.bv
.bv 係為挪威海外屬地布威島保留嘅國家同地區頂級域（ccTLD）。域名註冊局係Norid，不過唔開放註冊。.bv係喺1997年8月12號被分派，不過挪威話.no已經夠嗰啲布威島嘅機構用，所以唔會開放.bv被人註冊。另外挪威嘅政策係唔將域名商業化，所以亦都無計劃將.bv呢個域名賣出去被人用。若果將來開放用.bv嘅話，佢將會受挪威通信管理局監管，並遵循同.no相同嘅政策。
 | |
| 推出日期 | 1997年8月21號 |
|---|---|
| 頂級域類型 | 國家代碼頂級域名 |
| 狀況 | 唔開放注冊，但存在喺根域名庫入面 |
| 域名註冊局 | Norid |
| 贊助組織 | Norid |
| 預期使用 |  鮑威特島 |
| 相關文件 | 相關政策 |
| 註冊局網站 | www |
歷史 編輯
布威島係南大西洋一個無人住嘅火山島，喺1927年被挪威宣示主權[1]。.bv呢個域名就係1997年8月21號被分配[2]，同時.sj被分配畀斯瓦巴和揚馬延[3]。呢個分配係基於互聯網號碼分配局（IANA）會根據ISO 3166碼分配 ccTLD[4]，而布威島嘅碼係 BV[5]。
2012年3月，Norid同荷蘭嘅域名註冊公司SIDN初步合作，研究可唔可以喺荷蘭市場用.bv呢個域名[6]，因為「Besloten vennootschap」係荷蘭常見嘅一種有限公司形式，可以令.bv成為常用嘅網域名。合作喺2016年6月結束，因為當時挪威交通通信部同佢哋講，根據《挪威國家代碼頂級域名管理條例》，.bv呢個網域係唔可以賣出去嘅[7]。
2015年6月，挪威電腦科學家哈肯·維姆·萊同社會主義左翼黨提議啟用.bv域名同.sj域名，提供畀挪威嘅公共部門、組織同個人，畀佢哋存儲數據同安全表達言論。呢個提議嘅目的係保護挪威當局同外國持唔同政見嘅人免受監視[8]。
政策 編輯
.bv域名嘅註冊局係位於挪威特隆赫姆嘅Norid，佢亦都係.no同.sj域名嘅註冊商。Norid係Uninett持有嘅一家有限公司，而後者就係挪威教育同研究部所有。[9]法律上，呢個域名嘅管理權基於兩方面，一方面係同互聯網號碼分配機構達成嘅協議，另一方面係由位於挪威利勒桑嘅挪威通信管理局出台嘅《電信法》規定。[10]
.bv受《挪威國家代碼頂級域名域名管理條例》（Regulation Concerning Domain Names Under Norwegian Country Code Top-level Domains）監管。呢條條例亦都監管挪威.no同.sj兩個頂級域名。如果.bv遲啲開放使用嘅話，佢嘅監管政策將會同目前.no相關嘅政策相同。[11]雖然呢個域名被保留，未來可能使用，但對於嗰啲同斯瓦巴和揚馬延有聯繫嘅組織同個人嚟講，挪威分配到嘅.no已經足夠使用；而對.sj同.bv呢兩個未使用嘅頂級域名進行商業化，唔符合挪威嘅政策，所以挪威暫時無計劃開放呢個域名嘅註冊。[12]
參考資料 編輯
- ↑ "Bouvet Island". World Fact Book. Central Intelligence Agency. 喺5 September 2010搵到.
- ↑ "Delegation Record for .SJ". Internet Assigned Numbers Authority. 13 November 2009. 原先內容歸檔喺13 August 2010. 喺5 September 2010搵到.
- ↑ "Delegation Record for .BV". Internet Assigned Numbers Authority. 13 November 2009. 原先內容歸檔喺12 August 2010. 喺5 September 2010搵到.
- ↑ Postel, J. (March 1994). "Domain Name System Structure and Delegation". 原先內容歸檔喺13 September 2010. 喺5 September 2010搵到.
- ↑ Takle, Mona Takle; Vassenden, Kåre (March 1998). "Country classifications in migration statistics – present situation and proposals for a Eurostat standard" (PDF). United Nations Statistical Commission and United Nations Economic Commission for Europe.
- ↑ "Timeline for the study of possible uses of .bv (in Norwegian)". Norid. 23 June 2016. 喺23 June 2016搵到.
- ↑ "Plans to utilize .bv shelved". Norid. 23 June 2016. 喺23 June 2016搵到.
- ↑ Suvatne, Steinar Solås (2015-06-23). "- Norge sitter på en vanvittig naturressurs". Dagbladet (Norwegian). 原著喺2015-07-13歸檔. 喺2015-06-24搵到.
{{cite news}}: Unknown parameter|dead-url=ignored (|url-status=suggested) (help)CS1 maint: unrecognized language (link) - ↑ "About Norid". Norid. 2010-08-03. 原著喺2015-07-13歸檔. 喺2010-09-05搵到.
{{cite web}}: Unknown parameter|dead-url=ignored (|url-status=suggested) (help) - ↑ Norwegian Post and Telecommunications Authority (2002): 26
- ↑ Norwegian Post and Telecommunications Authority (2002): 42
- ↑ "The .bv and .sj top level domains". Norid. 2010-08-03. 原著喺2010-10-05歸檔. 喺2010-09-05搵到.
{{cite web}}: Unknown parameter|dead-url=ignored (|url-status=suggested) (help)
書目 編輯
- ".no eller aldri..." (PDF) (挪威文). Norwegian Post and Telecommunications Authority. 2002年3月21號. 原著 (PDF)喺5 March 2012歸檔. 喺2010年9月5號搵到.