八卦嘢,又叫八卦料,係指坊間口耳相傳嘅濕碎傳聞,通常係人哋(尤其係出名嘅人,譬如明星政客名門)嘅私事或者是非。

相傳舊時茶樓為吸引人客,會將時興嘅八卦嘢貼上牆度,遠睇似八卦圖,所以就叫八卦嘢。

亦有話呢個俗語嚟自「諸事八卦」,原意係解「乜嘢事都要卜卦」,後嚟「諸事八卦」就變咗形容人鍾意講濕碎傳聞。

聽八卦嘢嘅行為亦可以叫「八卦」,簡稱「八」,重衍生出「八公」、「八婆」稱呼,話人多管閒事。

睇埋