中餐廳第二季節目一覽

‹‹ 第一季 | 第三季 >>

呢份一覽表列出《中餐廳》第二季冚唪唥嘅期數。呢季節目共12期，喺2018年7月20號首播，到10月5號播完。

《中餐廳》第二季取景地——喺法國哥爾瑪嘅Le Roesselmann餐廳

成員

• 趙薇
• 舒淇
• 蘇有朋
• 王俊凱
• 白舉綱

分集介紹

集數 （季）	主題	首播日期
1	準備日	2018年7月20號 (2018-07-20)
店長趙薇先行抵達哥爾瑪，喺睇過住處之後抵達餐館所在地，並接收節目組提供嘅固定資產、營業物資同5000歐元啟動資金，然後等住其他4位經營合夥人嘅到來。舒淇、蘇有朋同白舉綱喺之後陸續抵達餐館所在地，4位經營合夥人集結並分別展示各自所帶物品之後，隨即一齊去超市買些簡單嘅食材，並完成喺中餐廳嘅第一次晚餐。晚餐結束後，4位經營合夥人返去住處休息，王俊凱亦喺結束倫敦嘅工作後趕到住處同大家會合。第二日，5位經營合夥人開始進行餐館開業之前嘅籌備工作。趙薇、蘇有朋、王俊凱同白舉綱去超市買食材同雜物，舒淇喺參加營業執照培訓會後去超市同大家會合。買完後，5位經營合夥人返去餐館進行試菜。
2	中餐廳開業日	2018年7月27號 (2018-07-27)
試菜結束後，5位經營合夥人返去住處制定營業第一日嘅菜單並幫菜品定價。第二日，中餐廳正式開業。儘管第一日嘅營業過程入面狀況唔停，但一日嘅營業依舊平穩進行，大家經歷咗忙碌同悠閒兩種經營狀態。最終，營業第一日推出嘅所有菜品都有訂單入賬。
3	中餐廳的男人日	2018年8月3號 (2018-08-03)
中餐廳開業第2日，蘇有朋、王俊凱同白舉綱去超市買食材，其他2位經營合夥人進行休整，並作出中午進行調整同備菜，夜晚正式營業嘅決定。買完後，大家開始為夜晚嘅營業做準備。嗰晚，中餐廳共接待17位客人，5位經營合夥人重幫其中一枱客人成功完成咗求婚任務。營業結束後，大家一同整理咗餐枱，趙薇同舒淇喺整理完餐枱後返去住處休息，其他3位經營合夥人就喺整理完廚房後返去住處休息。開業第3日，餐廳繼續沿用「中午進行調整同備菜，夜晚正式營業」嘅經營模式，王俊凱同白舉綱去超市買食材，其他3位經營合夥人進行休整，大家喺買完後一齊為夜晚嘅營業做準備。開業第3晚，中餐廳共接待16位客人，而王俊凱新推出嘅米粉亦攞到好大嘅成功。
4	壽喜搭檔新主廚	2018年8月10號 (2018-08-10)
