Wikipedia:刪版
|
以下係篇提議緊嘅維基百科政策、指引或者程序。篇提議可能重喺度討論緊，又或者尋求緊共識。喺爾版嘅參考或者連結唔應該當做「政策」。
接受定拒絕提議係唔會數票數噉定。 |
 | 一句講嗮： |
維基刪文原則係維基百科用嚟決定邊啲版面唔適合繼續留低嘅條件，同埋點樣刪佢走嘅過程。
適當嘅刪文理由包括：濫用版權、唔適合維基作為百科全書嘅文、唔能夠考證嘅文、或者違反咗在生人政策嘅文等等。喺維基百科入面，平均每日有5,000塊版係用下面嘅過程嚟刪走嘅。
刪走一篇維基嘅文就係攞走哂篇文嘅所有版本，由最新到最舊都係一樣。當有用戶洗白塊版嘅時候，任何其他用戶都可以好快咁打回頭。但係刪文唔同，所以淨係得管理員先做得。管理員亦係唯一可以反轉刪文（即係開返篇文）嘅用戶。當然，任何呢啲活動都係會有記錄嘅。
除咗刪版重可以點樣做 編輯
改文 編輯
如果篇文改善得到，就應該用常規嘅編輯去解決問題，而唔係刪版。可以喺篇文度加返唔同嘅模去標明個問題，啲模列咗喺呢度。常見嘅包括
個名錯咗嘅頁可以就噉改名。對個名有拗撬嘅請先喺討論頁傾，或者喺WP:RM寫低要改嘅名。
合併文 編輯
一啲太短又無乜可能擴充到嘅文好多時可以合併入啲長文或者一覽裡面，例如，一啲名人嘅屋企人如果佢自己本身唔出名嘅話，可以擺喺嗰個名人篇文入面。小說入面嘅配角𠓼位文亦都可以合併成一篇一覽。
如果有兩版嘢係完全一樣或者好大程度上相同嘅話，兩版應該合做一版，另一版就轉做跳轉，應該畀更常用或者更廣義嗰個名坐正。呢個過程唔需要特別嘅討論或者申請之後先做。
討論 編輯
要記住，當有任何一篇文出現咗爭執嘅時候，解決方法並唔係刪咗佢。同樣，對於刪文規則嘅爭拗，唔係由攞走條規則來解決。任何爭執，應該係喺討論版或者要求評論度提出，畀大家可以傾下點樣處理。同用戶頁有關嘅問題，亦都係同樣咁處理。
其他維基媒體計劃 編輯
除咗刪文之外，如果適合嘅話，亦可以考慮下搬去維基嘅其他部分。例如，一個同某種字有關嘅版（又叫做字典版），可以搬去維基字典（睇埋 詳細資料）。如果有一啲屬於原始資料嘅版面，就可以搬去維基文庫（當然，一定要係合乎版權）。
歸檔 編輯
刪版唔應該當做歸檔嘅方法，開發人員話刪咗嘅版隨時都會由資料庫嗰到移除。
刪版原因 編輯
刪版原因包括，但係唔限於：
流程 編輯
維基有4個基本刪文嘅流程，同埋1個恢復版面嘅過程。
即刻刪版 編輯
如果有一般係符合即刻刪版條件，就可以直接繞過討論，直接刪版。所有已經有刪版提議或者刪版討論都係一樣。
- 喺邊度：所有已經符合即刻刪版嘅文已經喺Category:即刻刪除候選度
- 點做：管理員對於呢啲版，可以一見即刪。其他用戶就可以加一塊即刻刪版模來提議成為即刻刪版嘅文
- 有異議：除咗版面嘅開版用戶以外，任何其他用戶都可以對刪版表達異議，辦法包括：攞走即刻刪版嘅模、加一塊{{hangon}}模、同埋喺討論頁解釋異議嘅原因。但係如果一版仍然符合即刻刪版條件，就依然可以即刻刪版。如果已經刪咗版而有異議，就可以用下面嘅方法來討論。
- 重新提名：一般來講，一塊版一係就符合，一係就唔符合即刻刪版條件。如果有爭議嘅話，就可去刪文討論。
