中華大學 - 清華大學合併
中華大學 - 清華大學合併，係指台灣嘅中華大學併入國立清華大學嘅一連串事件。合併方案主要係以中華大學退場後捐贈剩餘財產畀清大使用，原中華大學校園俾清華大學嘅半導體學院進駐成立「清華平方科技園區」，以及讓原中華大學嘅教師喺國立清華大學持續工作6年[1][2][3]。
由於兩校學術地位差異等問題，整併消息一出，造成唔少師生議論。
背景
編輯喺中華大學選擇同清華大學合併前，陽明交大亦曾經接洽中華大學，校長林奇宏甚至喺2024年10月率校內高層團隊到中華大學提出整併方案。但由於清大係校方較早接觸嘅國立大學、接觸時間比較長，董事優先選擇清大[4]。
去到2024年11月21號，清大向傳媒證實，兩校取得共識，計畫喺中華大學校園設「清華平方科技園區」。
部分關注議題
編輯關於中華大學嘅財務狀況
編輯有部分傳媒關注，係咪中華大學嘅財政出現顯著虧蝕，所以要搵人接手，不過中華大學校長劉維琪就話，中華大學財務營運健全，唔係因為虧損先要合併。佢又話，要喺學校健康嘅情況下掌握合校主動權，先可以對師生、學校都好，而唔係面臨被迫退場窘境[3]。
關於中華大學嘅學術地位同原校畢業生畢業證書安排
編輯由於清華大學算係喺台灣嘅一線大學，合併一度引發清華大學一啲學生不滿，認為清大「自降格調」[5][6]。
亦有人擔心未來中華大學嘅學生，可以領清大畢業證書。不過中華大學校長劉維琪之後表示，學生將喺原校畢業，把所有學生照顧好後先停辦退場，代表中華大學學生嘅畢業證書唔會變成清華大學嘅畢業證書[1]。
參考來源
編輯- ↑ 1.0 1.1 中時新聞網 (2024-11-23)。〈清大合併中華大學 畢業證書怎麼寫？校長說話了 - 生活〉。《中時新聞網》 (繁體中文)。喺2024-11-28搵到。
- ↑ 中時新聞網 (2024-11-22)。〈中華大學董事會通過 退場後校產捐清大 兩校合併 - 生活〉。《中時新聞網》 (繁體中文)。喺2024-11-28搵到。
- ↑ 3.0 3.1 〈清華大學擬併校 中華大學證實：將捐校產給清大、最快114學年度停招 -- 上報 / 焦點〉。www.upmedia.mg。喺2024-11-28搵到。
- ↑ 〈不只清大 陽明交大也爭取與中華大學整併〉。
{{cite web}}: CS1 maint: url-status (link) - ↑ TVBS。〈擬整併中華大學！清大學生刷一排不滿：難怪交大不屑我們│TVBS新聞網〉。TVBS (臺灣中文)。喺2024-11-28搵到。
- ↑ 〈不滿整併中華大學！清大學生批校方「自降格調」：難怪交大不屑我們〉。Yahoo News (中文)。2024-11-23。喺2024-11-28搵到。