香港電影資料館Hong Kong Film ArchiveHKFA)係保存同展覽香港電影同埋相關資料嘅博物館,由康樂及文化事務署管理。

香港電影資料館大樓
香港電影資料館正門
館內圖書館一角

概況 編輯

香港電影資料館位於香港島西灣河鯉景道50號,樓高4層,總樓面面積7200平方米。大樓分為兩部分,每層都有半邊作為藏品室。而另一半就係展覽廳同埋電影院,畀人參考用嘅資源中心。

資料館為香港市民推廣香港電影藝術,並為電影工作者同研究者提供大量資料。資料館目前收藏電影拷貝超過5600部,最早嘅係1898年美國愛迪生公司響香港拍攝嘅風光紀錄短片,館藏亦有唔少香港出品嘅電影,例如1939年蔡楚生導演嘅抗戰愛國名作《孤島天堂》同埋由著名影星胡蝶吳楚帆主演嘅《南國姊妹花》等。資料館亦收藏電影嘅相關資料,包括劇照、劇本、電影海報、電影原聲唱片、影片特刊同合約文件、電影獎座、道具等。豐富而珍貴嘅館藏令資料館被《時代雜誌》形容為香港以及亞洲最偉大嘅視覺藝術寶藏同二十五項「遊客不容錯過的亞洲體驗」之一。

歷史 編輯

香港電影資料館2001年1月初啟用,但資料館早喺1993年由當時嘅市政局籌備興建,開始搜集同保存香港電影拷貝同埋有關資料,例如海報同埋雜誌等。2000年,資料館轉由康樂及文化事務署負責管理。

1996年,香港電影資料館加入國際電影資料館聯盟(FIAF),並同各國資料館交流同分享電影保存同修復經驗。

開放時間 編輯

資料館 編輯

  • 10:00-20:00,或當日電影散場後15分鐘。
  • 逢星期二(公眾假期除外)同農曆年初一、二休息。
  • 聖誕前夕同農曆新年除夕開放至17:00

票房(戲院) 編輯

  • 星期一至日12:00-20:00;或當日最後一場電影開場後15分鐘
  • 逢星期二休息。

資源中心(圖書館) 編輯

  • 星期一至五(逢星期二休息):10:00-19:00
  • 星期六:10:00-17:00
  • 星期日同公眾假期:13:00-17:00

 

展覽廳 編輯

  • 適用於有展覽舉行期間
  • 星期一至日(逢星期二休息):10:00-20:00

交通 編輯

睇埋 編輯

出面網頁 編輯