中餐廳開業第4日，迎嚟首個主廚日，蘇有朋同王俊凱擔任第一任輪值主廚。趙薇同白舉綱先行出發，幫主廚買食材，並喺買完後先行抵達餐廳，兩位新主廚之後抵達，舒淇因臉部過敏而最遲抵達餐廳。簡單嘅員工餐結束後，大家開始進行試菜。喺大家準備迎接夜晚嘅營業時，一場暴雨突襲哥爾瑪，雨水唔停地向餐廳入面滲漏，橫樑都被暴風吹斷，餐廳存在坍塌同觸電危機。為安全起見，節目組被迫中斷錄製，工作人員都首次介入到錄製入面，並要求5位經營合夥人從攝像通道緊急撤離。離開餐廳前，店長趙薇同維修團隊進行咗連線，然後同其他4位經營合夥人一齊返去住處。暴雨過後，專業施工團隊抵達中餐廳，開始進行緊急搶修，蘇有朋幫預訂客人取消咗訂單。退訂成功後，5位經營合夥人即刻返去餐廳進行搶修。經過大家嘅共同努力，中餐廳恢復咗舊日嘅平靜。開業第5日，「皇阿瑪」張鐵林大駕光臨，並為中餐廳送去咗「中國味道」題字。趙薇、蘇有朋同張鐵林一齊回憶起拍《還珠格格》時嘅舊事。張鐵林本想幫5位經營合夥人煮飯，卻將白飯煮成白粥。趙薇及時出手相救，將白粥變成海鮮粥。開業第5晚，張鐵林作為服務生幫客人點單，但過程入面卻狀況唔停。營業過程入面，5位經營合夥人同張鐵林幫其中一枱客人準備咗生日驚喜。營業結束後，張鐵林主動承擔咗洗碗工作，終於為中餐廳嘅經營工作作出咗貢獻。
5	朋哥小凱的主廚日	2018年8月17號 (2018-08-17)
朋凱主廚日迎嚟最後一日，中餐廳遭遇燃氣告急嘅困境。清晨，白舉綱同張鐵林去燃氣公司買燃氣，卻意外將轉接口落喺燃氣公司，白舉綱唯有返去燃氣公司攞返轉接口，而呢個時候中餐廳迎嚟用餐高峰，好快就座無虛席。由於灶火慢慢減弱，中餐廳嘅上菜速度變得好慢。店長趙薇急中生智，向顧客送咗酸奶，以安撫顧客嘅情緒。呢個時候，白舉綱亦返咗餐廳，開始拯救中餐廳嘅行動。燃氣問題解決後，上菜速度迅速提升，中午嘅訂單好快就全部完成。嗰晚，中餐廳共接待3枱客人，王俊凱幫第一枱客人特別定做咗番茄炒蛋，中餐廳同時迎嚟開業以嚟最大訂單，各項工作好有條理咁進行住，朋凱主廚日順利收官，中餐廳創下開業以嚟單日營業額最高紀錄。而張鐵林喺經歷頭一日嘅「服務生初體驗」後，業務水平亦得到好大嘅提升，清潔、點單、上菜、推銷、接聽預約來電等工作都得心應手。營業結束後，店長趙薇為全體經營合夥人同張鐵林做咗韭菜盒子，之後大家就返去住處休息。第二日，中餐廳迎嚟首個休息日。午餐過後，大家乘馬車遊覽哥爾瑪。遊覽結束後，5位經營合夥人同張鐵林告別，並喺整理完餐廳後返去住處休息。
6	姐妹花的主廚日	2018年8月24號 (2018-08-24)
中餐廳開業第8日，迎嚟第二個主廚日，第二任輪值主廚由趙薇同舒淇擔任，白舉綱擔任幫廚一職，而上一任輪值主廚蘇有朋同王俊凱就去吧檯工作。姐妹花主廚日嘅第一日，中餐廳遭遇到業績唔好嘅困境，午餐時段嘅營業額凈得唔到300歐元，晚餐時段直到夜晚8點都凈得兩枱客人就餐。截至夜晚8點半，就餐客人都凈得4枱，先前預訂嘅最大訂單未能及時兌現，而舒淇嘅滷雞腿都冇訂單入賬，蘇有朋同王俊凱凈得喺餐廳門口招攬客人以作為補償。喺蘇有朋同王俊凱的共同努力下，中餐廳好快就座無虛席，而舒淇嘅滷雞腿亦被成功賣出。第二日，情況有所改觀，午餐時段好快就座無虛席，所有菜品都有訂單入賬，重得到顧客嘅好評。
