Wikipedia:2013年頭版設計建議/草案/CaseyLeung

海納百川，有容乃大

歡迎嚟到維基百科

依家已經有139,824篇嘅粵語文章

是日正文

道格拉斯·希渣係愛爾蘭學者，「蓋爾文同盟」嘅創辦人，愛爾蘭共和國嘅第一任總統。1860年喺聖哥曼森林郡（Ros Comáin）棕花堡市（An Caisleán Riabhach）出世。老頭係愛爾蘭聖公會嘅一個首席神父。受到周圍嘅朋友嘅影響，佢後生嗰陣時，已經開始對愛爾蘭嘅本土語言——愛爾蘭蓋爾文產生咗濃厚嘅興趣。希渣讀完中學之後頂住屋企人嘅壓力，無做神職人員，而係去咗都柏林嘅三一學院求學，成為一名學者，重學識埋法文、德文、拉丁文、希臘文同埋希伯來文。 (更多……)

是日正文 · 提名 · 全部92篇正文

提名 – 歸檔 – 寫新文

九龍塘站係港鐵其中一個車站，響九龍城區九龍塘多福道、添福道同沙福道交界、深水埗區又一村又一城東面，係東鐵綫同觀塘綫重要嘅鐵路轉車站之一。

喺兩鐵合併前，呢個站曾分別由九廣鐵路公司（九鐵公司）同埋地鐵公司管理；而喺2007年 12月2號兩鐵合併後，九龍塘站嘅九廣東鐵部份，由九廣鐵路公司租畀港鐵公司做鐵路營運之用，並合併成同一個車站管理。

黑膠碟，又叫黑膠唱碟或者黑膠唱，簡稱黑膠，以前又有簡稱黑碟，係種唱碟格式，用一塊圓形膠片整（早期用士叻，每分鐘 78 轉，後期用聚氯乙烯，33 轉或者 45 轉），通常係黑色膠，20世紀頭開始慢慢流行，直到1980年代 CD碟興起先至慢慢衰落。

一般聚氯乙烯整嘅唱片有兩種標準轉速，大碟 33 轉（講 33 轉，其實係 33⅓），細碟 45 轉；78 轉其實係留聲機嘅轉速。唔同 CD，黑膠碟可以兩面錄，但係播兩面都有嘢嘅碟，播完一面之後要反碟。

用來播黑膠碟嘅機叫黑膠唱盤。

維基新聞^{（英｜中）} – 訃聞 – 更多時人時事…

1502年：哥倫布最後一次出發。
1901年：澳洲喺墨爾本嘅首次國會。
1915年：中華民國大總統袁世凱同日本談判咗105日，被逼接受日本《二十一條》入面嘅十二條內容，史稱「五九國恥」。簽訂條約之後，袁世凱親自將呢一日定為「國恥日」。
1978年：香港長洲太平清醮「搶包山」活動冧包山，24傷。
1994年：曼德拉（圖）上任南非總統，係南非史上首位黑人總統。

維基百科係本內容自由、人人都寫得嘅百科，目標係寫好一本完整、準確同中立嘅百科。呢度嘅所有文字係跟CC-by-sa-3.0 牌照嘅條款發佈，人人都可以依照條款嘅規矩自由咁用。

粵文維基百科係維基百科嘅粵文版，專係畀超過八千萬位嚟自嶺南、港澳同埋東南亞、北美洲、歐洲等地識得講粵語嘅人去用。粵語唔單止講得，重可以寫出嚟，而呢度正正就係成個互聯網最大規模嘅粵文網站，我哋好歡迎任何識講粵語嘅朋友幫手繼續寫多啲文。

維基百科係由義工編者所寫，並由同時運作以下各項目嘅非牟利組織維基媒體基金會運作：