三星集團(韓文:삼성그룹/三星그룹 Samseong Geurup,Samsung)係南韓最大公司,總部喺韓國首爾,有好多業務,譬如電子機械化工金融、保險、生物製藥、建設、醫療、航空零件、軍火製造、服裝、超市等等,當中佢嘅電子產品電器最出名。

三星集團喺1996年躋身全球第一大集團,總共有至少80間子公司,多個屬下公司同埋其他相關嘅機構,喺近70個國家同地區建立咗接近300個辦事處,員工總數19.6萬人,集團總資產有成8500億美元,員工平均年薪高達7130萬韓元(6.7萬美元),三星喺韓國出口額312億美元之中就佔咗18.1%,而喺2004年更達到592億美元,係南韓出口額嘅20.7%。

三星集團係家族企業,領導層世襲,集團現任會長李健熙係創始人兼首任會長李秉喆個仔,佢個仔李在鎔做緊三星電子副會長。

出面網頁 編輯