7	壓力之夜	2018年8月31號 (2018-08-31)
午餐時段嘅營業結束後，大家進行短暫嘅休整同備菜，之後投入到晚餐時段嘅營業入面。嗰晚，4位競爭對手同哥爾瑪市市長同埋其他主要市領導到訪就餐，5位經營合夥人臨危不亂，成功應對來自同行同哥爾瑪「最高規格」嘅考驗。第二日，下任主廚王俊凱同白舉綱進行試菜，嗰日中午中餐廳暫停營業，其他3位經營合夥人就喺短暫休整過後抵達餐廳。試菜結束，王俊凱嘅兩道菜品都得到成功，而白舉綱嘅試菜過程無奈以失敗告終，中餐廳進入到晚餐時段嘅營業入面。嗰晚，中餐廳迎嚟首位回頭客，卻遭遇到菜品賣嗮嘅困境，蘇有朋同店長趙薇以其他替代菜品化解呢次危機，姐妹花主廚日順利收官。營業結束後，趙薇、蘇有朋同王俊凱先行返去住處休息，白舉綱留落餐廳繼續試菜，舒淇就幫白舉綱完成善後工作並對佢進行指導，兩人之後一齊返去住處休息。
8	麻辣兄弟主廚日	2018年9月7號 (2018-09-07)
中餐廳開業第11日，迎嚟第三個主廚日，第三任輪值主廚由王俊凱同白舉綱擔任，店長趙薇擔任幫廚一職，蘇有朋繼續留喺吧檯工作，內場工作就由舒淇擔任。午餐時段嘅客人提前抵達，將中餐廳原本嘅節奏打亂，而王俊凱同白舉綱推出嘅川系主打菜亦因為太辣而遭遇退菜風波。嗰日下晝，中餐廳迎嚟神秘嘉賓包貝爾同楊子姍，兩人為中餐廳送去咗大量食材。嗰晚，楊子姍主動承擔內場工作，包貝爾變身服務生為客人點單，從而大大減輕5位經營合夥人嘅壓力，而王俊凱同白舉綱喺對菜品作出改良後亦得到顧客嘅認可。
9	曉明回歸啦	2018年9月14號 (2018-09-14)
開業第12晚，包貝爾同楊子姍對調咗工作崗位。喺兩位好友嘅幫助下，嗰晚嘅營業順利結束。營業結束後，包貝爾同楊子姍主動承擔清潔工作，5位經營合夥人就進行音樂派對。之後，5位經營合夥人用歌聲同包貝爾同楊子姍告別。開業第13晚，第一季經營合夥人黃曉明重磅回歸，並為5位經營合夥人送去咗「按摩神器」，同時為中餐廳送去咗大量中國土特產。營業結束後，大家一齊返去住處休息，王俊凱因參與2019米蘭春夏男裝週而向店長趙薇申請喺第二日請假8個鐘。開業第14日，中餐廳迎嚟小吃節，趙薇、舒淇、蘇有朋同黃曉明各自推出自己鄉下嘅特色小吃。嗰日中午，經歷過一季經營任務嘅黃曉明對中餐廳嘅各項工作輕車熟路，迅速投入到工作狀態入面，而黃曉明喺呢季新推出嘅煎餅卷大蔥同埋其他3位經營合夥人推出嘅地方特色小吃亦攞到好大嘅成功。
10	黃店長正式上崗	2018年9月21號 (2018-09-21)
