佛地魔英文Lord Voldemort,電影裡面嘅讀音係/ˈvldəmɔːr/, /-mɔːrt/[a]),佢原名係湯姆·魔佛羅·瑞斗Tom Marvolo Riddle,係英國作家J·K·羅琳創作嘅奇幻小說《哈利波特》系列裡面嘅其中一個虛構嘅角色,佢喺嗰個系列裡面係主要嘅反派,係小說裡面所講「史上最危險嘅黑巫師」。

佛地魔
(Lord Voldemort)
哈利波特》嘅角色
賴夫·費恩斯喺《死神的聖物》飾演嘅佛地魔。
首次出場哈利波特:神秘的魔法石
尾次出場哈利波特:死神的聖物2
作者J·K·羅琳
扮演賴夫·費恩斯
理察·布萊默英文Richard Bremmer第1輯嘅樣同埋聲
伊恩·哈特中文伊恩·哈特第1輯被上咗身嘅人
克里斯蒂安·庫爾森中文克里斯蒂安·庫爾森第2輯:16歲
法蘭克·迪蘭中文法蘭克·迪蘭第6輯:15歲)
赫洛·費恩斯·提芬中文希羅·范恩斯·提芬(第6輯:11歲)
史丹凡諾·羅西(佛地魔:傳人的起源
配音香港 周志輝粵語配音
詳細信息
性別男性
職業
家庭
  • 老湯姆·瑞斗(麻瓜老豆)†
  • 魔柔·岡特(阿媽)†
  • 魔份·岡特(舅父)†
  • 魔佛羅·岡特(外公)†
  • 葛姆蕾·岡特(外婆)†
  • 湯馬斯·瑞斗(麻瓜阿爺)†
  • 瑪麗·瑞斗(麻瓜阿嫲)†
國籍英國

呢個角色係哈利·波特嘅宿敵,因為根據預言所指,「哈利波特擁有『戰勝黑魔王嘅力量』,所以佢嘗試去謀殺呢個男仔,但就殺咗佢嘅阿爸阿媽詹姆·波特同埋莉莉·波特,仲喺哈利嘅額頭上面留低咗一個閃電形狀嘅疤痕。」佢第1次出現喺1997年出版嘅《哈利波特:神秘的魔法石》裡面,仲係除咗第3輯只係提到佢之外,佢會喺每輯作品同埋佢嘅改編電影入面親身或者用倒敘回憶嘅形式返番嚟。

佛地魔對血統純潔嘅痴迷標誌住佢嘅目標係擺脫非魔法族群—麻瓜嘅魔法世界,仲想征服麻瓜同埋巫師兩個世界嚟實現佢純血嘅統治。巫師世界入面幾乎每個巫師同女巫都唔敢講佢個名出嚟,佢哋淨係會用「黑魔王the Dark Lord」嚟尊稱佢,又或者「你知道嗰個You-Know-Who」、「唔講得名嘅嗰個He-Who-Must-Not-Be-Named」咁樣嘅綽號嚟叫佢。

佛地魔就算係透過佢阿媽嘅外家家族而成為霍格華茲魔法與巫術學院4位創辦人嘅其中之一嘅薩拉札·史萊哲林Salazar Slytherin家族最後一個成員[6][7]。佛地魔係一班邪惡嘅巫師同女巫組成嘅團體—食死人嘅領袖,佢哋致力喺消滅魔法世界嘅麻瓜,仲將佛地魔確立做佢哋嘅最高統治者。

角色

編輯

嗰個系列嘅作者羅琳喺1999年嘅1次採訪入面指佛地魔係做哈利·波特嘅剋星而被創作出嚟嘅,起初佢係特登冇去充實佛地魔嘅背景故事。「基本嘅諗法(係哈利)並唔知佢自己係個巫師…所以我喺嗰個位調轉過嚟睇吓佢點會可能唔知自己係乜嘢。當佢1歲嗰時,幾百年嚟最邪惡嘅巫師企圖要殺死佢。佢殺死咗哈利嘅父母,然後佢試吓殺埋哈利──佢試吓對哈利落詛咒。...哈利一定要喺我哋發現之前搵到答案出嚟。而且─所以─但係因為某種神秘嘅原因,嗰個詛咒對哈利起唔到作用。呢個搞到嗰個詛咒喺哈利嘅額頭上面留低咗一條閃電形狀嘅疤痕,個咒語仲反彈落到去施咒嘅嗰個邪惡巫師身上,搞到佢由嗰陣時開始就一直都要匿埋[8]。」

羅琳喺第2輯小說入面確定咗佛地魔就算佢自己係個混血巫師,但係佢好憎唔係純血嘅巫師。羅琳喺2000年接受《BBC》嘅採訪嗰時將佛地魔形容做一個自我憎恨嘅惡霸:「唔,我認為通常情況下,最大嘅欺凌者會將佢哋所知道嘅嘢睇成係自己嘅缺陷,就好似佢哋所見嘅咁樣,佢哋將佢放喺另一個人身上,然後佢哋就試吓去摧毀另一個人,呢個就係佛地魔所做嘅嘢[9]。」同年,羅琳對佛地魔嘅睇法更加精準。羅琳開始將佛地魔同現實生活入面嘅暴君聯繫埋一齊,將佢形容做「一個冇咗對人哋痛苦有正常嘅人類反應嘅狂暴嘅精神病患者[10]」。不過羅琳喺2004年指佢冇將佛地魔嘅角色建立喺任何真人身上;羅琳喺2006年話俾一個採訪者知,指佛地魔嘅核心係人類嘅恐懼:對死亡嘅恐懼。佢話:「佛地魔嘅恐懼係死亡,唔光彩嘅死亡。」我嘅意思係,佢認為死亡本身係唔光彩嘅事。好似你所知嘅咁,佢認為呢個係一種可恥嘅人性弱點,佢最驚嘅就係死亡[11]。」

羅琳喺成個系列入面確定佛地魔喺巫師世界裡面就係咁得人驚,以至到就算淨係講佢個名出嚟都被認為係危險嘅事。小說裡面嘅大部分人物都叫佢做「唔講得名嘅嗰個」,或者係「你知道嗰個」,而唔係可以大聲咁直接嗌佢個名出嚟。呢啲名喺《哈利波特:死神的聖物》入面被落咗個禁忌咒語,佛地魔或者佢嘅追隨者咁就可以追蹤任何講呢個名出嚟嘅人。佛地魔嘅追隨者最後透過呢種方式搵到仲捉住咗哈利同佢嘅好朋友榮恩同妙麗。羅琳喺第2輯小說入面透露咗「我就係佛地魔王I am Lord Voldemort」就係「湯姆·魔佛羅·瑞斗Tom Marvolo Riddle」嘅一個同字母異序詞。根據作者嘅講法,佛地魔呢個名係一個虛構嘅詞[12],嗰個名源於法語「vol de mort」,嗰個意思係「死亡嘅飛行者flight of death」或者係「死亡嘅偷盜者theft of death[13]

相關情節

編輯

神秘的魔法石

編輯

佛地魔喺《神秘的魔法石》裡面第1次亮相。羅琳喺呢個故事入面將佢介紹做試吓去殺死黑魔王嘅人,因為有預言話呢個男仔嚟緊毀滅佢。佛地魔仲謀殺咗哈利嘅老豆同阿媽—詹姆·波特莉莉·波特。當佛地魔試吓用索命咒嚟謀殺哈利嗰陣時,由於哈利阿媽嘅愛同埋肯去為自己個仔犧牲自己,結果令到仲係BB仔嘅哈利好彩死唔去。咁樣搞到佛地魔脫離咗佢嘅肉體,而哈利嘅額頭上面就留低咗一條神秘嘅閃電形狀疤痕。

佛地魔喺小說入面試吓去偷名副其實嘅魔法石嚟恢復佢毀滅咗嘅身體,但係都係唔成功。佛地魔為咗達到佢嘅目的,於是佢透過依附喺奎若教授嘅後尾枕嚟幫佢手。不過,哈利喺小說嘅高潮部分諗辦法去阻止佛地魔偷走呢塊魔法石。

