維基百科

上海外灘人踩人慘劇

2014年12月31號，大概係23點35分，喺中國上海市外灘嘅陳毅廣場因為人太多而發生人踩人事故[1]，截至2015年1月1號已經造成36死47傷[2][3][4]。

上海外灘人踩人事故現場

過程

編輯

目前呢件事重未有最終定論。

當時現場有成十五萬人，現場秩序好混亂[5]。外灘觀景平台人流嘅對衝被認為係事件嘅主要原因，但造成大規模人流對衝嘅原因重未清楚。

23時30分左右，燈光表演就嚟開始，有啲人想行前啲霸個靚位睇，亦有人覺得太迫想走，所以就搞到人迫人、人拱人嘅情況出現。23時35分，有人跌親，情勢就開始失控[6]。

23時50分左右[6]，現場嘅警察馬上疏散現場啲人、同埋救出傷者[7]。23時55分[6]，警察同市民用人牆圍起嚟處置受傷嘅人同埋畀救護車出入[8]。

據新華社新聞話，有人見到離事故現場一條馬路嘅外灘十八號三樓，有人從窗抌出好飲美金嘅優惠券，而且呢啲紙隨風飄咗去觀景台嗰面，搞到好多人以為係錢就跑去執，搞到人踩人咁。有網民話係有關當事人造成人踩人事故[9]，後嚟當事人死口唔認，而且話警方已經介入調查[10][11]。

結果

編輯

一啲死傷者已經查明，死咗嘅有十男，廿五女，而傷者多數係後生仔同學生，上海市嘅學校已經開始查緊有冇學生出咗事[12]。喺呢次人踩人事故入面傷者多數係心口、背脊同頭受傷，嚴重小小嘅就有骨折同皮膚擦傷。

出現人踩人事故之後，上海長征醫院收咗十六人，上海市第一人民醫院收咗十三人，瑞金醫院收咗九人，黃浦區人民醫院就收咗八人[13]。而喺醫院門口有好多死傷者嘅屋企人同朋友塞住晒，要出動到警方嚟維持秩序。據現場人士話：「嗰時好多人，個個都逼住晒，好難走得甩，冇耐就有女仔暈低之後就人拱人，跟住人踩人就發生啦。」[14]

前面有講到收咗死傷者嘅三間醫院同黃浦區中心醫院都開啟咗緊急預案。唔少傷者喺醫院出現情緒唔穩定，要現場醫護人員及時作心理輔導[15]。

回應

編輯

中央政府

編輯

中共中央總書記兼國家主席習近平同國務院總理李克強都要求醫院要全力救人、減低死亡人數、加強安全措施、做好埋尾嘅嘢、調查出事原因、確保假期入面民眾嘅生命財產安全[16]。

上海市政府

編輯

出事嗰晚，上海市人民政府就搞咗嗰工作組。工作組由市長楊雄做阿頭，上海市、黃浦區政府嘅部門都加入呢個工作組，設咗醫療、調查、埋尾、輔導四個小組嚟分工[17]。中共上海市委書記韓正同上海市長楊雄等人亦喺出事嗰晚趕去現場睇，亦去到醫院探吓傷咗嘅人，而且召開咗緊急會議[18]。2015年1月1號朝早，中共上海市委、上海市政府召開咗緊急會議，傾下點樣埋尾同做好安全工作。市委書記韓正話要及時準確發布死傷者嘅消息，同埋要搞好全市嘅大型活動安排，停止一啲安全準備做得唔好嘅活動。同時，亦徹查呢件事嘅起因，汲取教訓。市長楊雄喺會議上部署咗救治同善後嘅工作[19]。