午餐時段嘅營業結束後，大家依照之前嘅約定去到房東家參加燒烤晚宴。晚餐過程入面，店長趙薇宣佈，為迎接第二日嘅父親節，中餐廳將推出特別企劃，向每位幫襯嘅男士送一杯紅酒，同時重宣佈第二日將由黃曉明擔任代理店長。而王俊凱亦喺正餐結束前返去哥爾瑪同大家會合。晚餐結束後，大家一齊返去住處休息。呢個時候，代理店長黃曉明召開上崗前會議。會上，代理店長黃曉明宣佈，中餐廳將會喺第二日主打「多優惠多互動」嘅經營模式。開業第15日，代理店長黃曉明正式上任，並向5位經營合夥人詳細介紹「開心經營」、「宣傳中華美食」、「加強同客人溝通互動」同「少量多樣」四大經營理念，呢啲經營理念都得到好大嘅成功，黃曉明重為就餐嘅每枱客人加送一袋粽。回歸後嘅王俊凱喺嗰日新推出咗麻辣燙，並得到顧客嘅認可同好評。午餐時段嘅營業結束後，大家一齊返去住處休息。嗰晚，5位經營合夥人同黃曉明告別。
11	端午嘉年華	2018年9月30號 (2018-09-30)（星期日）
為迎接端午節，中餐廳喺開業第16日推出特別企劃。嗰日中午，5位經營合夥人搞咗場「肉粽特賣會」。嗰晚，店長趙薇推出端午節套餐。呢啲企劃都得到好大嘅成功。店長趙薇重令嗰晚幫襯嘅外國人試食皮蛋，並得到顧客嘅認可同好評。第二日，5位經營合夥人遊覽里屈埃維小鎮。兩個鐘嘅遊覽結束後，大家一齊返去餐廳為夜晚嘅營業做準備。正式營業前，店長趙薇整咗中餐廳嘅最後一份菜單。嗰晚，中餐廳迎嚟全員主廚日嘅第一日，5位經營合夥人除舒淇外都擔任主廚工作。之前嘅回頭客再次到訪，新菜品因大受歡迎而賣嗮，中餐廳再次陷入食材危機。呢個時候，白舉綱提出可以幫呢位客人整辣子雞，但需要呢位客人等25分鐘，而其他可以揀嘅菜品都凈得小蔥拌豆腐同玫瑰腐乳豬蹄。經過舒淇同呢位客人嘅溝通，點單危機順利解決，店長趙薇重向呢位客人送咗小蔥拌豆腐，以表歉意。店長趙薇推出嘅玫瑰腐乳豬蹄因水土不服而遭遇滯銷嘅困境，最終作為員工餐被內部消化。晚餐結束後，大家一齊返去住處休息。呢個時候，店長趙薇對嗰日嘅營業狀況進行咗總結，並同其他4位經營合夥人商討咗告別晚宴嘅有關事項。
12	中餐廳告別宴	2018年10月5號 (2018-10-05)
5位經營合夥人迎嚟喺哥爾瑪嘅最後2日。第一日，中餐廳迎嚟正式營業嘅最後一日。為令更多外國人體驗同感受中華美食文化，店長趙薇決定嗰日重用全日營業嘅經營模式。喺5位經營合夥人嘅通力合作下，最後一日嘅營業圓滿結束。頭一日滯銷嘅豬蹄喺經過店長趙薇嘅改良後得到顧客嘅認可，而王俊凱同白舉綱亦成功掌握法式辣度。喺正式營業嘅17日時間入面，中餐廳共計收入8800歐元。第二日，大家開始為告別宴做最後嘅準備工作。一切準備就緒後，告別宴喺夜晚7點半如期舉行，房東夫婦同房東嘅朋友受邀參加。晚餐結束後，中餐廳音樂會正式開始。白舉綱變身結他手，5位經營合夥人依次獻唱，中餐廳融入到世界音樂節嘅狂歡入面。伴隨住一首《再見》，中餐廳音樂節正式結束，5位經營合夥人同哥爾瑪告別。

