雲咸街(英文Wyndham Street)係香港,喺香港島中環必打山。因爲舊時下面就係必打街,有大鐘樓,所以舊時又叫大鐘樓上街。雲咸街係香港開埠街道之一,一八四二年起好,打通山上嘅荷李活道,同山下嘅皇后大道

二〇〇八年嘅雲咸街。右爲娛樂行

地理 編輯

條街伏喺必打山,地圖上碗形,東面起自皇后大道中,近畢打街,今娛樂行邊,呢度係條路最低處。之後向西南上山,過安蘭街威靈頓街美臣里安慶臺、到德己立街下亞厘畢道成四叉路口。呢段路好斜。由四叉路口,轉西再轉北山腰斜上橫行,就到亞厘畢道荷李活道三叉路口爲終,是爲西面起點。呢段路無先前咁斜。

編輯

 
一八四六年,香港開埠之初嘅雲咸街。右爲新公司。左邊石山,叫必打山,就係船政司必打嘅寫字樓兼官邸

必打做船政司,以雲咸街左邊嗰石山做船政廰,管理船隻往來。而雲咸街打落嘅必打街,有必打步頭,是爲公家步頭

香港雜記》所載,由皇后大道中到忌連利街之間,有新公司德國會館德臣中西新聞紙館孖剌中西新聞紙館士蔑西報牛奶房

新公司,卽係家下叫嘅香港會所Hong Kong Club),喺德忌笠街同雲咸街呢段皇后大道。佢過皇后大道就係書信館,而書信館側邊必打街頭,就有大鐘樓。故此雲咸街又叫大鐘數上街。新公司喺一八四五年起,於一八四六年五月廿六號落成,家下搬咗去昃臣道[1],而地址歷幾代,有青年會,有戲院,最終變成今日娛樂行。

德國會館(Club Germania;或叫German Club)喺雲咸街,佢係由皇后大道中搬來,後尾搬咗去堅尼地道。雲咸街會址橫跨今日安蘭街[2]。而佢後面有一條美臣里,對住威靈頓街。

呢處舊時報館雲集。德臣中西新聞紙館,出《德臣西報》同《香港華字日報》,喺雲咸街五號門牌,就喺威靈頓街街口北面。孖剌中西新聞紙館,出《孖剌西報》同《香港中外新報》。另外重有士蔑西報新聞紙館,出《士蔑西報》。

而牛奶房就牛奶公司嘅倉,家下係藝穗會香港外國記者會

近荷李活道口,就有中環差館,不過家下搬咗去軍器廠街,變成歷史遺蹟。

路面意外 編輯

雲咸街山街一段好斜,又劃爲車落山之路,所以時有交通意外,大車細車衝落山致人命傷亡。

一九九七年八月十八正午,雲咸街同皇后大道中交界,差人探員駕車撞向人羣,導致三死十傷。車禍之後,段路鋪設防滑鋼沙,另加路牌最少四組,減低意外。但行車方向就無變,照舊落山。到咗二〇〇〇年四月廿九號,有架泥頭車,重廿四噸,無理雲咸街唔畀重過五點五噸嘅車用。車一時失控,沿斜路直衝雲咸街同皇后大道中交界,橫掃廿米鐵欄後,再撼娛樂行外棚架,先至停低,意外有三男一女受傷。

編輯

  1. 鄭寶鴻. .
  2. "Club Germania (German Club) - Wyndham St - 2nd location (1872- )".