信義新村（Lutheran New Village[1]）係香港青衣島一條村，喺涌尾村同青衣碼頭隔籬。
信義新村1964年開村，當時起咗雙層平房兩座，共32個單位，每單位面積13呎x24呎半。因為當時政府要收返青衣大街海邊起街市，所以就搵理民府撥官地安置受影響嘅32戶居民。由於條村獲瑞典信義會贊助17萬5千港紙起樓費，所以就叫信義新村。
入伙當年，每戶每月要交租拾蚊，用嚟做維修保養[2]。
村入面有太陰娘娘廟、清德堂達摩祖師廟及青衣大王伯公廟[3]。
