黑翅長腳鷸
黑翅長腳鷸，又名紅腿娘子或高蹺鴴（台灣名）。
 | ||||||||||||||
|---|---|---|---|---|---|---|---|---|---|---|---|---|---|---|
 黑翅長腳鷸(攝於香港濕地公園)
| ||||||||||||||
| 物種分類 | ||||||||||||||
| ||||||||||||||
| Himantopus himantopus Linnaeus，1758 |
分類 編輯
黑翅長腳鷸嘅分類一直存有爭議，有啲人認為佢可以分為5個品種，亦有啲人認為呢個種有啲係亞種。北美洲嘅黑翅長腳鷸喺眼後面有一塊白斑，喺鳥類DNA分類系統中，被認為係一個種Himantopus mexicanus。
生態環境 編輯
黑翅長腳鷸鍾意群體活動，鍾意沿海嘅淺水同淡水沼澤地帶。亦都見於湖泊、沼澤、魚塘、養蝦池以及河流中有平緩水面嘅開闊地帶，亦棲息喺近水嘅草地農田。因為對腳較其他鷸長，可以喺水位較深嘅池塘度涉水搵食。
分布地域 編輯
黑翅長腳鷸分布喺歐洲東南部至南部、印度、中國同東南亞、北非、澳洲、加拉巴戈斯群島、夏威夷、加拿大中部同南部、美國西部同東南部。中國嘅新疆西部、青海東部同內蒙古西北部繁殖，喺台灣、廣東同香港等地過冬，全境有過境紀錄。
特徵 編輯
黑翅長腳鷸身形修長，身長有35厘米，身體黑白分明，一對紅色嘅長腿好容易辨認。黑翅長腳鷸嘅咀黑色細長，雄鳥嘅繁殖羽從眼後面到頭頂，頸後黑色，背部同翅為黑色，但同頸後嘅黑色唔相連，其他部位為白色；雌鳥嘅繁殖羽喺頭同頸後無黑色，眼後有灰色斑。亞成體嘅鳥色塊分布接近成鳥，但色水較淺，為灰褐色。黑翅長腳鷸嘅腿同跗趾都好修長，為紅色，亞成體鳥嘅腿顏色略淺，明顯嘅橙紅色；飛嗰陣長腿拖喺尾後，係重要嘅辨認特徵。虹膜粉紅色。
叫聲：
黑翅長腳鷸嘅叫聲1播放 (幫手·有關)- 黑翅長腳鷸嘅叫聲2播放 (幫手·有關)
食物 編輯
繁殖同保護 編輯
黑翅長腳鷸常集群水邊泥土堆或者稻田嘅田埂上築巢，亦會同燕鴴、鳳頭麥雞、澤鷸等水鳥一齊築巢。築巢材料主要用石仔、泥土、蘆葦、枯草為主。呢種水鳥暫未列入受保護雀鳥，但喺香港係受法例保護。2009年5月，香港濕地公園首次發現佢哋喺園內築巢生蛋。
睇埋 編輯
出面網頁 編輯