中餐廳料理食譜同教學

圖解	W趙薇掌勺	Q舒淇掌勺	P蘇有朋掌勺	K王俊凱掌勺	B白舉綱掌勺	O其他人掌勺

• 麪包屑炒蝦^B：首先將蝦解凍，然後依次加入蛋清、澱粉、生抽同料酒，撈勻後醃製15分鐘。之後將蝦下鍋翻炒，等蝦變色後撈出。再加入蔥、薑、蒜煸炒，然後加入麪包屑翻炒，最後放入炒好嘅蝦，炒勻就可以上碟。
• 麻油沙薑雞^W：鍋入面放適量麻油，熱鍋後放入薑片，然後放入雞肉並炒至半熟。之後加入冰糖，再加入浸過雞肉嘅滾水，小火燜製25分鐘，最後放入鹽、薑末，炒勻就可以上碟。
• 豌豆蝦仁蒸蛋^K：將蛋液加入鹽、澱粉，充分撈勻，蒸烤3分鐘。然後將蝦仁煮熟，再將豌豆下鍋煮滾，之後將豌豆同蝦一同下鍋入味，再加入鹽、水澱粉熬製粘稠成芡，最後將豌豆蝦仁倒落蒸蛋入面擺盤就得。
• 鹽酥雞^P：將雞肉去骨切塊，然後依次放入料酒、醬油、胡椒粉、白砂糖、蒜末、五香粉、薑末，撈勻後醃製30分鐘。然後將脆漿粉加水撈勻，之後將醃好嘅雞肉用脆漿粉裹住，再裹落米粉同地瓜粉。將粘過酥脆粉嘅雞肉放落熱油入面炸至金黃後瀝乾撈出，然後撒落胡椒鹽，最後將九層塔過油，瀝乾後撈出，作為配菜擺盤就得。
• 小凱炒飯^K：鍋入面放油加熱，倒入打散嘅兩枚雞蛋，快速翻炒成型，然後加入米飯翻炒，再加入提前備好嘅蝦仁同豌豆，最後加入適量鹽調味，炒勻就可以上碟。
• 豆豉鱈魚^Q：豆豉打底，加入料酒、鹽、花雕酒、白砂糖，然後將豆豉放落鱈魚上，薑片放落鱈魚下，再將調好嘅醬汁均勻淋落鱈魚上，之後將鱈魚放入蒸箱，加熱10分鐘後取出。將準備好嘅醬料回鍋加熱，然後將豆豉炒香，淋落蒸熟嘅鱈魚上就得。
• 乾貝花旗參湯^W：將乾貝同花旗參放落滾水入面，然後加入焯熟嘅半隻雞，慢火熬燉。
• 水煮肉片^K：將辣椒、薑、蒜、花椒放落油鍋煸炒，然後加入豆瓣醬熗炒，再加入適量清水煮滾，之後加入適量鹽，再放入青菜同肉片，直到肉片全部發白就得。
• 鹽酥魷魚^P：首先將油鍋燒熱，然後將醃過嘅魷魚圈放落鍋入面，炸至金黃後瀝乾撈出，最後撒落蔥花同胡椒粉擺盤就得。
• 糖醋黃瓜^W：首先將黃瓜切片，然後放入白糖，撈勻，最後放入醋，撈勻就可以上碟。
• 珍珠奶茶^P：將珍珠果用小火熬煮半個鐘後撈出，然後用清水沖洗熬煮過嘅珍珠，之後熬製黑糖，再將熬過嘅珍珠倒落黑糖入面，最後取少量珍珠放落杯入面倒落鮮奶就得。
• 豆豉排骨
• 四川冰粉^K：將冰粉倒落鍋入面撈至全部溶解，放涼後即成冰粉。
• 紅燒鱈魚^P：鍋入面放適量熱油，然後將鱈魚整齊放落鍋入面，之後加入用蒜爆香嘅油、薑片、料酒同生抽，最後加入蔥段同辣椒，中火收汁就得。
• 麻婆豆腐^K：豆腐切塊入水，加入適量鹽，去除豆腥味，小火煮滾後撈出靜置。然後將醃過嘅肉末放落熱油入面炒碎，之後放入適量薑、蒜、辣醬爆香，再加入適量水，並加入適量鹽、糖、花椒調味，等肉湯煮滾後加入豆腐繼續煮滾，最後撒落蔥花並加入生粉勾芡就得。
• 薇式手抓飯^W：鍋入面倒適量油燒熱，然後放入切過嘅小羊排，翻炒後加水燉至全熟。之後加入洋蔥、大蒜同胡蘿蔔，翻炒5分鐘，再放入泡過嘅米，小火慢燉35分鐘。最後依次加入鹽、葡萄乾同松子，撈勻就可以上碟。
• 番茄牛肉丸^K：熱油，然後爆炒薑片，之後放入番茄翻炒，等番茄變軟後加入鹽、糖，再加入適量番茄汁，然後加水熬煮作為湯底，之後將牛肉丸戳孔，放入番茄湯底熬煮，等丸子全部浮起後撈出就得。
