州 |
| 死 | 2016年5月7號（60歲） 中國廣東廣州 |
| 教育程度 | 汕頭大學醫學院碩士研究生導師 南方醫科大學兼職教授 |
| 母校 | 中山大學 |
| 職業 | 廣東省人民醫院口腔科主任醫師 廣東省人民醫院口腔科行政主任 |
| 出名原因 | 中國國家科學技術獎評審專家 中華口腔醫學雜誌（電子版）編委 廣東省抗癌協會頭頸腫瘤外科專業委員會委員 |
死 編輯
2016年5月5號17點20分（UTC+8），喺廣州越秀區東川路91號大院（省人民英東樓對面）入面出現咗得人驚嘅謀殺案，嗰時犯罪嫌疑人劉某（男、47歲）跟住人出入門禁，上到陳仲偉嘅住所入面將佢同老婆斬成重傷[3]。陳仲偉受傷後馬上送到醫院，但經歷咗43個鐘頭盡力搶救，重係證實不治[4]。據當地公安調查，事發時犯罪嫌疑人劉某有精神病史，曾經喺1991年嘅一次整牙手術整爛咗佢隻牙有關[5]。而犯罪嫌疑人將陳仲偉斬成重傷後無耐，喺天臺跳樓自殺死咗[3]。
後續 編輯
由於陳仲偉遇害事件震驚全廣州，所以2016年5月7號挨晚，好多市民自發到烈士陵園對面嘅英雄廣場嚟悼念陳仲偉[6]。時隔3日，廣東省人民政府臨時召開會議傾到一系列防範暴力傷醫行為，及打擊暴力傷醫嘅違法犯罪行為[7]。
註 編輯
- ↑ 〈广东省人民医院口腔科原行政主任陈仲伟纪念馆〉. 原著喺2020年3月28號歸檔. 喺2016年5月7號搵到.
- ↑ 广东省人民医院被砍伤医生陈仲伟不治身亡 鳳凰資訊 （2016-05-07）
- ↑ 3.0 3.1 广东省人民医院口腔科一医生被砍至生命垂危|url-status=dead 新快网 （2016-05-05）
- ↑ 陈医生，走好！被砍伤的广东医师陈仲伟不治逝世 互聯網檔案館嘅歸檔，歸檔日期2016年5月8號，. 南方网 （2016-05-07）
- ↑ 悲痛！祈愿陈仲伟主任挺过这一关！共同祈祷吧 梅斯 （2016-05-05）
- ↑ 广州市民沉痛悼念陈仲伟医生 中國青年网 （2016-05-07）
- ↑ 〈严厉打击暴力伤医行为 保护医护人员生命安全〉. 廣州日報. 2016-05-11.
{{cite news}}: CS1 maint: url-status (link)