飢餓遊戲

  想搵電影嘅話，請睇飢餓遊戲 (電影)。

《飢餓遊戲》（英文：The Hunger Games）係一本2008年出版嘅青少年冒險小說，作者係美國作家蘇珊哥連斯（英文：Suzanne Collins）。呢本書係飢餓遊戲系列之中嘅第一本書。

内容

呢本小説講關於一個未來嘅虛構國家叫「施惠國」，而主角 Katniss Everdeen 就係參與政府每年都搞的真人騷，叫做「飢餓遊戲」。呢個遊戲由24位12–18歲嘅青少年參加，佢哋喺場地入面自相殘殺，而唯一剩低喺度嘅，就係贏家。除此之外，本書亦都有好多希臘神話同古羅馬嘅象徵，令觀眾諗起羅馬鬥獸場嘅場景。

反應

呢本書非常成功，無論佢嘅故事情節同埋人物發展都非常之有特色。個作者基於呢本書贏咗唔少嘅獎，包括 Publishers Weekly 2008年“每年最佳書籍”嘅獎。

喺本書初初出版嘅時候，只係得5萬本，不過因為非常之賣得，不斷再有印，喺唔夠兩年之内，已經賣咗超過80萬本。本書有超過26個翻譯版本，而38個國家同地區都有咗出版權。因為本書嘅成功，所以作者Collins之後再寫多三本來擴散個故事，兩本係續集，叫《Catching Fire》同《Mockingjay》，另外一本係前傳，叫《Ballad of Songbird and Snakes》。喺2012年，基於本書嘅同名電影“飢餓遊戲”推出，同樣非常成功，第一個禮拜嘅票房就已經係有$1.52億美金。