消失的密室

編輯

羅琳喺嗰個系列嘅第2輯入面介紹咗寄存喺金妮·衛斯理發現嘅一本魔法日記簿裡面嘅佛地魔少年化身—湯姆·魔佛羅·瑞斗。金妮喺呢輯小說入面被形容做一個對哈利心動嘅怕醜妹,覺得焦慮同孤獨嘅佢開始寫日記,仲同富有同情心嘅湯姆分享佢自己心入面最深切嘅恐懼。瑞斗話自己因為金妮嘅恐懼而佔據咗佢個身體,仲利用佢嚟做解鎖消失的密室嘅棋子,仲喺嗰度釋放咗條蛇妖出嚟,攻擊仲石化咗幾個霍格華茲嘅師生。哈利喺嗰本日記同蛇妖度打敗咗顯現嘅瑞斗[6]

阿不思·鄧不利多喺《哈利波特:混血王子的背叛》裡面向哈利透露,嗰本日記係佛地魔嘅其中一個分靈體

阿茲卡班的逃犯

編輯

佛地魔並冇出現喺嗰個系列嘅第3輯小說同電影裡面,無論係親自現身定係作為魔法嘅顯現。不過,當哈利因為催狂魔嘅惡劣影響而暈低咗嗰陣時,佢都聽到佛地魔把聲。直到占卜學教授西碧·崔老妮做咗個罕見嘅真實預言:「黑魔王孤獨到無朋友,仲俾佢嘅追隨者遺棄。佢嘅僕人已經被鎖咗12年。今晚,午夜之前,佢嘅僕人將會掙甩束縛,出發返到去佢嘅主人身邊。黑魔王將會喺佢僕人嘅協助之下重新崛起,比舊時嘅任何時候都要更大更得人驚。今晚... 午夜之前... 僕人... 將會出發... 重新加入... 佢嘅主人...」

雖然最初暗示呢個預言指嘅係嗰個小說入面表面上嘅對手—天狼星·布萊克,不過佢嘅僕人最後被揭露就係彼得·佩迪魯,佢喺佛地魔冧檔之後嘅12年裡面一直扮成榮恩·衛斯理嘅寵物老鼠斑斑

火盃的考驗

編輯

佛地魔喺嗰個系列嘅第4輯作品裡面再出現喺開頭同埋高潮嗰度。羅琳令好多睇落唔關事嘅情節元素井然有序咁樣出現喺小說同電影裡面。據透露,佛地魔嘅爪牙小巴堤·柯羅奇扮成霍格華茲嘅教授—阿拉特·穆敵,仲為咗哈利嘅利益而操縱住三巫鬥法大賽嘅事件。佛地魔嘅目標係將喺鄧不利多嘅監視下嘅哈利傳送去瑞斗家族喺小漢果頓嘅墓地,令到哈利做一個唔情願嘅參與者[14]

佛地魔後嚟活捉咗哈利,仲喺彼得·佩迪魯用咗哈利嘅血嚟完成一個好得人驚嘅魔法儀式之後,佛地魔重新得到咗佢個身體仲恢復返佢全部嘅力量[15]。羅琳第1次形容佢嘅外表:「高而瘦骨嶙峋」,佢塊面「比頭骨都仲要白,一對猩紅色嘅大眼,仲有一個好似蛇咁樣扁平嘅鼻,而鼻哥窿上面有條隙[14]。」羅琳仲寫住話,佢「嗰對手就好似大而蒼白嘅蜘蛛;佢嗰啲修長嘅白色手指撫摸住自己嘅胸膛、手臂同埋個面珠;嗰對紅色嘅眼,好似貓咁樣又窄又長嘅瞳孔,喺黑暗裡面閃爍住更加明亮嘅光芒[14]。」

佩迪魯據透露喺阿爾巴尼亞俘虜咗魔法部嘅官員柏莎·喬金斯,後者因為被攞關於魔法部嘅資訊而俾佛地魔用酷刑咒嚟折磨[16]。喺個個都知道咗忠實嘅食死人小巴堤·柯羅奇俾人偷偷哋帶離咗阿茲卡班仲私底下韞住喺佢老豆嘅屋企之後,喬金斯就被殺死咗。佛地魔喺佩迪魯嘅幫手之下為自己整咗一個細細哋而原始嘅身體,佢嘅肉體足夠去遠行同埋施展魔法,佢仲制訂咗一個透過俘虜哈利嚟恢復自己身體嘅計劃。瑞斗府嘅麻瓜花王法蘭克·布萊斯偷聽到嗰個計劃嘅一部分之後就俾佛地魔殺死咗[16]。佛地魔跟手完成埋佢嘅計劃,仲透過哈利嘅血嚟做儀式去恢復返佢成個身體。當佛地魔召喚佢嘅食死人去墓地見證哈利嘅死亡嗰陣時,同時向哈利挑戰去決鬥,而西追就喺佛地魔嘅命令之下俾佩迪魯殺死咗。不過,當佛地魔同哈利決鬥嗰時,由於佢哋兩支魔杖嘅杖芯一樣都係鳳凰嘅尾羽毛,令到佢哋嘅魔杖神奇咁連結埋一齊。由於後尾被揭示係符咒倒轉嘅現象,所以令到佛地魔最近嘅受害者(包括哈利嘅阿爸阿媽)用幽靈咁嘅方式現身仲跟住出現嚟分散佛地魔嘅注意力,等哈利有足夠嘅時間帶埋佢嘅學長西追·迪哥里條屍透過港口鑰走得甩[17]

鳳凰會的密令

編輯

佛地魔出現喺第5輯作品嘅高潮裡面又再密謀對付哈利[18]。哈利喺呢輯小說裡面經歷咗極端咁嘅情緒壓力,根據羅琳嘅講法,由於佢係人類,所以有必要去證明哈利喺情感上面係脆弱嘅,呢個同佢嘅剋星—喺情感上無懈可擊嘅佛地魔相反,所以佢係唔人道:「(哈利)係一個非常之『人性化』嘅英雄,好明顯,呢個喺佢作為一個非常之人性化嘅英雄同佛地魔之間存在住對比,佛地魔特登將自己『去人性化』。…所以,哈利確實一定要去到幾乎搞到佢崩潰嘅地步[19]。」佛地魔喺呢輯小說入面充分咁利用咗魔法部唔肯相信佢已經捲土重來嘅事實[17]。佛地魔策劃咗一個喺阿茲卡班解救貝拉·雷斯壯同其他食死人嘅計劃,然後開始去摷存儲喺神秘部門裡面關於哈利同埋佢自己預言嘅完整記錄。佢派遣咗一班食死人去攞個預言返嚟,鳳凰會嘅人喺嗰度遇見佢哋。除咗貝拉·雷斯壯之外,所有食死人喺神秘部門嘅戰鬥入面俾人拉晒,佛地魔更加同鄧不利多展開咗一場激烈嘅決鬥。當鄧不利多佔上風嗰陣時,佛地魔試吓佔有哈利嘅身體,但係就發現自己做唔到;哈利充滿咗佛地魔無辦法理解嘅嘢,亦都係佢討厭嘅弱點—愛。察覺到鄧不利多會贏嘅佛地魔利用消影術走甩咗,不過魔法部部長親眼見到佢,搞到佢喺下一輯小說同戲裡面嘅捲土重來成為咗公眾係人都知嘅事實。

混血王子的背叛

編輯

佛地魔並冇出現喺小說度,就算佢嘅存在同埋行為係可以感受得到:佢又再宣戰,仲再開始掌權。佢謀殺咗魔法執法部嘅部門阿頭愛蜜莉·波恩,仲開始瞄準咗包括 伊美玲·旺司在內嘅鳳凰會成員。 羅琳用咗幾個章節嚟解釋仲建立佛地魔嘅背景故事:佢喺喺一系列回憶片段入面利用咗儲思盆嚟做情節裝置,用嚟揭示佛地魔係女巫魔柔·岡特同埋一個叫做湯姆·瑞斗嘅麻瓜巫師個仔。老瑞斗喺個仔出世之前就拋棄咗魔柔,而魔柔就喺佢個仔出世之後無幾耐就死咗[20]。喺住入去孤兒院之後,細細個嗰陣嘅瑞斗遇到咗鄧不利多,鄧不利多話俾佢知自己係個巫師,仲安排佢去到霍格華茲返學[21]。瑞斗表面上係個模範學生,但佢實際上係個有心理病態嘅人,佢仲用自己嘅力量嚟對其他人做虐待狂中文施虐人格障礙咁嘅傷害同埋控制嚟做樂趣。瑞斗後嚟殺死咗佢老豆同阿爺阿嫲嚟報復佢哋將佢拋棄[22]。嗰輯小說仲討論咗瑞斗對麻瓜嘅仇恨,同埋佢對分靈體嘅痴迷,仲有佢用靈魂分裂嚟實現自己永生不死嘅願望[23]。羅琳將佛地魔係受愛情魔藥嘅概念象徵住佢被帶到嚟呢個世界嗰種脅迫環境嘅構想[24]

