PL教團
PL教團係一個日本新興宗教，亦係新興宗教之中，信徒最多、影響最大，又最特別嘅一個。
PL教團前身係「人之道教團」，由御木德一同御木德近開創，1946年發表「PL宣言」，PL 意思係完美自由(Perfect Liberty)，1952年喺大阪開咗總部之後，經過三十年發展，而家已經有醫院同學校，佢哋又起咗個高180米嘅大平和祈念塔，成為佢哋嘅象徵。由於財雄勢大，有啲人仲叫佢哋做 「PL 王國」，而創教人之一御木德近喺1951年新日本宗教團體連合會創立時仲做咗第一任理事長，一做就做咗14年，可見佢江湖地位。
PL教團特式係以現代風格包裝宗教。信仰方面，以教主作為最高象徵，因為教主係永劫相繼、天人合一，所以可以作為人同神之間嘅中介。佢哋認為神係所有嘢嘅絕對，所以又叫「大元靈」，以大海同一滴水去形容人同神之間關係，通過「神悟」去達到天人合一境界。
