麥理浩徑(MacLehose Trail)係香港新界一條行山徑,由東面西貢北潭涌行到屯門,穿過好多自然美景。全條徑有100千米,分十段,中間有200支標距柱,每500米就有一支。麥理浩徑響1979年10月26號開幕,而麥理浩就係最長一任香港總督,佢本身都係一個行山友

麥理浩徑第8段

編輯

麥理浩徑分十段如下。

  1. 北潭涌到浪茄,10.6千米,行三個鐘,易行。會經過萬宜水庫香港地質公園
  2. 浪茄到北潭凹,13.5千米,行五粒鐘,有啲難行。會經過西灣鹹田灣。目前西灣村附近地區因為受到當地鄉議局干預而封路,由西灣村無法去到吹筒坳(星期六、日同公眾假期除外)[1]
  3. 北潭凹到企嶺下,10.2千米,行四粒鐘,好難行。會經過嶂上
  4. 企嶺下到大老山,12.7千米,行五粒鐘,好難行。會經過馬鞍山
  5. 大老山到大埔公路,10.6千米,行三粒鐘,有啲難行。會經過獅子山
  6. 大埔公路到城門,4.6千米,行個半鐘,有啲難行。
  7. 城門到鉛礦坳,6.2千米,行兩個半鐘,有啲難行。最高點係三尖之一嘅針山
  8. 鉛礦坳到荃錦公路,9.7千米,行四粒鐘,有啲難行。最高點係香港最高嘅大帽山
  9. 荃錦公路到田夫仔,6.3千米,行兩個半鐘,有啲難行。
  10. 田夫仔到屯門,15.6千米,行五粒鐘,有啲難行。

毅行者 編輯

每年十一月第三個星期嘅五六日,樂施會都響麥理浩徑搞毅行者。毅行者係香港一項主要籌款活動。不過終點唔係屯門,而係掃管笏寶龍軍營,2009年開始,終點改去保良局大棠渡假村

睇埋 編輯

參考 編輯

  1. 浪西灣路不通行 政府部門坐視不理. 主場新聞. 2014-01-10. 原著喺2014-06-04歸檔. 喺2014-01-12搵到.

出面網頁 編輯