佛地魔喺小說嘅主要情節入面嘅下一步就係策劃襲擊霍格華茲同埋去殺鄧不利多。呢部分係由跩哥·馬份去做:佢安排咗一對嘅消失櫥櫃將食死人運送去到霍格華茲,咁樣就繞過咗學校周圍所設置廣泛嘅保護魔法[25]。嗰對消失櫥櫃可以俾食死人借住咁樣入到去霍格華茲,戰鬥亦都喺嗰度開始,將鄧不利多逼住去陷入絕境。當跩哥無辦法強迫自己咁樣做嗰陣時,作為雙重間諜嘅霍格華茲教授賽佛勒斯·石內卜於是就用咗索命咒嚟對付鄧不利多[25]

死神的聖物

編輯
想知多啲:死神聖物

佛地魔喺小說入面進一步咁尋求終極嘅力量,佢處置咗魔法部部長仲用咗派厄思·希克尼蠻橫咒之下取代咗佢[26],仲建立咗一個極權主義警察國家,佢搞到麻瓜出身嘅人因為喺純血嘅人身上「偷魔法」而俾人拉同迫害[26]。為咗避免出現符咒倒轉嘅影響,佛地魔喺用唔到由跩哥嘅老豆—魯休思·馬份借返嚟嘅魔杖殺死哈利之後[27],佢繼續兇殘咁樣去搵嗰支有史以嚟最強大嘅接骨木魔杖,將嗰支魔杖睇成係可以克服到哈利嘅魔杖,仲可以令佢真正咁企喺不敗之地所需要嘅武器。佛地魔自己繼續執行一項出國嘅任務,就係去葛果羅威Gregorovitc嘅魔杖舖,仲喺嗰度殺死咗接骨木魔杖嘅製造者[28]。佛地魔嘅旅程仲將佢帶到去韞住蓋勒·葛林戴華德紐蒙迦德監獄,佢喺嗰度仲殺埋葛林戴華德。佢後嚟搵到接骨木魔杖,仲喺鄧不利多嘅墳墓入面將呢樣嘢偷走咗。

死亡

編輯

佛地魔喺後嚟知道咗古靈閣銀行裡面嘅雷斯壯家族金庫俾人偷嘢嘅消息之後,佢發現咗哈利同佢啲朋友正喺度摷緊仲陸續摧毀包括赫夫帕夫金盃[29]。佛地魔召集咗一支食死人大軍仲發動咗入侵霍格華茲城堡嘅行動,而哈利當時正喺嗰度搵緊雷文克勞嘅皇冕[30]。佛地魔相信因為石內卜殺咗鄧不利多而做咗接骨木魔杖嘅主人,所以佢命令自己嘅蛇妖娜吉妮處決咗石內卜嚟令自己做咗接骨木魔杖嘅新主人[31]。不過佢喺呢個時候俾霍格華茲嘅師生有一個鐘嘅停戰協定中文停戰協定嚟換哈利條命。當哈利心甘情願咁走入去佛地魔喺禁忌森林邊緣嘅陣營嗰陣時,佛地魔用接骨木魔杖嚟施展索命咒將佢打低[32]。佛地魔就係喺呢個時候親手銷毀咗將佢意外保存喺哈利體內嘅靈魂碎片,令到哈利條命仔避過一劫。不過,佛地魔利用哈利嘅血嚟復活佢自己嘅軀體被證明係一個重大嘅挫折:當哈利嘅血喺佛地魔身體裡面嘅血管度流緊嗰時,令到哈利阿媽對個仔嘅保護性魔法亦都因為咁而存在喺佛地魔身體裡面仲不斷咁喺度對抗。 當佛地魔強迫魯霸·海格帶埋哈利嗰個明顯一啲生氣都無嘅屍體做戰利品咁樣帶返去霍格華茲城堡,呢個引發咗另一場戰鬥。戰鬥跟住之後入到去禮堂,佛地魔同一時間同米奈娃·麥金利·俠鉤帽同埋赫瑞司·史拉轟戰鬥。佛地魔喺一眾霍格華茲學生同教職員在場之下同哈利用魔杖嚟決鬥,不過佛地魔嘅最後嗰個分靈體—娜吉妮奈威·隆巴頓斬頭,所以當佛地魔同哈利決鬥嗰時佢已經,變返做一個普通嘅人。當佛地魔用索命咒嚟攻擊哈利嗰時,咒語反彈返去佛地魔身上,因為佢所有嘅分靈體都被摧毀晒,所以令到喪失晒所有分靈體嘅佛地魔就咁樣中咗自己嘅索命咒而無咗條命。 後尾有解釋就話,當跩哥喺《混血王子的背叛》入面解除咗鄧不利多嘅武裝,呢個就令到跩哥做咗接骨木魔杖嘅真正主人;哈利後嚟喺跩哥身上贏到嗰支魔杖嗰陣時,接骨木魔杖嘅效忠就轉移去到哈利身上;當佛地魔用接骨木魔杖嚟向哈利施展索命咒嗰時,因為接骨木魔杖無辦法傷害自己真正嘅主人而將佢嘅攻擊反彈返去施咒嘅佛地魔身上,而佛地魔因為無晒佢所有嘅分靈體,所以佢最後就咁樣真正咁瓜咗。 佛地魔死咗之後,佢條屍同其他同佢戰鬥而死嘅人被擺喺唔同嘅房裡面[33]。羅琳話,佛地魔喺禁忌森林嘅對戰之後,佢局住去用哈利喺佢想像中嗰個國王十字車站入面見到嗰個發育不良BB咁樣嘅垂死形態存在。羅琳仲提到,佛地魔雖然極度怕死,但係佢並唔可以成為幽靈[34]

人物性格同特徵

編輯

湯姆·瑞斗喺1926年12月31號出世,第1次死喺1981年10月31號;後嚟佢用唔同嘅方式重生,最後佢喺1998年5月2號俾自己嘅索命咒反噬而搞到自己死第2次,終年71歲。

外表

編輯

佛地魔喺第4輯小說裡面恢復返佢嘅身體之後,羅琳形容佢做「蒼白到粉筆咁樣嘅皮膚、骷髏咁嘅面、成個蛇形咁嘅狹窄鼻哥窿、對眼紅色同埋好似貓咁樣嘅瞳孔,個身係瘦骨嶙峋同埋纖細而長,對手瘦削而啲手指係唔自然咁長[14]」。喺第2輯同第6輯小說裡面嘅回憶入面可以睇得出,湯姆·魔佛羅·瑞斗好靚仔[21]:佢身材高大,皮膚白淨,有烏黑嘅頭髮同埋對眼深啡色。佢個樣可以迷住好多人。佢變到佢好得人驚嘅狀態被認為係因為佢一路喺度整佢嘅分靈體,而且隨住佢繼續將自己嘅靈魂分裂,結果搞到佢嘅樣仲有思想同行為變得無咁人性化[23]。喺電影入面,佛地魔對眼係藍色嘅,而佢嘅瞳孔係圓形嘅。

性格

編輯

羅琳將佛地魔形容做「幾百年以嚟最邪惡嘅巫師」[8]。羅琳解釋話,佛地魔係一個「狂暴嘅心理病態嘅人,對其他人嘅痛苦冇正常嘅人類反應」,佢人生嘅唯一目標就係要做個無所不能同埋唔會死嘅人;佢仲要係一個虐待狂中文施虐人格障礙,為咗自娛自樂而傷害同謀殺其他人—尤其係麻瓜;佢既冇良知,亦感覺唔到自責或者係同情;除咗佢自己之外,佢唔會承認任何人嘅價值同人性;佢認為唔需要人類嘅陪伴或者係友誼,而且無辦法去理解對其他人嘅愛或者係感情;佢認為自己比起周圍嘅每個人都仲要優越啲,以至於佢成日用第三人稱嚟稱呼自己做「佛地魔」[35][36]。羅琳仲話佛地魔「非常之渴望權力,非常咁種族歧視[37]。如果佛地魔行埋去睇可以見到佢最大願望嘅意若思鏡嗰陣,佢會見到『佢自己同埋全能而永恆嘅力量』,呢個就係佢好想要嘅嘢[38]。」