侵犯版權 編輯
因法律原因，維基百科唔可以貼侵權內容。
- 報告侵犯版權嘅地方：Wikipedia:版權問題
- 點報告：對於相，可以喺描述版面度加{{imagevio}}。如果係任何其他版面，請將成版內容清走，換做
{{copyvio|url=address of copied material}}。如果係擺到明成版都係照抄返來，又檢查過無任何唔侵犯版權嘅舊版本，你可以直接加{{delete|侵犯版權：被侵犯版權嘅地址}}，等管理員即刻刪除。 - 如果你唔同意：請試下聯絡有關文/圖嘅作者，睇下佢哋肯唔肯將佢哋嘅作品 (1) 放入GFDL，或者 (2) 放入公家領域。就算如果有
"維基百科專用 / on Wikipedia only" 或者 "非商業用途 / for non-commercial use only" 嘅批准都唔足夠，因為並唔符合維基嘅牌照。
- 重新提名：任何有版權嘅相嘅翻版都係屬於即刻刪版嘅類別。如果講完又再做，就會成為封禁嘅條件。
刪版討論 編輯
唔符合上面兩個類別嘅版可以喺討論完之後刪除。呢啲包括任何即刻或者提議刪版嘅機制。喺呢度，用戶可以發表自己對於刪版嘅睇法。
呢啲過程並唔係靠數人頭來決定，來鼓勵大家提出一啲比較少支持嘅觀點。呢個討論過程會維持5日，跟住就會投票，如果大家有共識，就會跟個決定來做，如果冇，就繼續當正常咁改文、跳轉、合并等等。
喺維基百科出面叫人參加討論來影響結果係唔恰當嘅行為。呢類留言可能會俾人忽略。佢哋未必會攞走，但係可能會加個{{spa}}模，講明呢位用戶“冇乜做過其他改動”。如果再極端啲，一版刪版討論甚至可以成為半保護。
編輯糾紛亦都唔係刪版嘅理由，刪版唔係解決爭議嘅方法，詳情去睇解決爭議。
- 刪版討論嘅地方：請去刪文討論。
- 點樣發起刪版討論：可以睇程序。
- 如果你唔同意：可以去有關嘅版面來解釋唔同意嘅原因。詳情可以去睇刪文指導。
- 重新提名：如果經過刪文討論而決定留低一版之後，大家應該留返一段時間，先至再提名去刪文。一般喺討論之後即刻提刪文都會攞走，如果經常發生亦係 封禁嘅條件。
刪版審查 編輯
如果有用戶相信有一塊已經刪咗嘅版其實係唔應該刪咗去、應該刪而冇刪到、或者刪版討論無剌剌停咗，就可以直接去刪版嘅用戶度留言。如果仍然冇反應，就可以去要求刪版審查。
如果管理員認為，有一般係唔符合規則之下刪咗，就可以即刻救返篇文，而做刪文嘅管理員亦都有通知。如果互相有異議，就可以去刪版審查。
如果有一版係因為内容問題而刪咗，而有用戶希望寫過一篇好啲嘅，並唔需要任何其他過程，照常寫就已經可以。
同刪版討論一樣，刪版審查嘅討論唔係靠數人頭來決定。呢個過程一般係維持5日，如果有需要可以延長到10日。
如果刪版審查推翻咗之前嘅決定，但係有用戶認為應該跟返舊決定，可以再去刪版討論度提名來過。
- 在邊度： 刪版審查
- 點做：跟住上面嘅規則做
- 如果有異議：去刪文審查版度解釋原因
- 重新提名：同刪文討論一樣，審查嘅結果應該等一陣，先至再提名。任何即刻提名如果冇新嘅原因或者資料，基本上都會攞走。