• 甜豌豆蝦仁^P：帶殼蝦剝頭去殼，蝦仁開背去除蝦線，用紙吸走多餘嘅水分，加入少少蛋清、鹽、澱粉抓醃，然後熬製蝦湯。起鍋熱油，然後放入蝦仁，煎至7—8成熟後撈出備用。之後放入蒜、薑片、辣椒爆香，再倒入豌豆翻炒，然後倒入炸過嘅蝦仁繼續翻炒，之後倒入蝦湯，再依次加入鹽、澱粉、香油，炒勻就可以上碟。
• 番茄炒蛋^K
• 香菇黃燜雞^W：起鍋熱油，然後放入冰糖，小火熬製糖色，之後放入雞塊，再依次加入蒜瓣、料酒、薑片，之後倒入蠔油生抽調和汁，再放入去蒂嘅香菇，最後澆落高湯，小火燜煮就得。
• 紅燒肉^Q：將肉放落滾水入面，煮熟後加入冷水令佢冷卻，然後將肉撈出。起鍋熱油，然後放入薑片、大料煸炒，之後放入熟肉並煸炒至變色，再依次加入老抽、水、花雕酒、辣椒同蔥段，之後放入適量紅糖，冚煲蓋燜製15分鐘後撈出，最後往油鍋入面倒落醬油，並加水稀釋，之後放入土豆，燙熟後作為配菜擺盤就得。
• 雞湯竹蓀^W將竹蓀洗淨泡發，高湯去骨留肉，然後將竹蓀放落高湯入面，再加入捲心菜，煮熟後就可以上碟。
• 滷雞腿^Q
• 芋兒雞^K：雞肉入鍋煮滾去血水，然後往油鍋入面加花椒、辣椒、薑片、豆瓣醬爆香，之後加入雞肉翻炒，再加入適量水，最後加入芋頭煮10分鐘就得。
• 紅酒燜牛腩^B：起鍋熱油，然後加入蔥段、薑片、蒜瓣、大料爆香，之後加入牛腩翻炒，最後將牛腩放落高壓鍋入面並加入紅酒燜煮就得。
• 紅燜鱈魚^B：鍋入面放落蔬菜打底，然後用花椒、辣椒、蔥、蒜裹住，之後依次加入豆瓣醬同水，冚煲蓋燜燉就得。
• 椒鹽土豆排骨^K
• 小蔥拌豆腐^W
• 酸蘿蔔老鴨湯^K
• 滷肉飯^P：將預先整好嘅滷肉加熱，然後澆落米飯上就得。
• 煎餅卷大蔥^O
• 雞湯雲吞^W
• 肉絲炒米粉^Q：洋蔥放落油入面，炸出特製蔥油後撈出。起鍋熱油，然後依次放入大蒜、肉絲、洋蔥、胡蘿蔔炒香，再依次加入特製蔥油、包菜、米粉，最後依次放入蠔油、秘製蔥油、醬油，炒勻就可以上碟。
• 雞蛋餡餅^W
• 麻辣燙^K：將正宗重慶鍋底下落滾水入面，然後根據口味加入牛肉丸、油豆腐、金針菇、土豆片、粉絲、寬粉、豆腐乾、蝦仁等食材，煮熟就可以上碟。
• 皮蛋^W：將皮蛋一分為四，然後依次加入陳醋、麻油同蒜泥，撈勻就得。
• 玫瑰腐乳豬蹄^W：將豬蹄焯水，然後加入薑片同料酒去腥，除去浮沫後撈出備用。
  • 原版：起鍋熱油，然後依次加入薑、蒜、八角同蔥，之後放入豬蹄翻炒，最後依次加入冰糖、老抽同適量花生，熬煮30分鐘就得。
  • 改良版：起鍋熱油，然後依次放入蔥、薑、蒜、大料爆香，再加入焯過水嘅豬蹄翻炒2分鐘，之後依次加入油炸花生米同白色腐乳，炒勻後加入老抽並翻炒至豬蹄上色後加入熱水燜煮至熟爛就得。
• 滑蛋蝦仁^P：鮮蝦仁煎至兩面金黃後撈出備用。雞蛋打散，加入鹽、澱粉、蔥末、水、澱粉撈勻，然後將煎過嘅蝦仁倒落蛋液入面。起鍋熱油，然後將蛋液倒落鍋入面，翻炒成型就可以上碟。
• 辣子雞^B：將雞肉去骨切塊，然後依次加入雞蛋、生抽、料酒、鹽、澱粉，撈勻令佢醃製入味。將醃過嘅雞肉放落熱油入面炸至金黃後瀝乾撈出。熱鍋冷油，然後依次加入蔥段、薑片、泡椒、乾辣椒、小米椒同蒜泥，之後倒入炸過嘅雞塊翻炒，再依次加入鹽、油炸花生米、老抽、蔥花同白糖，炒勻就可以上碟。
• 糖醋排骨^K：起鍋熱油，然後倒入焯過水嘅排骨，之後依次加入冰糖、陳醋、生抽、料酒同薑片，收汁就可以上碟。
• 泡椒牛肉絲^K
• 銀耳蓮子湯