總括嚟講,佛地魔嘅性格係:

  • 驕傲自負:佛地魔第1次同哈利對決嗰時有過幾次冷嘲熱諷。佢認為麻瓜嘅後代唔應該存在。
  • 擁有追求最強嘅慾望:佛地魔最初話佢懷疑自己嘅魔法可能唔係最強大嘅[7],不過喺佢重新得到力量之後,佢向食死人承認自己忽略咗莉莉·波特用嚟保護哈利等自己個仔唔好受到傷害嘅一種古老而強大嘅魔法[39];為咗攞到最強大嘅魔杖—接骨木魔杖嘅使用權,佛地魔𥄫中咗之前殺咗呢支魔杖嘅前主人—鄧不利多石內卜身上(呢個實質上係鄧不利多安排石內卜做嘅),仲引導佢自己嘅寵物—蛇妖娜吉妮去咬死佢,不過嗰支魔杖係屬於喺第7集裡面喺馬份莊園打低咗跩哥·馬份嘅哈利·波特,因為跩哥·馬份喺第6輯對鄧不利多突襲去施展繳械咒,所以嗰支魔杖嘅主人意外咁變成咗跩哥·馬份,不過無論係咪依照鄧不利多同石內卜一齊策劃嘅計劃去做,嗰支魔杖都唔會屬於石內卜。喺佛地魔同哈利最後一次嘅交鋒入面,佢向哈利施展索命咒嗰陣俾接骨木魔杖反彈咗佢嘅咒語,所以佢係死喺自己追求最強嘅慾望上面。
  • 怕死:佛地魔因為怕死,所以佢將自己的靈魂撕裂為6個分靈體,分別係佢本日記岡特嘅戒指赫夫帕夫嘅金盃薩拉札‧史萊哲林嘅金匣仔羅威娜·雷文克勞嘅皇冕蛇妖娜吉妮,但就喺殺死BB時期嘅哈利嗰陣時無意中令到佢做咗佛地魔嘅第7個分靈體。

羅琳仲話,因為佛地魔嘅阿媽—一個叫做魔柔·岡特Merope Gaunt嘅女巫對一個麻瓜巫師老湯姆·瑞斗利用咗迷情劑Amortentia嘅影響,呢個令佢嘅思想受到影響—呢個同佢無辦法去理解到「愛」有關;呢個係「一種象徵性嘅方式,表明佢係嚟自一個冇愛嘅結合─但當然,如果魔柔無死到倖存落嚟嘅話,佢會自己湊返佢仲俾愛佢,呢一切都會有所改變。魔柔有咗湯姆·瑞斗(佛地魔)嘅魔法好重要,因為呢個顯示咗嗰種脅迫,冇嘢可以用嚟去相比作為呢種方式嘅結合嚟得更加帶有偏見咁入到去呢個世界[24]。」佛地魔就好似大部分典型嘅反派一樣,佢嘅傲慢累到佢自己嘅冧檔。佢仲對死亡有病態嘅恐懼中文死亡焦慮 (心理學),認為死亡係件可恥同唔光彩嘅人類弱點,根據羅琳嘅講法,佛地魔嘅幻形怪就係佢自己條屍。羅琳仲話哈利同佛地魔嘅分別就係哈利接受死亡而佛地魔就唔得,所以哈利最終係會比佢嘅宿敵更加強大[24]

家庭

編輯
佛地魔的族譜
薩拉札·史萊哲林皮福雷家族
湯馬斯·瑞斗瑪麗·瑞斗魔佛羅·岡特
湯姆·瑞斗魔柔·岡特魔份·岡特
湯姆·魔佛羅·瑞斗
(佛地魔)
哈利·波特

註:湯馬斯·瑞斗同埋瑪麗·瑞斗嘅名都係嚟自《哈利波特》系列嘅電影。
  波特家族族譜嘅詳細內容喺呢度就唔會顯示。

瑞斗府

編輯

瑞斗府係個古老嘅麻瓜紳士家庭,嗰個家庭成員包括咗湯馬斯·瑞斗同埋瑪麗·瑞斗,仲有佢哋兩個嘅仔—湯姆·瑞斗(佛地魔老豆)。佢哋一家擁有小漢果頓所在嘅山谷一半以上嘅地方,而湯馬斯係嗰個鎮上面最傑出嘅居民,佢哋一家住喺一座有個靚花園嘅大宅裡面,不過佢哋勢利嘅態度喺當地居民裡面變得唔受歡迎。作為湯馬斯同瑪麗獨生仔嘅湯姆,佢主要嘅興趣係騎馬同埋沉溺喺女色嗰度。羅琳喺《混血王子的背叛》裡面透露,後生嘅魔柔·岡特鍾意咗當地鄉紳嘅仔湯姆·瑞斗,佢一有機會就透過窗口同埋喺灌木叢度望實佢。魔柔阿哥魔份唔贊成佢個妹對湯姆嘅感情,魔份仲喺對方騎馬經過嗰陣向對方施展令佢身上生滿晒蕁麻疹中文蕁麻疹惡咒。呢種違反巫師法嘅行為,仲有跟住而嚟同魔法部官員嘅激烈鬥爭,搞到魔佛羅同埋魔份被韞住喺阿茲卡班監獄

作為薩拉札·史萊哲林最後一支血脈嘅魔柔·岡特,就正如鄧不利多所推測嘅咁樣:當魔柔自己一個人嗰陣就唔駛再受佢阿爸嘅支配,佢就可以對湯姆做嘢。魔柔迷惑住湯姆,佢將一杯落咗愛情魔藥嘅飲品俾佢飲,搞到佢迷上咗自己;佢哋兩個好快就去私奔,魔柔仲喺婚後3個月內有咗。有咗之後嘅魔柔因為覺得對男人用呢種魔法同奴役無咩分別,於是佢就決定唔畀湯姆繼續食愛情魔藥,佢仲向湯姆透露咗自己係女巫嘅身份,佢相信如果唔係湯姆鍾意自己嘅話,或者佢至少都會為咗佢哋仲未出世嘅小朋友而留低。不過佢錯喇,清醒嘅湯姆好快就離開咗佢嗰個大住個肚嘅老婆仲返番去自己阿爸阿媽身邊,佢口口聲聲話自己俾人「蒙蔽咗」仲畀人呃咗同魔柔結婚[20],搞到魔柔畀人硬生生咁拋棄咗。窮困又潦倒嘅魔柔喺1926年嘅除夕19261231當晚喺倫敦嘅伍氏孤兒院Wool’s Orphanage裡面生咗個仔,仲喺分娩期間過身。佢喺過身之前同護士長柯爾太太講,佢個仔會用佢老公個姓同埋BB老豆同阿公個名嚟改名,叫做湯姆·魔佛羅·瑞斗,畀佢個仔自己一個喺孤兒院長大。

大個咗之後嘅湯姆好唔鍾意佢自己個名,佢覺得呢個名搞到佢同平常人無分別,所以佢將自己個名做咗字母重組中文相同字母異序詞,將TOM MARVOLO RIDDLE湯姆·魔佛羅·瑞斗轉成I AM LORD VOLDEMORT我係佛地魔王[a]。佢呢個原名淨係得阿不思·鄧不利多哈利·波特米奈娃·麥等等少數嘅人夠膽講得出,而鄧不利多喺面對佢嗰陣亦都一如以往咁樣直接叫佢做湯姆,而哈利就喺《死神的聖物》裡面嘅最後對決嗰時先至直言不諱咁樣叫佢做瑞斗[註 1]。根據第7輯所講,佛地魔喺佢個名上面落咒令到所有嗌佢個名嘅人都會被追蹤得到,所以大部分嘅人唔敢直接嗌佢個名亦都係有道理嘅。

以歷史為鑑,佛地魔對征服巫師世界嘅渴望、對麻瓜嘅排斥、自認嘅高貴血統、冷酷嘅政策,仲有佢喺後生嗰個時代好有感染力嘅演講技巧等等,再加上電影裡面對佢個鼻而整嘅特效,好容易令人聯想到現實入面嘅希特拉同埋法西斯主義。電影入面嘅佛地魔亦都由曾經參與演出納粹片而紅咗嘅賴夫·費恩斯去飾演,而嗰個系列嘅作者本人J·K·羅琳就曾經強烈咁批評過歐洲嘅新納粹中文新納粹主義,呢個可能係用呢個角色嚟做暗喻[40]