上海市黃浦區人民政府喺2015年1月1號公布設置咗接待電話嚟應對呢件事[7]。

影響

編輯
 
2015年1月1號，喺陳毅廣場前嘅哀悼活動

2015年1月1號朝早，陸續有上海市民去到出事地點獻花[20]。

根據東方網嘅新聞，原定喺2015年1月1號舉行嘅上海中心亮燈表演已經取消。同時上海市亦全面取消喺2015年元旦舉行嘅所有跨年活動[21]。

鳳凰網評論話，呢次事故反映咗管理出現問題，同時抌錢嘅鋪頭同安全監管部門嘅人應該主動出嚟認頭[22]。

睇埋

編輯

攷

編輯
  1. ↑ 上海外灘發生踩踏事件多人受傷(圖).新浪新聞 .2015年01月01日01:37 （大陸簡體）
  2. ↑ 上海踩踏事故已致36人死亡47人受傷.中國新聞網 .2015年01月01日14:14 （大陸簡體）
  3. ↑ 〈滬人踩人36死 習近平促汲取教訓避免再發生〉 (香港中文)。無綫新聞。2015年1月1日。原著喺2019年6月8日歸檔。喺2015年1月1日搵到。
  4. ↑ 上海外灘跨年夜發生踩踏事故 已致35人遇難43人傷.中國新聞網 .2015年01月01日 06:10 （大陸簡體）
  5. ↑ 〈外灘陳毅廣場發生踩踏事件 上海取消元旦所有跨年活動〉。央廣網。2015-01-01。原著喺2015-01-01歸檔。喺2015-01-01搵到。
  6. ↑ 6.0 6.1 6.2 〈上海外灘踩踏事故時間還原〉。新浪新聞。2015-01-01。喺2015-01-01搵到。
  7. ↑ 7.0 7.1 〈上海外灘踩踏事件：親歷者還原驚魂踩踏一幕〉。中國新聞網。2015-01-01。喺2015-01-01搵到。
  8. ↑ 〈上海外灘踩踏現場：有人自發手拉手維持秩序〉。人民網。2015-01-01。原著喺2015-01-01歸檔。喺2015-01-01搵到。
  9. ↑ 〈事件親歷者:當時人流量大 產生對衝〉。東方網。2015-01-01。原著喺2015-01-01歸檔。喺2015-01-01搵到。
  10. ↑ 〈博主就"撒錢"回應表示已求助警察還原真相〉。《新華網》。2015-01-01。喺2015-01-01搵到。
  11. ↑ 〈博主就"撒錢"回應〉。《超級夶夶夶儍寶__沈尛姐微博》。2015-01-01。喺2015-01-01搵到。，原文：我是博主本人，針對你們的紛紛評論和轉發，我必須回應！首先我想說，昨晚我和我的朋友都沒有撒錢，這次的踩踏也不是我們造成的！還有對於那些不了解來龍去脈的人，造謠生事的人 麻煩你們不要再興風作浪了，我現在已經報警，之後會有警察來處理、還原真相！特別申明：麻煩你們不要去騷擾我的家人和朋友
  12. ↑ 周琳 (2015-01-01)。〈上海外灘踩踏事件部分傷亡者身份查明〉。《新華網》。喺2015-01-01搵到。
  13. ↑ 〈上海踩踏事故部分傷亡者身份查明 25名女性死亡〉。《騰訊網》。2015-01-01。原著喺2015-01-01歸檔。喺2015-01-01搵到。
  14. ↑ 〈上海外灘發生踩踏事故 35人死亡 親歷者哭訴〉。《人民網-上海頻道》。2015-01-01。喺2015-01-01搵到。
  15. ↑ 〈上海踩踏事件部分傷亡者身份查明 死者中女性25名〉。《鳳凰網》。2015-01-01。喺2015-01-01搵到。
  16. ↑ 〈習近平對上海外灘踩踏事件作出重要指示 李克強就事件處置作出批示〉。原著喺2015年1月1號歸檔。喺2018年11月25號搵到。
  17. ↑ 〈上海成立工作組處置外灘踩踏事件〉。原著喺2015年1月1號歸檔。喺2015年1月1號搵到。
  18. ↑ 〈韓正楊雄連夜部署做好踩踏傷員搶救和善後處置〉。原著喺2015年1月1號歸檔。喺2018年12月3號搵到。
  19. ↑ 〈上海緊急召開會議傳達習近平李克強關於外灘事件批示精神 韓正：徹查事件原因 深刻吸取教訓〉。原著喺2015年1月1號歸檔。喺2015年1月1號搵到。
  20. ↑ 韓慶 (2015-01-01)。〈上海市民自發在外灘祭奠逝者〉。人民網。原著喺2015-01-01歸檔。喺2015-01-01搵到。
  21. ↑ 楊靜 (2015-01-01)。〈外灘陳毅廣場發生踩踏事件 上海取消元旦所有跨年活動〉。東方網。原著喺2015-01-01歸檔。喺2015-01-01搵到。
  22. ↑ 〈獨家分析："有人拋灑'美鈔'引發哄搶"是真的麼〉。鳳凰網。2015-01-01。喺2015-01-01搵到。
由「https://zh-yue.wikipedia.org/w/index.php?title=上海外灘人踩人慘劇&oldid=2162037」收