六榕寺花塔

(由六榕塔跳轉過嚟)

六榕寺花塔粵拼luk6 jung4 zi2 faa1 taap3)係中國廣東省廣州市嘅其中一座花塔。呢座塔喺越秀區六榕路附近嘅六榕寺入面。

六榕寺花塔
Canton pagoda de las flores.JPG
明細
第個名六榕塔、千佛塔
原名六榕寺花塔
用途遊覽觀光
構造磚木結構
樓數9層
高度57.6m
逳手537年
落成1097年
改築989年
喺邊中國 廣東省 廣州市 越秀區 六榕寺

逳手同落成時間

六榕寺花塔係喺梁大同三年(公元537年)逳手,不過佢試過一單火燭搞到冧咗,而到咗北宋嘅紹聖(公元1097年)就重新起過跟住整好。到咗1980年,廣州市政府就裝修緊呢座花塔嗰陣,喺座塔入面發現咗北宋年號嘅磚銘响度。

結構

呢座塔係用咗磚木嚟整嘅,成座塔就好似個平面八角形噉,出面九層樓、入面十七層樓;而塔入面係樓閣式嘅建築,佢有57.6米咁高。而塔身就係井筒式結構,佢最下面嗰層樓嘅直徑有12米,而且重有個副樓梯。成座塔入面嘅樓梯係穿墻兜平座式噉,而且每層樓嘅出面都有條走廊同瓦片响度,而瓦片方面,佢係用咗綠色嘅硫璃瓦嚟整嘅,而瓦頂就有小小向上飛咗起身噉。而家嘅塔冠係喺元至正十八年(公元1358年)整好嘅,佢係用咗9.14米高嘅千佛銅柱嚟整,而柱邊重劃住1023嚿佛像同祥雲天宮嘅寶塔圖都有,重有同埋塔頂嘅火焰寶珠、3層樓嘅九霄寶盤、9層樓高嘅寶輪、重有1層樓高嘅雙龍寶盤同8條鐵鍊整成有5噸咁重嘅塔刹都有。

辛亥革命之前

喺梁大同三年(537年)嗰陣,詔許曇裕法師就响呢度起咗間靚嘅木塔嚟畀喺鬼佬地方返嚟嘅佛舍,佢重改咗名嗌「舍利塔」。但係喺北宋初嗰陣因為火燭冧咗。到咗宋端拱二年(989年)就將個寺院重新裝修,重改名嗌「淨慧寺」。到咗紹聖四年(1097年)嗰陣,主簿林修同信士王衢歸沙門道琮就喺舍利塔嗰度起咗間寶塔,由於座塔入面有好多千佛像响度,所以就改咗名嗌「千佛塔」。喺元符三年(1100年),有位著名文學家、書法家蘇東坡就嚟咗個寺度,發現塔入面種咗6樖榕樹响度,之後就寫咗個「六榕」呢兩個字,之後就嗌成「六榕寺」嘅名喇。而千佛塔喺清朝初期重行裝修之後,因為個塔身有好多唔同嘅顏色响度,所以咪有「花塔」嘅名囉。

辛亥革命之後

  • 1980年:重新裝修過花塔同六祖堂,重將塔院整闊咗。
  • 1983年同1987年:先後重新起過大雄寶殿同觀音殿。

1987年起嘅大雄寶殿入面嘅釋迦牟尼、阿彌陀佛同藥師佛(每隻高6米、重10噸)同觀音殿入面嘅觀音像(高4米,重大概5噸)都係喺康熙二年(1663年)起嘅,之前係放响大佛寺度,佢重係廣東省入面保存得最大嘅古代黃銅像。雖然話喺文革嗰陣被人拆咗,但係到咗20世紀80年代,就放咗喺六榕寺度。

  • 1989年6月:廣東省政府就將六榕塔公佈成廣東省級文物保護單位。
  • 1993年:重新起過藏經閣。
  • 2006年:六榕塔已經俾人加入咗中國國家級文物保護單位。

連出去