八仙飯店滅門案澳門歷嚟最轟動嘅兇殺案。呢單案發生喺1985年8月4號凌晨,疑兇黃志恆涉嫌殺死咗澳門八仙飯店東主一家九口同埋一名員工,死者年齡由7歲至70歲,黃志恆後來將佢哋碎屍,有一部分丼咗去黑沙海灘畀人發現,而剩低嘅殘肢就唔知去咗邊。當兇案喺第二年畀人爆大鑊之後,黃志恆畀人拉咗去坐監,後嚟喺監倉入面鎅手自殺。

案發前嘅八仙飯店[1]

外界盛傳兇手將剩低嘅殘肢撈埋入去啲嘢食度變做人肉叉燒包,而且喺飯店度賣,而單案到底有冇同黨協手,依家依然冇人知。呢單案好多次畀人改編做電影電視劇漫畫等等,當中最出名嘅係黃秋生喺1993年拍嘅港產片八仙飯店之人肉叉燒包》。

編輯

  1. 伊斯堅. 《香港驚人罪案錄》. 集友社出版公司. 1993年