全粵詩
《全粵詩》（粵拼：Cyun4 jyut6 si1）係一本專門收以前嶺南一帶嘅詩人留低落嚟嘅詩嘅集，一共有三十冊，由嶺南美術出版社出版。
佢係至到而家規模最大，內容最全面嘅粵詩集。由地方嚟講，佢收錄咗廣東、海南、港澳同埋廣西嘅欽州同北海嘅詩。由時間嚟講，上自公元前嘅漢朝，一路去到 17 到 20 世紀嘅清朝時期，重收埋廿世紀頭嘅民國嗰陣嘅粵詩。目前，呢個集收咗明朝（14 至 17 世紀）同埋打前嗰啲詩。
點嚟
編輯立項
編輯1981 年九月，中共中央發文話要執掂啲古書，將啲文化遺產留番低落嚟。呢個係好緊要，同後人有關係嘅嘢。於是咁就為古書整理指咗條路。 1983 年九月，教育部整咗個全國高等院校古籍整理研究工作委員會（簡單啲叫「古委會」），啲重點大學就整咗個古籍研究所。
1984 年九月，王季思起咗個中大古文獻所，係全國十七個重點古籍所中嘅一個，其中嘅嶺南文獻研究所係陳永正揸 fit 。陳永正出版過好多嶺南文學嘅著作，喺咁長嘅整理中，就想話整本《全粵詩》嚟。
1998 年佢向古委會立項，得咗。
艱難
編輯接住落嚟就好艱難喇。之話 13 世紀（明朝時期）以嚟都有人整粵詩集，不過規模都係偏細，而今次呢本詩集系超過嗮之前嗰啲。而好多好矜貴嘅版本響國內大圖書館同港台或者係外國，要想整起嚟好難。同時，上面畀嘅經費又唔夠使，搞到成個計劃做吓停吓咁。
轉機
編輯2002 年，廣東做咗文化大省，於是成件事就有轉機喇。喺 2003 年，廣東省政協常委嘅劉斯奮同張貴光省政協交份提案，話要睇重啲嶺南古書嘅整理，入面就傾到《全粵詩》。於是喺 2004 年上面畀咗筆大錢，再喺粵人嘅努力之下，卒之搞得快手咗，最後先至可以攞嚟出街。
接住落嚟
編輯整完 17 世紀頭打上嗰啲詩，咁就輪到 17 到 20 世紀嘅清朝時期啲詩喇。嗰個時期時啲詩零舍多，嗰時嶺南有好多人得閒就寫詩，再加上離家下又近，留低嘅詩就好多羅羅喇。而家估計，大概篇幅係之前各朝代嘅總和嘅成兩倍幾。咁搞法，要去整本清朝時期嘅嶺南詩就仲艱難喇。
不過領頭人而家退咗休，人手又唔夠，一個二個又走嗮，搞到而家去整清朝粵詩集又開始停咗落嚟。