世代飛船粵讀:sai3 doi6 fei1 syun4;英文generation ship)係指科幻作品當中常見、俾人類喺入面生存幾個世代嘅超級太空船:有好多科幻故仔都描述地球因為自然或者人為原因而受到破壞或者變到唔再適合人類居住;於是呢啲故仔入面嘅人類就會建造大量好似城市一樣咁大架嘅太空船,坐住呢啲太空船移居去第啲行星嗰度;如果個故仔唔涉及超光速太空航行嘅話,呢啲太空船往往需要用成個零兩個世紀嘅時間先會去到目的地,於是人類就會喺巨型太空船上過幾個世代咁耐嘅時間。