岡特家族

編輯

魔佛羅·岡特Marvolo Gaunt作為岡特家族呢個古老嘅巫師家族裡面最後嘅大家長。魔佛羅·岡特嘅老婆—葛姆蕾·岡特Gormlaith Gaunt係薩拉札·史萊哲林喺17世紀嘅後裔,葛姆蕾同史萊哲林一樣都係個爬說嘴,而佢嘅魔杖係屬於薩拉札·史萊哲林本人。葛姆蕾喺1600年代初住喺愛爾蘭,仲喺霍格華茲讀書。葛姆蕾大約喺1608年殺死咗佢疏遠咗嘅家姐同埋姐夫威廉·瑟爾愛爾蘭女巫摩里根嘅後裔,仲擄走咗佢哋兩個當時5歲嘅女伊索·瑟爾Isolt Sayre。由於佢覺得伊索嘅阿爸阿媽同麻瓜嘅關係會對伊索造成唔好嘅影響,所以佢將伊索帶到去附近一個叫做女巫峽谷Hag's Glen柯姆加里谷地Coomcallee嚟湊大佢。對黑魔法狂熱而殘忍嘅葛姆蕾將伊索隔離咗其他人,仲唔俾佢用魔杖,又唔准伊索好似佢自己咁樣去霍格華茲返學,佢好憎而家周圍都係麻瓜出身嘅人。伊索同葛姆蕾一起生活咗12年,佢偷咗葛姆蕾嗰支魔杖仲走甩去到英屬美洲殖民地中文英屬美洲仲喺麻省定居,佢喺嗰度創立咗伊法魔尼魔法與巫術學院。當葛姆萊斯知道咗呢間學校之後,佢去到麻省追捕佢個姨甥女,搞到佢喺嗰度畀伊索嘅朋友—一個叫做威廉嘅魒骻吉Pukwudgie用毒箭嚟射殺死咗[41]

喺《混血王子嘅背叛》入面,大部分岡特家族The Gaunts嘅背景都係喺鄧不利多嘅儲思盆嚟做媒介去解釋:岡特家族係薩拉札·史萊哲林最後1個已知嘅後代,佢哋曾經係一個強大而對英國巫師世界有影響力嘅家族,不過嗰個家族裡面透過表親婚姻中文表親婚嚟旨在保護仲去強化佢哋血統嘅純潔搞到佢哋嘅脈絡變得精神唔穩定同埋有暴力嘅傾向,仲搞到佢哋陷入貧困同污糟邋遢,就好似鄧不利多同哈利喺儲思盆親眼睇到嘅「記憶」所顯示嘅咁樣。岡特家族嘅成員同薩拉札·史萊哲林一樣都係爬說嘴。岡特家族喺嗰個系列裡面唯一嘅資產就係喺小漢果頓嘅一間搖搖欲墜嘅棚屋,嗰間棚屋就矗立喺瑞斗府大宅對面山谷嘅灌木叢裡面。岡特家族嘅成員有出晒名嘅粗野同埋令人驚青,佢哋就好似瑞斗府一樣咁唔受到當地居民嘅歡迎[42]

魔佛羅個仔魔份·岡特 Morfin Gaunt因為襲擊麻瓜(佛地魔老豆同阿爺阿嫲)而被定罪,嗰個罪名就係謀殺麻瓜[22],佢後尾就死喺阿茲卡班;而魔佛羅因為襲擊魔法部官員而被判喺阿茲卡班坐咗一段短時期嘅監。不過咁樣影響咗佢嘅健康,搞到佢返咗屋企無幾耐之後就死咗。鄧不利多為咗收集有關佛地魔嘅資訊而去到阿茲卡班探訪魔份嗰陣時發現咗真正嘅罪魁禍首—當鄧不利多成功咁提取咗魔份同佢個姨甥相遇嘅記憶之後,佢試吓利用嗰個證據嚟釋放魔份,不過魔份就喺判決之前死咗。魔佛羅將佢哋家族嘅印章戒指傳咗俾佢個仔,岡特呢個家族就自從魔份嘅死之後就沒落咗。

魔佛羅·岡特個女兼魔份阿妹—魔柔·岡特 Merope Gaunt,佢嫁咗俾麻瓜湯姆·瑞斗,仲喺婚禮之後3個月內有咗[42]。有指佢利用咗愛情魔藥嚟呃佢老公鍾意佢,但係佢揀咗喺佢有咗之後唔再食呢種魔藥。呢個暗示住魔柔已經厭倦咗講大話,仲認為佢老公可能已經鍾意咗佢,相信佢或者會為咗佢哋兩個未出世嘅細路而留低;不過,佢老公最後離開咗佢。絕望嘅魔柔喺倫敦嘅街頭徘徊,佢唯一留低嘅嘢就係曾經屬於薩拉札·史萊哲林嘅嗰個重dam2沊嘅金匣仔,嗰個係佢哋家族其中一樣最珍貴嘅嘢,佢用些少嘅錢就將呢樣嘢賣咗出去。魔柔到就嚟生得嗰陣時,佢跌跌撞撞咁入咗去一間麻瓜孤兒院,佢喺嗰度生咗佢唯一嘅仔出嚟,跟住後尾佢就喺之後嘅1個鐘內就過身。

因為包括佛地魔喺裡面嘅岡特家族同哈利·波特有共同嘅祖先──皮福雷家族The Peverells,所以同樣作為皮福雷家族後裔嘅佛地魔同哈利係有遠親嘅關係,不過佢哋嘅親屬關係就好疏遠[43]

魔法能力同技巧

編輯

羅琳喺成個系列入面將佛地魔塑造成一個極其強大、聰明而無情嘅黑巫師,佢被形容做有史以嚟最偉大[44]同埋最強大嘅黑巫師[45][46]。佢係除咗阿不思·鄧不利多之外唯一已知有能力唔聲唔聲咁樣去用現影術嘅巫師。據講佛地魔會驚嘅巫師淨係得鄧不利多1個。

佛地魔係成個《哈利波特系列》故事入面嘅最大嘅反派角色,佢喺故事裡面展現咗唔同嘅魔法技巧:

  • 操控:佛地魔喺細個嗰陣時就已經能夠自由咁操控佢嘅魔法嚟控制啲動物傷害佢哋自己,或者去用念力嚟控制物件。
  • 飛行:佛地魔喺最後一輯小說裡面能夠喺唔依賴任何飛行工具嘅情況下飛行—例如喺小惠因區上空追殺哈利·波特嘅真身[27](除咗佛地魔本人之外,石內卜都識呢種魔法)。
  • 冇愛:就算佛地魔喺魔法技巧上仍然有高度嘅造詣同埋技藝精湛嘅能力,不過佢喺最強大嘅魔法—愛—呢方面就極之缺乏仲非常之無能。呢種無辦法去愛同埋信任其他人嘅能力被證明係佛地魔喺嗰個系列入面最大嘅弱點,甚至亦得到佛地魔本人嘅承認[39]。佢理解唔到「愛」呢種情感嘅意義,同埋呢樣嘢所帶嚟嘅魔法力量。
  • 上身:佛地魔喺佢敗亡嗰陣變得無比虛弱到連實質嘅身體都冇,但係就可以佔據其他生物嘅肉體,令到畀佢上身嘅生物相對咁樣好容易就死—就好似喺阿爾巴尼亞嗰陣需要不斷咁去換用嚟上身嘅動物(蛇比較多啲,因為蛇就係史萊哲林嘅標誌),仲有喺第1輯電影裡面上咗奎若嘅身體度;佢喺翻生之後喺魔法部曾經佔據過哈利嘅身體,只係因為佢忍受唔到哈利擁有嗰種愛嘅保護而自己分離。
  • 爬說嘴:佛地魔同佢嘅祖先—岡特家族一樣,係個識得講「蛇嘅語言」嘅爬說嘴,呢個意味住佢可以同蛇傾偈。呢樣技能係由佢哋嘅祖先—薩拉札·史萊哲林嗰度繼承落嚟嘅,而岡特家族成員之間亦都會用爬說語嚟講嘢。呢種極唔尋常嘅特徵可以透過近親繁殖嚟去保存,呢個就係岡特家族用嚟保持佢哋家族血統純潔嘅一種做法。當佛地魔試吓去殺哈利嗰時,佢識得講爬說語嘅能力透過一小部分嘅靈魂碎片意外咁 傳咗俾哈利。當嗰塊靈魂碎片被摧毀咗之後,哈利就因為咁而冇咗爬說嘴呢種能力[47]
  • 黑魔法:佛地魔極之精通黑魔法,尤其係對於不赦咒嘅控制。
  • 變形術:佛地魔對變形術嘅掌握亦十分之熟手。佢曾經利用芭蒂達·巴沙特嘅屍體嚟掩飾娜吉妮嘅真身,仲整咗彼得·佩迪魯嘅銀手。
  • 破心術同鎖心術:佛地魔係其中1個已知世界上最偉大嘅破心者,同時佢亦都係個高度成熟嘅鎖心者;佢識得讀心同埋識得保護自己嘅思想嚟唔好受到入侵。作為一個高明嘅破心者同鎖心者,佢可以好輕易就睇得穿其他人係咪講大話,又或者封鎖自己嘅心智。
  • 魔法知識:喺第6輯小說嘅回憶裡面,佛地魔喺一次嘅工作面試入面向鄧不利多吹牛話佢自己「會將魔法嘅界限推得比以前嘅任何時候都仲要遠[7]」。鄧不利多曾經話,佛地魔嘅魔法知識極之淵博,佢對魔法知識有廣泛嘅瞭解,比起而家任何仲喺度嘅巫師都仲要廣博[48],甚至認為佛地魔如果完全恢復佢嘅力量,就算係鄧不利多已知最強大嘅保護咒同埋護身符都可能抵擋唔到。鄧不利多仲話佛地魔可能係佢喺霍格華茲見過最聰明嘅學生[6]
  • 魔法實驗:佛地魔自稱對魔法做過唔少實驗,亦都自創咗唔少咒語出嚟(雖然小說入面並冇明確咁指出)。召喚黑魔標記嘅魔法亦都係佢其中一種創作。
  • 巫師決鬥:作為一個極之熟手嘅決鬥者,佛地魔曾經喺霍格華茲大戰入面用佢怒火嘅威力逼退咗麥教授史拉轟同埋俠鉤帽等等嘅魔法大師。佛地魔喺魔法部嘅決鬥入面甚至可以搞到鄧不利多嘅咒語反彈,仲可以喺打輸咗之後用佢殘餘嘅魔法力量去控制哈利·波特嘅心神。
  • 整行屍出嚟:佛地魔喺兩次巫師戰爭入面都用咗行屍嚟做佢嘅武器。鄧不利多曾經話過佛地魔所殺嘅人多到幾乎可以組成一隊行屍大軍出嚟。
  • 製作分靈體:佛地魔整咗7個分靈體,但巫師世界以往最多都只係得將靈魂分裂做兩半嘅記錄。呢個亦都成為咗佢自己最大嘅弱點,因為每銷毀1個分靈體,佢自己嘅力量亦都會相應咁削弱。

演繹

編輯

電影

編輯
 
賴夫·費恩斯喺電影《哈利波特:火盃的考驗》去到《哈利波特:死神的聖物2》都飾演佛地魔嘅角色。

喺《哈利波特系列電影》入面,除咗《阿茲卡班的逃犯》之外,佛地魔嘅角色喺嗰個系列嘅每套戲入面都有出現,裡面有幾位演員演繹咗唔同年齡階段嘅佢同埋化身:佛地魔喺《神秘的魔法石》裡面顯現喺奎若教授嘅後尾枕上面嘅嗰塊面,嗰個係透過電腦產生圖像實現嘅效果。喺同一套戲入面做奎若教授角色嘅演員伊恩·哈特中文伊恩·哈特,佢為呢個角色提供咗聲音同埋面部嘅來源。喺同一套戲,佛地魔亦出現喺禁忌森林嘅一個場景入面,佢喺裡面被睇到正喺度飲緊獨角獸嘅血。因為電腦特效所做嘅嘢對佛地魔個樣做夠晒修改,而哈特把聲亦都夠晒影響,所以哈特同時分別去做呢兩個角色並冇混淆到。喺佛地魔去到詹姆同莉莉嘅屋企殺死佢哋兩個嗰時,佢喺戲裡面係用倒敘形式呈現出嚟,喺嗰個場景嘅佛地魔,雖然佢個樣冇俾人睇到,不過嗰個角色係由理察·布雷默英文Richard Bremmer做嘅[49]。呢個角色下次出場就係喺《消失的密室》,由克里斯蒂安·庫爾森中文克里斯蒂安·庫爾森飾演16歲嘅湯姆·魔佛羅·瑞斗。

佛地魔喺《火盃的考驗》裡面最初只係被聽到擁有喺第一輯電影入面所聽到嘅嗰種沙啞而微弱把聲。不過佛地魔第1次用實體嘅形態出現喺電影嘅高潮部分,嗰個角色就係由賴夫·費恩斯飾演嘅。就好似小說裡面所寫嘅咁樣,佛地魔着住件深黑色嘅長袍,身材高大而消瘦,佢冇頭髮嘅,而啲牙呈黃色;佢支魔杖呈白色調,嗰個手柄似乎係用骨頭整成;佢啲指甲都好長而呈淡藍色,而佢啲腳趾甲似乎已經受感染。同小說入面唔同嘅係,佢嘅瞳孔唔係好似貓咁樣,佢對眼係藍色嘅,因為製片人大衛·海曼中文大衛·海曼認為佢嘅邪惡無辦法被睇得見,唔會令到觀眾覺得驚(當佢變成人類之後擘大眼嗰陣時,佢對眼確實短暫咁變成咗一條蛇咁樣,但係好快就恢復返正常)。電影版嘅佛地魔同小說入面嘅一樣都有蛇形嘅狹縫鼻哥窿,佢嘅鼻肉好明顯向後壓。賴夫·費恩斯個鼻喺片場上冇化妝,但係喺後期製作入面被數碼刪除咗。佛地魔喺第一次出場嗰時有一條分叉嘅脷,不過呢個元素喺跟住之後嘅戲裡面被刪除咗。

費恩斯話佢有兩個禮拜嘅時間嚟去拍高潮對決嘅場景,佢喺嗰度幸災樂禍咁睇住丹尼爾·域卡夫所飾演驚恐嘅哈利。費恩斯輕聲咁笑住講:「如果唔係以前,我相信啲細路而家肯定會驚咗我。」費恩斯喺準備過程裡面睇咗《火盃的考驗》嘅小說,不過佢開玩笑咁承認:「我淨係對我自己嘅場景有興趣,而我必須要盡職盡責咁經歷成千上萬個其他場景,我睇咗好多好多好多好多次,嗰啲係我嘅研究[50]。」費恩斯跟住之後喺《鳳凰會的密令[51]、《哈利波特:死神的聖物1》同埋《哈利波特:死神的聖物2》裡面重演咗佛地魔嘅角色。

費恩斯嘅外甥—赫洛·費恩斯·提芬中文希羅·范恩斯·提芬喺《消失的密室》入面飾演細路仔嗰陣嘅湯姆·瑞斗;克里斯蒂安·庫爾森喺拍攝嗰陣已經係29歲,佢被認為唔適合返去劇組嚟做青春期嘅瑞斗。湯馬斯·詹姆·朗利英文Thomas James Longley原定計劃接任呢個角色,不過佢喺最後一刻嘅重新接洽入面就俾法蘭克·迪蘭中文法蘭克·迪蘭取代咗[52][53]

其他作品

編輯

喺舞台劇《哈利波特:被詛咒的孩子》入面,貝拉·雷斯壯據透露喺霍格華茲大戰之前响馬份莊園生咗佛地魔個女—蝶菲Delphini。蝶菲喺22年之後冒充迪哥里嘅表妹仲操縱住哈利同金妮嘅細仔—阿不思·賽佛勒斯·波特同埋佢個朋友—跩哥·馬份同翠菊·綠茵個仔—天蠍·馬份,蝶菲偷咗個時光器嘅原型,希望用嚟令佢阿爸翻生。利用咗呢個時光器,天蠍意外咁創建咗另一個時間線出嚟:佛地魔喺霍格華茲大戰入面殺死咗哈利,仲統治咗而家嘅魔法世界。蝶菲為咗實現呢個未來,佢喺佛地魔殺死哈利阿爸阿媽嗰晚去到高錐客洞,希望可以避免咗搞到佢阿爸冧檔嗰個預言嘅出現。喺哈利收到佢個仔嘅消息之後,佢同榮恩、妙麗仲有跩哥一齊用變形術嚟將自己變身做佛地魔,咁佢哋就可以分散到蝶菲嘅注意力,令佢哋可以㩒得住佢。真正嘅佛地魔就好似預言顯示嘅咁樣殺死咗哈利嘅阿爸阿媽,而蝶菲最後就被送咗去阿茲卡班監獄

