魯爾艾比奧爾
魯爾·艾比奧爾（Raúl Albiol Tortajada，又可簡稱魯爾或艾比奧爾，1985年9月4號—）係西班牙一位足球員，司職中堅或防守中場，擅長用右腳，左腳亦相當可靠，有唔錯嘅控球能力，魯爾·艾比奧爾擁有高大嘅身材，身手同樣敏捷，防守技術十分全面。而家效力西班牙球隊維拉利爾足球會。佢亦係西班牙國家足球隊成員。
 | |||
| 個人資料 | |||
|---|---|---|---|
| 全名 | Raúl Albiol Tortajada | ||
| 生日 | 1985年9月4號 | ||
| 出生地 |
 西班牙Vilamarxant | ||
| 身高 | 1.90米 | ||
| 位置 | 後衛 | ||
| 球會資料 | |||
| 而家效力 | 維拉利爾足球會 | ||
| 波衫號碼 | 3 | ||
| 青年軍 | |||
| 年 | 球會 | ||
| 1994-2003 | 華倫西亞足球會 | ||
| 效力過嘅球會 | |||
| 年 | 球會 | 上陣（入波） | |
| 2003-2004 2004-2005 2005-2009 2009-2013 2013-2019 2019- |
華倫西亞B隊 →基達菲（外借） 華倫西亞 皇家馬德里 拿坡里 維拉利爾 |
35（2） 17（1） 131（5） 81（1） 180（6） 8（0） | |
| 代表隊 | |||
| 年 | 代表隊 | 上陣（入波） | （入波） |
| 2007– | 西班牙 | 54（0） | |
球員生涯 編輯
球會 編輯
魯爾·艾比奧爾9歲嗰陣，佢阿爸當時係華倫西亞自治區一間細球會Benidorm CD嘅名宿，所以小朋友時嘅魯爾·艾比奧爾喺Benidorm CD嘅小朋友隊踢波。嗰年，Benidorm CD嘅小朋友隊同華倫西亞嘅小朋友隊舉行咗一場友誼賽。嗰場比賽，9歲嘅艾比奧爾成為咗主角，憑住佢出色嘅表現，俾華倫西亞睇中，加盟華倫西亞自治區最大規模嘅球會—華倫西亞。
魯爾·艾比奧爾18歲嘅時候首次代表華倫西亞出戰，喺2003年9月24號參加歐洲足協盃對AIK蘇納嘅賽事。
喺2004/05嘅球季，魯爾·艾比奧爾外借畀基達菲，並獲得甲組聯賽上陣嘅機會。佢嘅西甲處子作係2005年1月15號喺基達菲主場1:1打和馬德里體育會。而佢喺第一個西甲入波，更加為第一次參加西班牙最頂級聯賽嘅基達菲喺主場以2:1擊敗西甲班霸皇家馬德里。由於外借畀基達菲期間嘅出色表現，2005年魯爾·艾比奧爾被華倫西亞收返。咁啱嗰時華倫西亞請咗科里斯，科里斯就係上季基達菲嘅教練。魯爾·艾比奧爾同科里斯喺基達菲共事咗一個球季，科里斯對魯爾·艾比奧爾嘅特性非常了解並對佢充滿信心。
2005/06同2006/07兩個球季，魯爾·艾比奧爾伙拍當時世界最佳後衛阿耶拉，從中獲益唔少。魯爾·艾比奧爾更喺2006/07首次喺歐聯登場，佢喺歐聯面對眾多世界頂級前鋒，憑住佢上乘嘅防守技術，協助華倫西亞打入八強，展現無限潛質，係西班牙新生代中，係其中一個擁有多次挑戰世界頂級前鋒經驗嘅後衛。魯爾·艾比奧爾已經係球隊主力球員。
2008年9月21號，華倫西亞對奧沙辛拿係魯爾·艾比奧爾代表華倫西亞100次上陣，球會特別為佢慶祝，可見魯爾·艾比奧爾喺球會嘅重要性。
2008年9月23號，華倫西亞喺官方網頁宣佈，魯爾·艾比奧爾成為球隊副隊長[1]，今次隊長係由隊中球員選舉出嚟。
2009年，佢由華倫西亞轉投皇家馬德里。
國家隊 編輯
2007年10月13號，魯爾·艾比奧爾首次彼上西班牙國家隊戰衣，嗰場比賽係歐洲國家盃外圍賽對丹麥嘅賽事，比賽最終以3:1羸咗。2008年佢更加入選咗歐洲國家盃嘅名單。魯爾·艾比奧爾係國家隊悉心栽培嘅後衛之一，23歲嘅佢已經穩坐國家第三中堅嘅位置。
榮譽 編輯
註 編輯
- ↑ NUEVOS CAPITANES PARA EL VALENCIA CF 08/09: MARCHENA, ALBIOL, VICENTE Y VILLA 互聯網檔案館嘅歸檔，歸檔日期2008年9月26號，.（西班牙文）