中級管理人員
(由中層管理人員跳轉過嚟)
中級管理人員（英文：middle management），又叫中級管理層，簡稱中層，係指一個組織當中喺最頂嘅阿頭以下、負責帶領團隊嘅管理人員。
中級管理人員比較少同前線員工直接接觸，但係會指揮第一層嘅管理人員做嘢，而頂層嘅管理者問起責上嚟會問佢哋。中層嘅管理者會花時間做組織同指揮嘅功能，佢哋嘅角色強調執行上頭俾嘅有關成個組織嘅計劃同政策，會幫手將資訊由上頭傳到去個組織嘅基層嗰度，而最緊要嘅係，佢哋會激勵同引導第一層嘅管理者。中層管理通常都係喺啲規模有返咁上下大嘅組織當中先會出現，因為個組織實要有返咁上下大先至會需要有人喺第一層同頂層之間做中介。
中層管理者嘅功能包括咗：
- 設計同執行有效嘅資訊系統，等工作團隊內部同團隊之間嘅工作更有效率；
- 界定同監察工作團隊嘅表現；
- 解決團隊內部同埋團隊之間嘅問題；
- 用獎勵同懲罰嘅方式去鼓勵團隊合作。
睇埋 編輯
 |