2023年國際象棋世界冠軍賽

2023年國際象棋世界冠軍賽（英文：World Chess Championship 2023）係爭奪2023年國際象棋世界冠軍頭銜嘅比賽，比賽喺2023年4月9號至30號哈薩克首都阿斯塔納舉辦，賽制係14局慢棋（classical time control），如果打和就快棋加賽。

由於上一任冠軍卡爾森決定唔爭取衞冕，比賽由2022年國際象棋世界冠軍候選人賽冠軍俄羅斯棋手伊恩·涅波姆尼亞奇對戰亞軍中國棋手丁立人。兩人喺14局慢棋（classical time control）入面戰成7比7平，最後丁立人喺快棋加賽入面以2.5比1.5贏咗涅波姆尼亞奇，加冕世界冠軍，成為第一個獲得呢個殊榮嘅中國棋手。計埋2020女子世界冠軍居文君，中國擸哂公開同女子嘅世界冠軍。