評價

編輯

佛地魔作為一個邪惡角色而受到好多評論,有啲人喺佛地魔同一啲政客之間做咗啲比較。

羅琳曾經話佛地魔係「希特拉嗰一類[54][55]」,而且仲喺佢嘅作品入面同納粹主義亦都有一啲相似嘅地方[56][57][58][59]。除此之外,羅琳仲將佛地魔比喻做史太林[60][61]。《哈利波特:阿茲卡班的逃犯》嘅電影導演艾方索·柯朗將佛地魔同喬治·布殊仲有薩達姆·侯賽因做咗比較,佢話:「⋯⋯有私利,仲非常之熱愛權力。另外,就係對環境嘅漠視。鍾意操縱其他人[62][63][64][65]。」

安德魯·斯萊克Andrew Slack哈利波特聯盟Harry Potter Alliance將美國嘅媒體整合英文Concentration of media ownership比喻做《死神的聖物》裡面嘅佛地魔政權同埋佢對《預言家日報》同埋其他媒體嘅控制,佢話:「一旦佛地魔接管咗巫師世界嘅所有形式嘅媒體,鄧不利多的軍隊同埋鳳凰會就成立咗一個叫做『波特觀察Potterwatch』嘅獨立媒體運動。哈利波特聯盟而家同巫師搖滾Wizard Rock聯合起上嚟去為現實世界入面嘅《波特觀察》運動而戰,嚟反擊大佛地傳媒Big VoldeMedia嚟進一步推動本地同外國新聞、少數派代表權同埋新聞自由權[66][67]。」

Slate雜誌英文Slate (magazine)》嘅茱莉雅·特納Julia Turner仲注意到《混血王子的背叛》同《反恐戰線英文War (2002 film)》事件之間有相似嘅地方。佢指佛地魔犯咗恐怖主義嘅行為,例如係摧毀橋樑、謀殺無辜嘅人,同埋強迫細路殺死佢哋嘅長輩[68]。羅琳喺2016年特朗普競選美國總統英文Donald Trump 2016 presidential campaign嗰陣將佛地魔比喻做當勞侵[69]

有人亦都將佛地魔同其他小說角色嚟做比較,例如係《魔戒》入面嘅索倫:佢哋被認為喺主要情節發生嗰陣已經死咗,或者至少唔再構成威脅之後去尋求恢復失去咗嘅力量,而且佢哋亦都令人非常之恐懼,以至到有時佢哋唔會提起佢個名[70]。《IGN中文IGN》將佛地魔列咗做佢哋「最鍾意嘅哈利波特角色」嘅第7位,話佢「真係好得人驚」[71]

