馬拉糕

馬拉糕係出名嘅廣東嘢食，係茶樓常見嘅點心之一，特色之一係氣孔有三層，頂層係直嘅，而低層係橫嘅，算係蛋糕嘅一種。正宗馬拉糕由麵粉、雞蛋、豬油、牛油溝埋發酵三日，最後放喺蒸籠蒸製而成。茶樓賣嘅馬拉糕通常整成一大型圓狀，切開成細塊賣。 馬拉糕呈金黃色，新鮮食嗰時好鬆軟，帶有輕微嘅香味。如果發酵足夠，馬拉糕嘅顏色會變成深啡色。

馬拉糕

亦有簡易馬拉糕整法用紅糖而且無需發酵，但鬆軟程度會較低。

蒸籠度嘅馬拉糕

有啲鍾意食馬拉糕嘅人會專揀原來係喺圓狀糕點周圍嘅部份來食，因為旁邊嘅馬拉糕水蒸氣較少，口感特別好。