傷寒論

傷寒論，醫書來，漢時張仲景所寫，書秉承黃帝內經，有藥方，為後世醫師所推崇。連埋張仲景另一本金匱要畧，就合稱傷寒雜病論。傷寒論有佢理論體系，而金匱要畧就無，睇來好雜。兩者有時合，有時分。傷寒論按當時書籍寫寫喺竹簡上，原本已失，至今流傳版本好多，都係大唐大宋重新收集輯成，以抄寫紙本，印行紙本散播，喺東亞流傳演化。

綫裝本

日本較注重傷寒論，有做成藥。而中國會睇埋溫熱論，有時兩邊體系會衝撞。不過一切都睇臨牀實證。

傷寒論指一切病，無論病於寒濕熱溫，都本由寒邪引致，故此有寫傷於寒，亦即書名來由。佢將病分成六段，風邪由表入裏，太陽病、陽明病、少陽病、太陰病、少陰病、厥陰病。深入裏時，去到尾好難救，會寫到非生即死情況。病名取自經名。

傷寒論藥方，推斷為張仲景之前就有。張仲景生喺漢末，兩漢已有相當多經驗。而傷寒論再經佢手重新整理。藥方至今仍然用緊。當中至常見有桂枝湯，再加減藥材而治其他病。不過就算有成藥，對比原藥方，分量過輕。

西醫有啲病名借用咗傷寒論，然而實際同理論原意有分別，甚至好唔同。例如傷寒，例如中風。咁讀時要搞清楚。