參考

編輯
  1. 1.0 1.1 根據羅琳嘅講法,由於法語裡面嘅「mort」表示住死亡[1],因為咁「Voldemort」呢個名入面嘅「t」係唔發音嘅[2],而占·戴爾英文Jim Dale喺美國嘅頭4輯有聲書裡面都係咁樣發音;由於嗰個角色喺電影版《神秘的魔法石》上映之後嘅發音係有「t」嘅發音,戴爾因為咁樣亦都相應咁改變咗佢本有聲書嘅發音[3]史提芬·弗萊中文史蒂芬·弗莱喺所有英國有聲書嘅發音裡面包含住「t」嘅發音[4][5]
引用
  1. "HPL: Lord Voldemort: Quick facts". 原著喺2004-06-03歸檔. 喺2020-09-12搵到.
  2. Takahama, Valerie (1999-10-26). "Enchanted with Potter Literature: Fans line up for hours to get their books signed". The Orange County Register. Santa Ana, California: Digital First Media. 原著喺2007-02-18歸檔. 喺2006-12-28搵到. {{cite web}}: Unknown parameter |dead-url= ignored (|url-status= suggested) (help)
  3. Anderton, Ethan (2015-09-11). "J.K. Rowling Clarifies Voldemort Pronunciation in Harry Potter". /Film. 原著喺2015-09-14歸檔. 喺2018-04-27搵到. {{cite web}}: Unknown parameter |dead-url= ignored (|url-status= suggested) (help)
  4. Dibdin, Emma (2015-09-10). "You got this Harry Potter character's name wrong". Digital Spy. London, England: Bauer Media Group. 原著喺2018-04-27歸檔. 喺2018-04-27搵到. {{cite magazine}}: Unknown parameter |dead-url= ignored (|url-status= suggested) (help)
  5. Levine, Nick (2017-05-31). "J.K. Rowling responds to Stephen Fry 'Harry Potter' feud rumours". NME. London, England: TI Media. 原著喺2018-04-27歸檔. 喺2018-04-27搵到. {{cite news}}: Unknown parameter |dead-url= ignored (|url-status= suggested) (help)
  6. 6.0 6.1 6.2 哈利波特:消失的密室》第17章。
  7. 7.0 7.1 7.2 哈利波特:混血王子的背叛》第20章。
  8. 8.0 8.1 "J.K. Rowling on The Diane Rehm Show". WAMU Radio Washington, D.C. 1999-10-20. 原著喺2007-07-30歸檔. 喺2007-08-15搵到. {{cite web}}: Unknown parameter |dead-url= ignored (|url-status= suggested) (help)
  9. "JK Rowling talks about Book Four". cBBC Newsround. 2004-03-04. 原著喺2007-08-16歸檔. 喺2018-04-02搵到. {{cite web}}: Unknown parameter |dead-url= ignored (|url-status= suggested) (help)
  10. Jensen, Jeff (2000-09-07). "'Fire' Storm". Entertainment Weekly. New York City: Meredith Corporation. 原著喺2007-09-30歸檔. 喺2018-04-02搵到. {{cite magazine}}: Unknown parameter |dead-url= ignored (|url-status= suggested) (help)
  11. Anelli, Melissa; Spartz, Emerson (2005-07-16). "The Leaky Cauldron and MuggleNet interview Joanne Kathleen Rowling: Part Two". The Leaky Cauldron. 原著喺2017-10-31歸檔. 喺2018-04-02搵到. {{cite web}}: Unknown parameter |dead-url= ignored (|url-status= suggested) (help)
  12. Lydon, Christopher (1999-10-12). "J.K. Rowling interview transcript". The Connection (WBUR-FM). 原著喺2012-07-27歸檔. 喺2018-04-02搵到. {{cite web}}: Unknown parameter |dead-url= ignored (|url-status= suggested) (help)
  13. "The different meanings behind Lord Voldemort's many names". WizardingWorld.com. 2019-07-17. 原先內容歸檔喺2021-02-04. 喺2021-12-26搵到.
  14. 14.0 14.1 14.2 14.3 哈利波特:火盃的考驗》第32-35章。
  15. 哈利波特:火盃的考驗》第32章。
  16. 16.0 16.1 哈利波特:火盃的考驗》第1章。
  17. 17.0 17.1 哈利波特:火盃的考驗》第36章。
  18. 哈利波特:鳳凰會的密令》第35章。
  19. "Living With Harry Potter". 原著喺2009-06-02歸檔. 喺2007-08-15搵到.
  20. 20.0 20.1 哈利波特:混血王子的背叛》第10章。
  21. 21.0 21.1 哈利波特:混血王子的背叛》第13章。
  22. 22.0 22.1 哈利波特:混血王子的背叛》第17章。
  23. 23.0 23.1 哈利波特:混血王子的背叛》第23章。
  24. 24.0 24.1 24.2 "J.K. Rowling web chat transcript". 2007-07-30. 原著喺2007-08-24歸檔. 喺2007-08-15搵到. {{cite web}}: Unknown parameter |dead-url= ignored (|url-status= suggested) (help)
  25. 25.0 25.1 哈利波特:混血王子的背叛》第27章。
  26. 26.0 26.1 哈利波特:死神的聖物》第1章。
  27. 27.0 27.1 哈利波特:死神的聖物》第4章。
  28. 哈利波特:死神的聖物》第14章。
  29. 哈利波特:死神的聖物》第27章。
  30. 哈利波特:死神的聖物》第31章。
  31. 哈利波特:死神的聖物》第32章。
  32. 哈利波特:死神的聖物》第34章。
  33. 哈利波特:死神的聖物》第36章。
  34. "Webchat with J.K. Rowling". 原著喺2007-10-31歸檔. 喺2014-07-08搵到.
  35. Jensen, Jeff (2000-09-07). "Fire Storm". Entertainment Weekly. New York City: Meredith Corporation. 原著喺2007-09-30歸檔. 喺2008-04-20搵到. {{cite web}}: Unknown parameter |dead-url= ignored (|url-status= suggested) (help)
  36. "Things you may not have noticed about Lord Voldemort". Pottermore. 2018-03-19. 原著喺2019-10-02歸檔. 喺2020-08-17搵到. {{cite web}}: Unknown parameter |dead-url= ignored (|url-status= suggested) (help)
  37. "A Good Scare". 代雜誌.第43號. New York City: Time, Inc. 2000-10-30. 原著喺2008-01-14歸檔. 喺2008-11-03搵到.
  38. "What Jo says about...Lord Voldemort, aka Tom Marvolo Riddle". 原著喺2008-10-15歸檔. 喺2008-11-03搵到. {{cite web}}: Unknown parameter |dead-url= ignored (|url-status= suggested) (help)
  39. 39.0 39.1 哈利波特:火盃的考驗》第33章。
  40. 記得佛地魔嗎?戲外的他其實超帥、演技更超乎想像。中時電子報。2015-12-23。原著喺2016-11-04歸檔。喺2016-06-22搵到 {{cite web}}: Unknown parameter |dead-url= ignored (|url-status= suggested) (help)
  41. Rowling, J.K. (28 June 2016). "Ilvermorny School of Witchcraft and Wizardry" 互聯網檔案館歸檔,歸檔日期2017年12月22號,.. Pottermore.
  42. 42.0 42.1 哈利波特:混血王子的背叛》第10章。
  43. "TIME Person of The Year Runner-up: J.K. Rowling". 代雜誌. 2007-12-23. 原著喺2007-12-21歸檔. 喺2007-12-23搵到.
  44. 哈利波特:消失的密室》第1章:最糟糕的生日。
  45. 哈利波特:火盃的考驗》第2章:傷疤。
  46. "Lord Voldemort-Pottermore". 原著喺2019-10-02歸檔. 喺2022-08-05搵到. {{cite web}}: Unknown parameter |dead-url= ignored (|url-status= suggested) (help)
  47. "JK Rowling web chat transcript". 2007-07-30. 原著喺2007-08-24歸檔. 喺2022-08-05搵到. {{cite web}}: Unknown parameter |dead-url= ignored (|url-status= suggested) (help)
  48. 哈利波特:鳳凰會的密令》第33-35章。
  49. "Credit Confusion". MuggleNet. 原著喺2007-10-29歸檔. 喺2007-01-07搵到.
  50. Fischer, Paul (2005-10-21). "Ralph Fiennes for "White Countess" and "Harry Potter and the Goblet of Fire"". Dark Horizons. 原著喺2005-10-26歸檔. 喺2007-01-07搵到.
  51. "Helena Bonham Carter Joins the All-Star Cast and Nicholas Hooper Signs on to Compose the Score of Warner Bros. Pictures' Harry Potter and the Order of the Phoenix". Warner Bros. 2006-08-02. 原著喺2012-09-13歸檔. 喺2006-12-23搵到. {{cite web}}: Unknown parameter |dead-url= ignored (|url-status= suggested) (help)
  52. "Thomas James Longley". 原著喺2012-01-27歸檔. 喺2011-10-25搵到. {{cite news}}: Unknown parameter |dead-url= ignored (|url-status= suggested) (help)
  53. "Harry Potter and the Half-Blood Prince Trivia". Dark Horizons. 2009-07-15. 原著喺2009-07-05歸檔. 喺2011-10-25搵到.
  54. "Transcript of interview with J.K. Rowling, BBC Newsround, Fall 2000". 原著喺2022-04-16歸檔. 喺2022-03-27搵到. {{cite web}}: Unknown parameter |dead-url= ignored (|url-status= suggested) (help)
  55. "Transcript of interview with J.K. Rowling, BBC Newsround, Fall 2000". 原著喺2022-04-16歸檔. 喺2022-03-27搵到.
  56. "New Interview with J.K. Rowling for Release of Dutch Edition of "Deathly Hallows"". The Volkskrant. 2007-11-19. 原著喺2007-11-20歸檔. 喺2008-03-06搵到.
  57. Jordan, Tina (2007-10-20). "J.K. Rowling outs Dumbledore!". Entertainment Weekly. New York City: Meredith Corporation. 原著喺2014-08-15歸檔. 喺2014-07-08搵到.
  58. "New Interview with J.K. Rowling for Release of Dutch Edition of "Deathly Hallows"". The Volkskrant. 2007-11-19. 原著喺2018-03-16歸檔. 喺2008-03-06搵到. {{cite news}}: Unknown parameter |dead-url= ignored (|url-status= suggested) (help)
  59. Jordan, Tina (2007-10-20). "J.K. Rowling outs Dumbledore!". Entertainment Weekly. New York City: Meredith Corporation. 原著喺2014-08-15歸檔. 喺2014-07-08搵到. {{cite web}}: Unknown parameter |dead-url= ignored (|url-status= suggested) (help)
  60. "New Interview with J.K. Rowling for Release of Dutch Edition of "Deathly Hallows" – The Leaky Cauldron". 2007-11-19. 原著喺2018-03-16歸檔. 喺2022-03-27搵到. {{cite web}}: Unknown parameter |dead-url= ignored (|url-status= suggested) (help)
  61. "New Interview with J.K. Rowling for Release of Dutch Edition of "Deathly Hallows" – The Leaky Cauldron". 2007-11-19. 原著喺2007-11-20歸檔. 喺2022-03-27搵到.
  62. Pierce, Nev (2003-07-28). "Reel Life". BBC Films. London, England: BBC. 原著喺2022-03-29歸檔. 喺2019-01-16搵到.
  63. Power, Carla; Gordon, Devin (2003-08-04). "Caution:Wizard at Work". Newsweek. New York City: IBT Media. 原著喺2009-07-05歸檔. 喺2009-05-01搵到.
  64. Pierce, Nev (2003-07-28). "Reel Life". BBC Films. London, England: BBC. 原著喺2022-03-29歸檔. 喺2019-01-16搵到. {{cite web}}: Unknown parameter |dead-url= ignored (|url-status= suggested) (help)
  65. Power, Carla; Gordon, Devin (2003-08-04). "Caution:Wizard at Work". Newsweek. New York City: IBT Media. 原著喺2009-07-05歸檔. 喺2009-05-01搵到.
  66. Steel, Sharon (2007-09-20). "Challenging Voldemedia". The Boston Phoenix. Boston, Massachusetts: Phoenix Media. 原著喺2008-03-03歸檔. 喺2022-08-09搵到. {{cite news}}: Unknown parameter |dead-url= ignored (|url-status= suggested) (help)
  67. Slack, Andrew (2007-12-17). "Harry Potter Fans and the Fight Against 'VoldeMedia'". The Huffington Post. New York City: Huffington Post Media Group. 原著喺2017-04-03歸檔. 喺2022-08-09搵到. {{cite web}}: Unknown parameter |dead-url= ignored (|url-status= suggested) (help)
  68. Turner, Julia (2005-07-20). "When Harry Met Osama; Terrorism comes to Hogwarts". Slate. San Francisco, California: The Slate Group. 原著喺2011-09-26歸檔. 喺2008-07-30搵到.
  69. Rhodan, Maya (2015-12-08). "J.K. Rowling Just Compared Donald Trump to Voldemort and Guess Who She Thinks Is Worse". Time. 原著喺2022-12-26歸檔. 喺2022-03-30搵到. {{cite magazine}}: Unknown parameter |dead-url= ignored (|url-status= suggested) (help)
  70. Monroe, Caroline (2002). "How Much Was Rowling Inspired by Tolkien?". GreenBooks. TheOneRing.net. 原著喺2019-09-14歸檔. 喺2006-05-21搵到. {{cite web}}: Unknown parameter |dead-url= ignored (|url-status= suggested) (help)
  71. Linder, Brian; Pirrello, Phil; Goldman, Eric; Fowler, Matt (2009-07-14). "Top 25 Harry Potter Characters". IGN. 原著喺2011-08-31歸檔. 喺2011-04-03搵到.


引用錯誤 <ref> tags exist for a group named "註", but no corresponding <references group="註"/> tag was found