Thesis，喺美術大學，特別係讀本科嗰陣，通常唔係指畢業論文，而係指學生要做嘅一件大型作品或者一項大型設計項目，呢樣嘢可能要跟文，但係篇文並唔係學術論文。Thesis 合格之後通常會喺一個美術展公開發表，呢種美術展叫畢業展（thesis exhibition）。
讀碩士嘅 thesis 就好可能有兩部分，即係同時有畢業論文同上面講嗰種，甚至可能淨係側重論文部分。
所謂大型並唔係指件嘢一定好大件。但係同畢業論文一樣，藝術嘅呢種 thesis 要搵導師（advisor），畢業之前亦會有幾個教授一齊審佢，合格先可以畢業。
