中國共產黨第十三次全國代表大會

中國共產黨第十三次全國代表大會於1987年10月25號至11月1號响北京召開。出席大會嘅正式代表1936人,特邀代表61人,代表當時全國4600萬名黨員。

此外,全國人大常委會黨外副委員長、全國政協黨外副主席、各民主黨派、全國工商聯負責人同無黨派愛國民主人士、少數民族同埋宗教界人士96人列席咗大會,並有中外記者(其中包括1名台灣記者)400幾人採訪咗大會。呢啲,响之前嘅歷次代表大會上,都係首次。

大會嘅議程係:(1)聽取同審查黨嘅第十二屆中央委員會嘅報告;(2)審查中央顧問委員會嘅報告;(3)審查中央紀律檢查委員會嘅報告;(4)審議並通過《中國共產黨章程部分條文修正案》;(5)選舉第十三屆中央委員會,新一屆中央顧問委員會,新一屆中央紀律檢查委員會。

趙紫陽受十二屆中央委員會委託,向大會作咗報告。大會提出並系統闡述咗社會主義初級階段理論,制定咗黨响社會主義初級階段嘅基本路線,制定咗「三步走」發展戰略同各項改革任務。

大會討論並通過咗關於十二屆中央委員會報告嘅決議、關於黨章部分條文修正案嘅決議、關於中央顧問委員會工作報告嘅決議、關於中央紀律檢查委員會工作報告嘅決議。

大會重首次採用差額選舉嘅方式選出咗由175名中央委員同110名候補中央委員組成嘅第十三屆中央委員會;選舉出由200人組成嘅中央顧問委員會同69人組成嘅中央紀律檢查委員會。

一中全會 編輯

中國共產黨第十三屆中央委員會第一次全體會議於1987年11月2日响北京舉行,全會選舉產生咗中央政治局委員、候補委員,中央政治局常務委員會委員,中央委員會總書記;根據中央政治局常務委員會嘅提名,通過咗中央書記處書記同候補書記;決定咗中央軍事委員會主席、第一副主席、常務副主席。名單如下:

  1. 中央政治局委員、候補委員
  2. 中央政治局常務委員會委員:趙紫陽、李鵬、喬石、胡啟立、姚依林
  3. 中央委員會總書記:趙紫陽
  4. 中央書記處書記、候補書記
  5. 中央軍事委員會主席、第一副主席、常務副主席
    • 主席:鄧小平
    • 第一副主席:趙紫陽
    • 常務副主席:楊尚昆

全會批准咗中央顧問委員會第一次全體會議選舉產生嘅主任、副主任同常務委員會委員人選。名單如下:

全會批准咗中央紀律檢查委員會第一次全體會議選舉產生嘅書記、副書記同常務委員會委員人選。名單如下:

二中全會 編輯

中國共產黨第十三屆中央委員會第二次全體會議於1988年3月15日號至19號响北京舉行,全會審議通過咗中共中央總書記趙紫陽代表中央政治局响中國共產黨第十三屆中央委員會第二次全體會議作嘅工作報告。

全會審議通過咗中央政治局提出,並經黨內外廣泛協商,擬向七屆全國人大推薦嘅國家機構領導人員人選名單同擬向七屆全國政協推薦嘅全國政協領導人員人選名單。

三中全會 編輯

中國共產黨第十三屆中央委員會第三次全體會議於1988年9月26號至30號响北京舉行,全會原則通過咗《關於價格、工資改革的初步方案》,建議國務院\响今後五年或者較長一啲時間內,根據嚴格控制物價上漲嘅要求,並考慮各方面嘅實際可能,逐步咁穩妥咁組織實施。全會重原則通過咗《中共中央關於加強和改進企業思想政治工作的通知》。

四中全會 編輯

中國共產黨第十三屆中央委員會第四次全體會議於1989年6月23號至24日號响北京舉行,呢次係六四事件後中共所召開嘅中全會,全會審議並通過咗李鵬代表中央政治局提出嘅關於趙紫陽响反黨反社會主義嘅動亂中所犯錯誤嘅報告,全會選舉江澤民為中央委員會總書記;增選江澤民、宋平、李瑞環為中央政治局常委;決定增補李瑞環、丁關根為中央書記處書記;決定撤銷趙紫陽嘅中央委員會總書記、中央政治局常務委員會委員、中央政治局委員、中央委員會委員同中共中央軍事委員會第一副主席嘅職務。另外,胡啟立、芮杏文、閻明復亦响呢次全會上被免職。全會遞補候補中央委員格桑多傑(藏族)為中央委員。

五中全會 編輯

中國共產黨第十三屆中央委員會第五次全體會議於1989年11月6號至9號响北京舉行,全會審議並通過咗《中共中央關於進一步治理整頓和深化改革的決定》。全會討論並通過咗關於同意鄧小平辭去中共中央軍事委員會主席職務嘅決定,決定江澤民為中共中央軍事委員會主席,楊尚昆為中共中央軍事委員會第一副主席,劉華清為中共中央軍事委員會副主席,楊白冰為中共中央軍事委員會秘書長;決定增補楊白冰為中共中央書記處書記。全會遞補候補中央委員賈志傑為中央委員。

六中全會 編輯

中國共產黨第十三屆中央委員會第六次全體會議於1990年3月9號至12號响北京舉行,全會審議通過咗《中共中央關於加強黨同人民群眾聯繫的決定》。

七中全會 編輯

中國共產黨第十三屆中央委員會第七次全體會議於1990年12月25號至30號响北京舉行,全會審議並通過咗《中共中央關於制定國民經濟和社會發展十年規劃和「八五」計劃的建議》。江澤民作咗重要講話,李鵬就《建議》草案作咗說明。

八中全會 編輯

中國共產黨第十三屆中央委員會第八次全體會議於1991年11月25日號至29號响北京舉行,全會審議並通過咗《中共中央關於進一步加強農業和農村工作的決定》。全會審議並通過咗《關於召開中國共產黨第十四次全國代表大會的決議》,確定中共十四大於1992年第四季度响北京舉行。全會遞補候補中央委員馬玉海(回族)為中央委員。

九中全會 編輯

中國共產黨第十三屆中央委員會第九次全體會議於1992年10月5號至9號响北京舉行,全會決定,1992年10月12日响北京召開中國共產黨第十四次全國代表大會。全會討論並通過咗中央委員會向黨嘅第十四次全國代表大嘅報告,討論並通過咗《中國共產黨章程(修正案)》,一致決定將呢兩個文件提請黨嘅第十四次全國代表大會審議。全會同意中央政治局關於對趙紫陽响1989年政治動亂中所犯錯誤繼續審查情況嘅匯報,同意維持十三屆四中全會對趙紫陽所犯錯誤嘅結論並結束審查。全會遞補候補中央委員丹增(藏族)、王越豐(黎族)、克尤木·巴吾東(維吾爾族)、李振潛為中央委員。