中餐廳員工餐食譜同教學

圖解	W趙薇掌勺	Q舒淇掌勺	P蘇有朋掌勺	K王俊凱掌勺	B白舉綱掌勺	O其他人掌勺

• 清炒空心菜^B
• 小蔥炒雞蛋^B
• 王記米粉^K：將滾水倒落調料碗，然後撈出煮熟嘅米粉，放落兌好嘅湯汁入面就得。
• 淇哥乾麪^Q
• 韭菜盒子^W：將韭菜、粉絲切碎撈勻，然後放入蛋末、櫻花蝦繼續撈勻，之後加入鹽、麻油繼續撈勻，最後擀皮、包餡，起鍋熱油，兩面煎至金黃就得。

中餐廳料理定價

前菜

• 涼菜三拼：€15
• 西藏火腿：€10→€16
• 小蔥拌豆腐：€6
• 酸蘿蔔老鴨湯：€6

主菜

• 麪包屑炒蝦：€18
• 鹽酥雞／鹽酥魷魚：€14
• 水煮肉片：€15
• 豌豆蝦仁蒸蛋：€14
• 豆豉鱈魚：€22
• 麻油沙薑雞：€18
• 乾貝蛋白炒飯：€15
• 紅燒鱈魚：€18
• 滷雞腿：€18
• 芋兒雞：€20
• 玫瑰腐乳豬蹄：€23
• 滑蛋蝦仁：€18
• 辣子雞：€18
• 糖醋排骨：€20

甜品

• 珍珠奶茶：€6
• 綠豆湯：€5

飲料

• 豆漿：€3
• 可樂：€3
• 雪碧：€3
• 蘇打水：€3
• 咖啡：€2
• 啤酒：€3

紅酒

• Chateau Monlot 2012：€14/杯
• Heritage de Monlot 2012：€10/杯
• Monlot Saint Emilion 2015：€8/杯
• Monlot Fronsac 2015：€6/杯
• Monlot Bordeaux Supérieur 2015：€5/杯

端午特供

• 肉粽：€3/隻、€5/2隻

端午節套餐食譜

• 主食：肉粽、鹹鴨蛋
• 湯羹：雞湯竹蓀
• 甜品：豆漿

收視率

中國大陸 湖南衛視 首播收視率
集數	播出日期	CSM52			CSM全國網			備註
		收視率	收視份額	排名	收視率	收視份額	排名
1	2018年7月20號	1.056	7.80	1	1.13	9.55	1	最高收視落喺昆明3.2 CSM52無廣告收視率1.14，份額7.83 江蘇《金曲撈之挑戰主打歌》開播 浙江《2018中國好聲音》暫停播映
2	2018年7月27號	0.884	6.19	3	1.09	8.69	1	最高收視落喺深圳2.71 CSM52無廣告收視率0.949，份額6.17 浙江《2018中國好聲音》復播
3	2018年8月3號	0.748	5.36	4	0.83	6.72	2	最高收視落喺深圳2.8 CSM52無廣告收視率0.8，份額5.28
4	2018年8月10號	0.817	5.83	3	0.99	7.83	1	最高收視落喺貴陽1.98 CSM52無廣告收視率0.87，份額5.73
5	2018年8月17號	0.693	4.79	5	0.78	6.44	2	最高收視落喺海口2.35 CSM52無廣告收視率0.73，份額4.98
6	2018年8月24號	0.628	4.51	3	0.74	6.19	2
7	2018年8月31號	0.615	4.39	3	0.68	5.5	2
8	2018年9月7號	0.615	4.34	3	0.64	5.63	2
9	2018年9月14號	0.673	4.78	4	0.6	4.95	2
10	2018年9月21號	0.631	4.36	4	0.56	4.79	2
11	2018年9月30號	0.485	4.03	6	0.45	4.47	2	因頻道特殊編排同轉播《新聞聯播》超時，呢期節目喺星期日夜晚10點15分播映
12	2018年10月5號	0.553	3.93	4	0.42	3.71	1	江蘇《金曲撈之挑戰主打歌》完結

1. 同時段或交叉時段主要節目：
   • 浙江衛視：《2018中國好聲音》、《真聲音》
   • 江蘇衛視：《金曲撈之挑戰主打歌》
2. 數據由央視索福瑞提供，調查範圍係四歲以上觀眾。
3. 以上收視排名唔包括央視在內。
4. 資料來源：衛視這些事兒、衛視小露電、TV未知數。
5. 排名係星期五夜晚所有綜藝節目嘅排名，並唔一定係同一時段。
6. 52城收視資料包括廣告在內，「備註」一欄入面嘅分城資料唔包括廣告在內。

註

參考